पोखरा । नेपाल पर्यटन बोर्डका उपाध्यक्ष चन्द्रप्रसाद रिजालले पर्यटन क्षेत्रमा देखिएका समस्याहरु सुल्झाउन सरकारले नीतिगत रुपबाट नै सम्बोधन गर्नुपर्ने बताएका छन् ।
पोखरा पर्यटन परिषद्ले पोखरामा आयोजना गरेको शुभकामना आदान प्रदान एवं क्यालेन्डर विमोचन कार्यक्रममा रिजालले कोभिड १९ को प्रत्यक्ष असर पर्यटन क्षेत्रमा देखिएको सुनाए ।
पर्यटनलाई स्थायित्व दिन सरकारले आगामी बजेटबाट नीतिगत रुपमा सम्बोधन गर्र्नुपर्ने उनले माग गरे । आर्थिक समृद्धिको आधार पर्यटन क्षेत्र भए पनि यसका अनगिन्ति सम्भावना अध्ययन हुन नसक्दा र यस क्षेत्रका समस्या सम्बोधन हुन नसक्दा व्यवसायीहरु पलायन हुन सक्ने अवस्था आएको उल्लेख गरे ।
पोखरा महानगरपालिका प्रमुख मानबहादुर जिसीले पर्यटन व्यवसायीको गुनासालाई सम्बोधन गर्दै पर्यटन मैत्री पूर्वाधार निर्माणका लागि महानगर तयार रहेको बताए । उनले कोभिड १९ को असर न्यूनीकरण गर्दै पोखराको पर्यटन उकास्न व्यवसायीसँग सहकार्य र समन्वय गरी जाने बताए ।
कोभिडका कारण ३ महिनामा पर्यटन क्षेत्रले ७ अर्ब गुमाउनु परेको उल्लेख गर्दै आर्थिक समृद्धिमा पर्यटनको महत्व रहेकाले यस क्षेत्रको प्रवद्र्धन आवश्यक रहेको औंल्याए ।
गण्डकी प्रदेश सभा सदस्य राजीव पहारीले पोखराको पर्यटन विकासमा निजी क्षेत्रको भूमिका उल्लेखनीय रहेको जनाउँदै तीनै तहका सरकारबाट पर्यटनलाई केन्द्रबिन्दुमा राखेर काम भए आर्थिक समृद्धि हासिल हुने दाबी गरे । उनले फेवातालको समस्या समाधान उन्मुख रहेको र रत्नमन्दिर सर्वसाधारणका लागि खुला गर्नुपर्छ भन्नेमा दुईमत नभए पनि कार्यान्वयनमा देखिएको ढिलासुस्तीप्रति असन्तुष्टि व्यक्त गरे ।
परिषदका अध्यक्ष गोपिबहादुर भट्टराईले २०७७ पर्यटन क्षेत्रले ठूलो क्षति भोग्नु परेको स्मरण गर्दै नयाँ वर्ष २०७८ लाई सफल बनाउन सरकारले रणनीतिक योजनासहित पर्यटन क्षेत्रलाई प्राथमिकता राख्नुपर्ने बताए ।
उनले पर्यटनमा एकता र सामूहिक भावनाको खाँचो औल्याउँदै पोखराको पर्यटनलाई अन्तर्राष्ट्रिय जगतसम्म पु¥याउन विविधताबीचको एकता आवश्यक रहेको बताए । सरकारले ल्याएका नीति समयमा कार्यान्वयन हुन नहुँदा व्यवसायी थप पीडित हुँदै गएको उनको भनाइ थियो ।
कार्यक्रममा पोखरा पर्यटन परिषदका पूर्व अध्यक्ष टीकाराम सापकोटा, नेपाल पर्यटन बोर्डका गण्डकीका अध्यक्ष काशीराज भण्डारी, रेस्टुरेन्ट एन्ड बार एसोसिएसन पोखराका अध्यक्ष लक्ष्मण बराल लगायतले बोलेका थिए ।
विभिन्न पर्यटकीय संघ संस्थाका प्रमुख एवं प्रतिनिधि उपस्थित सो कार्यक्रममा परिषदले तयार गरेको २०७८ सालको क्यालेन्डर विमोचन गरिएको थियो । कार्यक्रमपश्चात् पोखरा पर्यटन व्यवसायी र बोर्ड उपाध्यक्ष रिजालबीच पर्यटनसम्बन्धी समसामयिक विषयमा अन्तक्र्रिया गरिएकोे परिषदका महासचिव रामचन्द्र शर्माले जानकारी दिए ।
Related News
सम्बन्धित समाचार
पुम्दीकोटमा दर्शक बढ्ने अपेक्षा
सराङकोट धार्मिक पर्यटकीय क्षेत्रः सञ्चारमन्त्री गुरुङ
पाेखरामा २० लाख पर्यटक भित्र्याउने लक्ष्य
सराङकोटमा फागुन १४ देखि महायज्ञ हुने
माघमा दाइँ गरेर पर्यटक बोलाउँदै पिटिसी
hero news full width
मुख्य समाचार
सफल पोखरा म्याराथनमा दौडियो पोखरा
आहारारामा को होला च्याम्पियन ?
फागुन २, २०८१पोखराको लभ्ली हिलमा गीता ज्ञानमहायज्ञ सुरु
फागुन २, २०८१पुराना रुख काट्नेलाई कारबाहीको माग
फागुन १, २०८१पाँचपल्टको विजेता थ्रि स्टारलाई रोक्दै ब्ल्याक बुल्स फाइनलमा
फागुन १, २०८१कर्मयोगी भक्तराज सम्मानित
फागुन १, २०८१