पोखरा । अन्नपूर्ण गाउँपालिका ६, चन्द्रकोटस्थित संगम माविले अभिभावक भेटघाट तथा घरदैलो अभियान सुरुआत गरेको छ । बर्सेनि विद्यार्थी घट्दै गएपछि विद्यालय व्यवस्थापन समितिले निर्णय नै गरेर अभिभावक भेटघाट तथा घरदैलो कार्यक्रम सञ्चालन गरेको हो ।
अभियानमा विव्यस पदाधिकारी, विद्यालयका शिक्षक एवं स्थानीय बुद्धिजीवी सहभागी थिए । टोल टोलमा पुगेका अभियानका सहभागीले अन्नपूर्ण ६ लुम्लेमा आगामी शैक्षिक सत्रदेखि विद्यालयमा सञ्चालन गरिने योजनाबारे जानकारी गराएका थिए ।
पूर्व विद्यार्थी मञ्च संगम माविका कोषाध्यक्ष आशबहादुर गुरुङले विद्यालयको भौतिक तथा शैक्षिक विकासका लागि विगतमा जस्तै आगामी दिनमा पनि मञ्चको तर्फबाट आवश्यक सहयोग जारी रहने प्रतिबद्धता जनाए ।
२०२८ सालमा स्थापित उक्त विद्यालय विद्यार्थी संख्या कम भएकै कारण अस्तित्व जोगाउन मुश्किल भएपछि पूर्व विद्यार्थी मञ्च र संगम बचाऊ अभियान अंग्रेजी माध्यममा कक्षा सञ्चालन लगायतका २२ बुँदे योजनाका साथ अघि बढेको छ ।
विद्यालयमा ६ देखि १० सम्म जम्मा ५२ जना विद्यार्थीहरु छन् । तीमध्ये अधिकांश विद्यार्थी निम्न आय भएका दलित समुदायका छन्, जसका कारण विद्यार्थीहरु नियमित विद्यालय नआउने, बीचमै कक्षा छाड्ने जस्ता समस्या विद्यमान छन् ।
दिवा खाजा, जेहेन्दार छात्रवृत्ति, विद्यालय पोसाक एवं आवश्यक स्टेसनरी निशुल्क प्रबन्ध गर्न सके थप विद्यार्थी आकर्षित गरी शैक्षिक गुणस्तरसमेत बढाउन सकिने विश्वास गरिएको छ ।
अभिभावक भेटघाट तथा घरदैलो कार्यक्रम अझै केही दिन जारी रहने विद्यालयका सहायक प्रधानाध्यापक प्रेमप्रसाद चापागाईंले बताए ।
Related News
सम्बन्धित समाचार
मर्दीखोला प्रतिष्ठानद्वारा शैक्षिक सामग्री र छात्रवृत्ति वितरण
क्यानडा पढ्न जानेलाई दूतावासको सुझाव : विद्यार्थीले सोचेजस्तो छैन, विचार गरेर आउनुस्
स्वास्थ्य संस्थाहरूमा किशोरकिशोरीमैत्री सेवा र पहुँच आवश्यक छ : प्रमुख आचार्य
कक्षा १२ को प्रश्नपत्र आउट गर्ने २ जना पक्राउ
महेन्द्र माविमा रुद्रमधु गोविन्द अक्षयकोष स्थापना
hero news full width
मुख्य समाचार
मुख्यमन्त्रीले आज विश्वासको मत लिने, मन्त्रालय टुंग्याउन माओवादीको माग
पोखरा देशभरकै प्रदूषित सहर
वैशाख २३, २०८१पाण्डे सरकारले नियम मिचेर बहुवर्षे योजना थपेको मुख्यमन्त्रीको आरोप
वैशाख २२, २०८१भ्रष्टाचार नियन्त्रणमा सार्थक प्रयास भएन : धनराज गुरुङ
वैशाख २१, २०८१गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
वैशाख २१, २०८१मुख्यमन्त्री अधिकारीले २३ गते विश्वासको मत लिने, राप्रपा विपक्षमै
वैशाख २१, २०८१