पोखरा । साइन रेसुंगा विकास बैंकले पोखरामा शाखा सञ्चालनमा ल्याएको छ । गण्डकी प्रदेशमा उक्त बैंकको यो पहिलो शाखा हो । नेपाल राष्ट्र बैंक पोखरा कार्यालयका निर्देशक ईश्वरीप्रसाद भट्टराईले पोखराको न्युरोडमा खुलेको शाखा मंगलबार उद्घाटन गरे । बैंकको यो ७७ औं शाखा हो ।
निर्देशक भट्टराईले अब विकास बैंकहरुले प्रविधिमैत्री सेवामा जोड दिन आग्रह गरे । गण्डकी प्रदेशमा सञ्चालित बैंक, फाइनान्स तथा वित्तीय संस्थामा हाल ३ सय ७७ अर्ब निक्षेप रहेकोमा २ सय ३५ अर्ब मात्र कर्जा प्रवाह भएको तथ्यांक उनले पेस गरे । निक्षेपको वृद्धिदर ४० प्रतिशत रहँदा कर्जा प्रवाहको वृद्धिदर भने २० प्रतिशत मात्र रहेको निर्देशक भट्टराईले बताए । यो क्षेत्रमा कर्जा प्रवाहलाई विस्तार गर्ने प्रशस्त सम्भावना रहेकाले बैंकहरुले त्यसै अनुसार गर्न उनले आग्रह गरे ।
गण्डकी प्रदेशमा कृषि, पर्यटन, ऊर्जा क्षेत्रमा प्रशस्त लगानीको सम्भावना रहेकाले अनुसन्धानमा आधारित रहेर कर्जा प्रवाह गर्न समेत उनले आग्रह गरे । नेपालमा आर्थिक वृद्धिदर राम्रो रहँदा पनि वित्तीय प्रगति भने त्यस अनुसार हुन नसकेको भन्दै उनले असन्तुष्टि व्यक्त गरे । बैंक तथा फाइनान्सहरुले उत्पादनमुखी योजनामा लगानी गरेमा अर्थतन्त्र विस्तारै उकासिँदै जाने उनको भनाइ थियो ।
बैंकका प्रमुख कार्यकारी अधिकृत प्रकाश पौडेलले ११ जना कर्मचारीबाट ६ करोडको पुँजीमा सुरु भएको बैंक अहिले ४ अर्ब भन्दा बढी चुक्ता पुँजी पुगेको जानकारी गराए । अहिले निक्षेप ३३ अर्ब र कर्जा प्रवाह ३१ अर्ब रहेको उनले बताए । उनका अनुसार बैंकले ४ लाख ४० हजार ग्राहकलाई प्रत्यक्ष सेवा प्रदान गर्दै आएको छ ।
फागुन ११ गते १२ औं वार्षिकोत्सवको अवसर पारेर बुटवलस्थित आफ्नै भवनमा बैंकले केन्द्रीय कार्यालय सञ्चालनमा ल्याएको छ । राष्ट्रियस्तरको बैंक भइकन काठमाडौं बाहिर रहेको केन्द्रीय कार्यालय रहेको बैंक साइन रेसुंगामात्र रहेको प्रमुख कार्यकारी अधिकृत पौडेलले दाबी गरे ।
नेपालका प्रमुख सहरका अब विस्तार शाखा विस्तारको योजना बैंकले अघि सारेको छ । गुल्मी, अर्घाखाँची, दाङ, प्युठान लगायतका जिल्लाका दुर्गम भेगमा साइन रेसुंगाले वित्तीय पहुँच बैंकले पु¥याएको छ । ग्राहकलाई नै सर्बोपरी ठानेर काम गर्दै आएको बैंकले पोखरामा पहिलो पटक शाखा खोलेको र विस्तारै आसपासमा खोल्दै जाने प्रतिबद्धता उनले जनाए ।
Related News
सम्बन्धित समाचार
रेडक्रस कास्कीलाई लुम्बिनी विकासको सहयोग
यस्तो छ लगानी सम्मेलनको कार्यतालिका
राष्ट्रपतिद्वारा लगानी सहजीकरणसम्बन्धी अध्यादेश जारी
नेपालमा लगानीकर्ताका लागि उपयुक्त वातावरण र सहि अवसर छ : महासंघ अध्यक्ष ढकाल
गण्डकी मेडिकल कलेजमा वित्तीय साक्षरता
hero news full width
मुख्य समाचार
मजदुरलाई छैन मजदुर दिवस रौनक
गण्डकीमा संविधान भर्सेज सर्वोच्च
वैशाख २०, २०८१पोखराको चाउथेमा बिजुली पसलमा आगलागी हुँदा १ करोडको क्षति
वैशाख २०, २०८१गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१नारायणगढ–बुटवल सडक ३३ किमी कालोपत्रे
वैशाख १९, २०८१सहकारी ठगीमा राप्रपाका सांसदसहित १४ जना विरुद्ध पक्राउ पूर्जी
वैशाख १८, २०८१