पोखरा । पोखरा विश्वविद्यालयका नवनियुक्त रजिस्टार सहप्राध्यापक डा. दीपकबहादुर भण्डारीले पदभार ग्रहण गरेका छन् ।
प्रधानमन्त्री एवं पोखरा विश्वविद्यालयका कुलपति केपी शर्मा ओलीले डा. भण्डारीलाई आइतबार रजिस्टार नियुक्त गरेका थिए । उनको कार्यकाल ४ वर्ष हुनेछ ।
पोखरा विश्वविद्यालयको सभाकक्षमा नवनियुक्त रजिस्टार भण्डारीलाई स्वागत गर्दै उपकुलपति प्राडा अर्यालले धेरै समयको प्रतीक्षापछि विश्वविद्यालयले पूर्णकालीन रजिस्टार पाएको बताए । उनले विश्वविद्यालयभित्रैबाट रजिस्टार नियुक्ति हुनु सकारात्मक भएको उल्लेख गरे ।
नवनियुक्त रजिस्टार डा. भण्डारीले विश्वविद्यालयलाई आउँदा दिनमा कसरी अगाडि लैजाने भन्ने विषयमा बिजनेस डेभलपमेन्ट प्लान बनाई अगाडि बढ्ने बताए । पोखरा विश्वविद्यालयसँग धेरै राम्रा शैक्षिक कार्यक्रम रहेको तर भौतिक पूर्वाधार पर्याप्त नभएकाले अपेक्षित प्रगति हासिल गर्न नसकेको उल्लेख गर्दै उनले भौतिक पूर्वाधार निर्माण आफ्नो पहिलो प्राथमिकता रहेको बताए ।
कार्यक्रममा पोखरा विश्वविद्यालय सेवा आयोगका अध्यक्ष सहप्राध्यापक रघुनाथ अधिकारी, निवर्तमान रजिस्टार स्कुल अफ हेल्थ एन्ड एलाइड साइन्सेजका प्राडा विष्णुराज तिवारी, व्यवस्थापन संकायका डिन प्राध्यापक हरिबहादुर खड्का, मानविकी तथा सामाजिक शास्त्र संकायका डिन सहप्राध्यापक डा. अजय थापा, स्कुल अफ डेभलपमेन्ट एन्ड सोसल इन्जिनियरिङका स्कुल निर्देशक डा. रामप्रसाद अर्याल, पोखरा विश्वविद्यालय प्राध्यापक संघका सभापति उपप्राध्यापक हेमराज पाण्डे, कर्मचारी संघका सभापति उपप्रशासक शिवराज पण्डितले विश्वविद्यालयको वर्तमान अवस्था, चुनौती र अवसरबारे बोलेका थिए ।
नवनियुक्त रजिस्टार भण्डारीले त्रिविबाट एमबिएसमा स्नातकोत्तर र वित्तीय अर्थशास्त्रमा युकेबाट विद्यावारिधि गरेका छन् । ११ वर्षदेखि पोवि स्कुल अफ बिजनेसमा सहप्राध्यापक पदमा कार्यरत छन् । उनले पाविको विषम परिस्थितिमा ९ महिना रजिस्टार भई कार्यानुभवसमेत लिइसकेका थिए भने उनीसँग व्यवस्थापन संकायमा डिन र सहायक डिनको अनुभव छ ।
Related News
सम्बन्धित समाचार
रत्न शोभा माविको ६५ औं वार्षिकोत्सव
पोखरा आदर्शमा रेडक्रस सर्कल पुनर्गठन
बड्स एकेडेमीमा सदन विभाजन
व्यवसाय दर्ता र कर सचेतनाका लागि पोखरा महानगरले गर्यो क्याम्पसहरूसँग समझदारी
पिसिएममा पाइथन प्रोग्रामिङ तालिम
hero news full width
मुख्य समाचार
प्रदेशमा सञ्चालित आयोजनाहरुको प्रगति विवरण २ दिनभित्र पेस गर्न मुख्यमन्त्रीको निर्देशन
गण्डकी सरकारविरुद्ध सर्वोच्चमा कांग्रेसले दर्ता गरायो रिट, पेसी पर्सि
वैशाख २५, २०८१सुरु भयो ट्राफिक सप्ताह, मुख्यमन्त्रीले गरे उद्घाटन
वैशाख २५, २०८१गण्डकीका सभामुखको कदमबारे मिश्रित प्रतिक्रिया
वैशाख २५, २०८१मुख्यमन्त्री अधिकारीले रोजे पुरानै मन्त्री
वैशाख २५, २०८१ट्राफिक सप्ताहको ब्यानरमा प्रदेशका मन्त्रीको शपथ !
वैशाख २४, २०८१