नवलपुर । नवलपुरमा कोरोना संक्रमितको संख्या बढ्न थालेपछि जिल्लाका अधिकांश पालिकाहरुका विद्यालय बन्द गरिएको छ ।
कावासोती नगरपालिकामा विद्यार्थीमा कोरोना संक्रमण देखिएपछि कावासोतीका विद्यालय एक साताका लागि बन्द गरिएको छ । नगरस्तरीय विपत व्यवस्थापन समितिको बैठकले विद्यालय र हाटबजार शुक्रबारसम्म बन्द गर्ने निर्णय गरिएको नगरस्तरीय विपत व्यवस्थापन समितिका संयोजक प्रेमशंकर मर्दनियाले बताए ।
नगरपालिकाको वडा २ मा रहेको शिव माविमा कक्षा १० पढ्ने विद्यार्थीमा कोरोना संक्रमण देखिएपछि कावासोतीका विद्यालय र हाटबजार शुक्रबारसम्मको लागि बन्द गरिएको हो ।
वैशाख २० देखि सुरु हुने विद्यालयस्तरका वार्षिक परीक्षा भने तोकिएकै मितिमा सञ्चालन हुने जनाइएको छ ।
देवचुली नगरपालिकाभित्रका विद्यालय पनि मंगलबारदेखि बन्द हुने भएको छ । देवचुली नगरपालिकाका नगर प्रमुख पूर्णकुमार श्रेष्ठका अनुसार २० गतेदेखि हुने विद्यालयस्तरको वार्षिक परीक्षाको तयारी र कोभिडबाट बालबालिकालाई बचाउन मंगलबारदेखि नगरका सबै विद्यालय बन्द गर्ने निर्णय भएको हो ।
यसैगरी, गैँडाकोट नगरपालिकाका शैक्षिक संस्था १५ दिनका लागि बन्द गरिएको छ । नगरपालिकाका नगर प्रमुख छत्रराज पौडेलका अनुसार वैशाख १४ देखि २८ गतेसम्म नगरका सम्पूर्ण शैक्षिक संस्था बन्द गरिएको हो ।
विनयी त्रिवेणी गाउँपालिकाका विद्यालय पनि अर्को सूचना प्रकाशित नभएसम्मका लागि मंगलबारदेखि बन्द गरिने भएको छ ।
नवलपुरमा सोमबार राति ९ बजेदेखि होटल तथा व्यवसाय बन्द गर्ने निर्णय गरिएको छ । कोरोना संक्रमितको संख्या बढ्न थालेपछि जिल्लास्तरको विपद व्यवथापन समितिको बैठकले सोमबार राति ९ बजेदेखि बन्द गर्ने निर्णय गरेको प्रमुख जिल्ला अधिकारी मनमाया पंगेनीले जनाइन् ।
पहिलो पटक कोरोनाको संक्रमण देखिनासाथ बन्द भएको नवलपुरको भारतसँग सीमा जोडिएको त्रिवेणी नाका कोरोनाको दोस्रो लहर देखिन थालेपछि थप बन्द गरिएको छ । यहाँबाट भारत जाने र नेपाल आउन चाहने सबैलाई प्रवेश निषेध गरिएको हो ।
अस्पतालको अवस्था र पूर्व तयारी
पूर्वी नवलपरासीमा पछिल्लो एक सातामै संक्रमितको दर बढ्न थालेपछि अस्पतालको तयारी तीव्र पारिएको छ । स्वास्थ्य कार्यालय नवलपुरका प्रमुख केशव चापागार्इंका अनुसार जिल्ला अस्पताल मध्यबिन्दु अस्पतालमा ६ बेडको आइसोलेसन कक्ष र ६ बेडको आइसियु कक्ष तयारी अवस्थामा राखिएको हो ।
उता, जिल्ला अस्पतालमै थप १२ वेडको आइसोलसन कक्षको तयारी भइरहेको छ ।
सोमबार बसेको नवलपुर जिल्लास्तरको विपद व्यवस्थापन समितिको बैठकले जिल्लाभित्र रहेको पालिकास्तरका अस्पताल सबैलाई पालिका तहमा कम्तीमा ५ देखि १० बेडको आइसोलेसन कक्ष तयारी गर्न निर्देशन दिएको छ ।
छिमेकी जिल्ला चितवनका अस्पताल भरिभराउ हुन थालेका कारण नवलपुरमै आइसियु कक्ष स्थापना गर्नुपर्ने नवलपुरलाई बाध्यता छ ।
पूर्वी नवलपरासीमा सक्रिय संक्रमितको संख्या ५७ पुगेको छ । स्वास्थ्य कार्यालय नवलपुरका प्रमुख केशव चापागार्इंका अनुसार तीमध्ये २ जना मध्यविन्दु जिल्ला अस्पतालमा उपचाररत् छन् । बाँकी होम आइसोलेसनमा छन् । सोमबार २ जना संक्रमित थपिएका हुन् ।
Related News
सम्बन्धित समाचार
त्रासैत्रासमा तंग्रिदै कागबेनी
मनिपालमा अत्याधुनिक एमआरआई मेसिन
१३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
कतारी अमिर स्वेदश फिर्ता : पोखरा–कतार उडान माग
कास्कीमा एसइई उत्तरपुस्तिका परीक्षण रोकियो
hero news full width
मुख्य समाचार
गण्डकीमा डायलाइसिसका लागि अब पालो कुर्न नपर्ने
स्वदेश फर्किए कतारी अमिर
वैशाख १२, २०८१कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
वैशाख १२, २०८१रोजगार खोज्दै मेलामा
वैशाख १२, २०८१कतारी अमिरलाई ‘रुद्रकली’ र ‘खगेन्द्रप्रसाद’ !
वैशाख ११, २०८१फेवातालमा दुर्घटनामा परेका ५ जनाको उद्धार
वैशाख ११, २०८१