काठमाडौं ।  मन्त्रिपरिषद् बैठकले वैशाख २७ गते संसद्‍को वर्षे अधिवेशन बोलाउन सिफारिस गर्ने निर्णय गरेको छ।

आइतबार प्रधानमन्त्री निवास बालुवाटारमा बसेको बैठकले वैशाख २७ मा अधिवेशन बोलाउन राष्ट्रपतिलाई सिफारिस गर्ने निर्णय भएको ज्ञञ मन्त्रीले जानकारी दिए।

बैठकमा प्रधानमन्त्री ओ‌लीले संसदमा विश्वासको मत लिने तयारीसमेत गरेको जानकारी गराएका थिए। उक्त जानकारी गराएर प्रधानमन्त्री ओली राष्ट्रपति विद्यादेवी भण्डारीसँग भेटका लागि शीतलनिवास पुगेका छन्।

आइतबारै नेकपा एमालेको स्थायी कमिटी बैठक सकेर प्रधानमन्त्री ओली शीतल निवास पुगेका थिए।

यसैबीच प्रधानमन्त्री केपी शर्मा ओलीले संसदबाट विश्वासको मत लिने भएका छन् । बालुवाटारमा जारी मन्त्रीपरिषद् बैठकमा प्रधानमन्त्री ओलीले विश्वासको मत लिने बताएका छन् ।

वैशाख २७ गते सदनबाट विश्वासको मत लिने तयारी प्रधानमन्त्री ओलीले गरेका हुन् ।