पदयात्रा पर्यटनसँग जोडिँदै भुम्दी टुनार घरबास

rss रासस
वैशाख १३, २०७८
pumdi

u08sL, [email protected] j}zfvM ko{6ssf] :jfut kf]v/f dxfgu/kflnsf j8f g+ @@ l:yt e’DbL 6’gf/ xf]d:6]df ko{6ssf] :jfut ub}{ dlxnf . o; xf]d:6]nfO{ kbofqf ko{6g;Fu hf]8g] nIo /flvPsf] 5 . tl:a/M jf;’b]j kf}8]n÷ /f;;

गण्डकी । पर्यटकीय नगरी पोखराबाट नजिकै रहेको पोखरा महानगरपालिका २२ स्थित भुम्दीका स्थानीयवासी घरबासका माध्यमबाट यहाँको गाउँलाई पर्यटकमाझ पुर्‍याउने लक्ष्यका साथ क्रियाशील छन् ।

भुम्दी टुनार घरबास (होमस्टे) का नाममा संगठित बन्दै यहाँका ११ वटा घरमा विगत १ वर्षयता घरबास सञ्चालनमा ल्याइएको छ । प्रकृति र संस्कृतिका विविधतालाई पर्यटक माझ लैजाने दीर्घकालीन सोचका साथ घरबास सञ्चालनमा ल्याइएको अध्यक्ष नानीमाया गुरुङले बताइन् । गत वर्षदेखि घरबास सञ्चालनमा ल्याएसँगै पर्यटकको आकर्षण बढिरहेका अवस्थामा एकाएक विश्वव्यापी फैलिएको कोरोना भाइरसको प्रकोप र त्यससँगै गरिएको बन्दाबन्दीले आफूहरूको जागरुकतालाई प्रभावित बनाएको उनले बताइन् ।

समुद्री सतहबाट ८ सय मिटर उचाइमा रहेको यस ठाउँबाट माछापुच्छ«े, अन्नपूर्णलगायतका मनमोहक हिमाली दृश्य एकसाथ अवलोकन गर्न सकिन्छ । गाउँको शिरमा रहेको रामलक्ष्मण थान यहाँको अर्को धार्मिक पर्यटकीय गन्तव्यका रुपमा विकास हुँदै गएको होमस्टेकी सदस्य एवं भुम्दी टुनार आमा समूहकी अध्यक्ष राधा गुरुङले जानकारी दिए ।

उनका अनुसार यस तीर्थस्थलमा प्रत्येक वर्षको आश्विन शुक्ल पक्ष(बडा दसैं) र चैत्र शुक्ल पक्ष (चैते दसैं)का अवसरमा नवमी तिथिमा विशेष पूजाआजा हुन्छ । उक्त दिनमा कुखुराको बलि दिने गरिएको उनले जानकारी दिए । उक्त दिनमा रामलक्ष्मणको थानमा सिकार खेल्नुपर्छ भन्ने प्राचीन संस्कृति यहाँको अर्को मौलिकता हो । उक्त दिनमा सिकार खेल्नैपर्छ भन्ने प्राचीन मान्यताका कारण स्थानीयवासी जम्मा भएर सिकार खेलेझैं गरी हाहाहुहु गर्दै परम्परालाई धान्दै आएको उनले बताए ।

घरबासमा आउने पर्यटकलाई आफूहरूले यामअनुसारको गाउँमा नै उत्पादित प्रांगारिक तरकारीका साथै विभिन्न परिकार खुवाउने गरेको उनले जानकारी दिए । गाउँमा विभिन्न जातजातिका २७ घरमध्ये ११ वटाले घरबास सञ्चालन गरेको जानकारी दिँदै उनले होमस्टे सञ्चालन नगर्नेले पनि पर्यटकका लागि आवश्यक पर्ने कृषिजन्य उत्पादन तयार गरी लाभान्वित हुने गरेको बताए ।

हिमाली तथा पहाडी दृश्यावलोनको आकर्षक गन्तव्यका रुपमा रहेको यो ठाउँ पञ्चासे पदमार्गमा पर्ने ट्रेकिङ एजेन्सिज एसोसिएसन अफ नेपाल (टान) पश्चिमाञ्चल क्षेत्रीय संघका अध्यक्ष सुशीलराज पौडेलले बताए ।

पञ्चासे पदमार्गमा जानेका लागि यस स्थानमा विगतमा घरबास सञ्चालन नभएका कारण क्याम्पिङ गर्नुपर्ने बाध्यता रहेको बताउँदै उनले घरबास भएसँगै पदयात्रीका लागि निकै सहज बनेको बताए ।

३/४ दिनसम्म गर्न सकिने पञ्चासे पदयात्राका साथै पोखराबाट १ दिन हाइकिङका लागि पनि भुम्दी टुनार होमस्टे सहयोगी बन्ने पौडेलको भनाइ छ । उनका अनुसार १ दिन हाइकिङमा जान चाहनेले पामेबाट चापाकोट हुँदै भुम्दी, उल्लेरी हुँदै भुम्दी, ड्यामसाइड हुँदै भुम्दीका साथै खाडेखोलाबाट भुम्दीसम्म एकदिने हाइकिङ गर्न सक्दछन् । भुम्दी टुनार घरबासलाई पदयात्रा पर्यटनसँग जोड्ने आफूहरूको लक्ष्य रहेको उनले बताए ।

पदयात्राका लागि आउने पर्यटकले रुचाउने प्रांगारिक कृषिजन्य उत्पादनमा यहाँका स्थानीयले जोड दिएको हिमालयन भ्यू टी हाउसका सञ्चालक यामबहादुर गुरुङ (माइला दाइ) ले बताए ।

Related News

सम्बन्धित समाचार

    • मुस्ताङको गुमनाम पुस्तकालय

      prakash dhakal प्रकाश ढकाल वैशाख २६, २०७८
      लोमान्थाङमा अहिले पनि राजसंस्था जीवित छ । औपचारिक घोषणा नभए पनि पूर्व राजकुमारले राजकाजको जिम्मा सम्हाल्दै आएका छन् । विशेषतः…
    • पर्यटन क्षेत्रलाई संकटग्रस्त घोषणा गर्न व्यवसायीको माग   

      Avatar आदर्श समाज सम्वाददाता वैशाख २५, २०७८
      पोखरा । कोभिड–१९ को महामारीले पर्यटन क्षेत्र नराम्ररी प्रभावित भएको जनाउँदै यस क्षेत्रका व्यवसायीले पर्यटन क्षेत्रलाई सङ्कटग्रस्ट क्षेत्र घोषणा गर्न…
    • आँखाले देखेको तिलिचो

      दुर्गाप्रसाद आचार्य दुर्गाप्रसाद आचार्य वैशाख २५, २०७८
      वैशाखको दोस्रो हप्ताको दोस्रै दिन थियो । पोखराको आकाश निकै मैलो थियो र देशैभरि यस्तै । फाट्टफुट्ट परेको पानीले मैलो…
    • लकडाउनले २ सय पर्यटक थुनिए

      prakash dhakal प्रकाश ढकाल वैशाख २५, २०७८
      पोखरा  । दोस्रो लहरको कोरोना त्रासबाट जोगिन सरकारले घोषणा गरेको निषेधाज्ञाका कारण पोखरा र आसपासका पर्यटकीय क्षेत्रमा २ सय हाराहारी…
    • समृद्धि र विकासमा सर्वसाधारणलाई जोड्दै ताल

      Avatar आदर्श समाज सम्वाददाता वैशाख २१, २०७८
      गण्डकी । तालैतालको वडाका रूपमा ख्याति कमाएको पोखरा महानगरपालिका २६ स्थित खास्टे, न्युरेनी र गुँदे ताल यहाँका स्थानीयवासीको समृद्धि र…

    hero news full width

    sanil ads

    wordlink ads