पोखरा । कास्की जिल्ला क्रिकेट संघको तेस्रो साधारण सभा भएको छ । सभाले कार्यसमितिमा रिक्त २ पदमध्ये १ सदस्यमा अरुण पौडेललाई मनोनीत गरेको छ । यस्तै रिक्त अर्को पदपूर्तिका लागि कार्यसमितिलाई नै जिम्मेवारी दिएको छ ।
सभाले पोखरा रंगशालाको क्रिकेट मैदान सञ्चालनका लागि कार्यविधि तय गर्दै मैदान प्रयोग गरेवापत संघमा आवद्ध क्लबलाई ४ हजार, अन्यका लागि ६ हजार र विदेशीका लागि ८ हजार दर तोकेको छ ।
कार्यक्रममा सचिव दीपेन्द्रप्रताप चन्दको वार्षिक प्रतिवेदन र कोषाध्यक्ष चन्द्र गुरुङ (जिमी) को प्रतिवेदन पारित भयो ।
संस्थाले भावी कार्यक्रम अन्तर्गत खेलमैदान सुधार, क्रिकेट एकेडेमीको सञ्चालन, विद्यालयस्तरीय छात्रछात्रा क्रिकेट प्रतियोगिता, जिल्लास्तरीय क्रिकेट प्रतियोगिता, अम्पायर तथा स्कोरर तालिम, नवौं राष्ट्रिय खेलकुद तयारीका लागि बन्द प्रशिक्षण, मनोरञ्जनात्मक क्रिकेट, प्रोत्साहन पुरस्कार, विदेशी टिमसँग मैत्रीपूर्ण क्रिकेट खेल, संघको कार्यालय व्यवस्थापन, सम्मान कार्यक्रम जोड दिएको छ ।
यसअघि कार्यक्रम उद्घाटन गर्दै राष्ट्रिय खेलकुद परिषद (राखेप) सदस्य राजेश गुरुङले कास्की क्रिकेट खेलका लागि सम्भावना भएको जिल्लाको रुपमा रहेको बताए ।
१३ औं साग अन्तर्गत महिला क्रिकेट आयोजनाले पनि पोखरा क्रिकेट खेलका लागि सम्भावना जिल्लाका रुपमा रहेको बताउँदै उनले सागमा रोकिएको सबै रकम राखेपले उपलव्ध गराउने प्रतिबद्धता जनाए ।
पश्चिमाञ्चल क्षेत्रीय खेलकुद विकास समितिका कार्यालय प्रमुख लक्ष्मण योगीले पोखरामा हुने नवौं राष्ट्रिय खेलकुद तयारीका लागि समेत मैदान मर्मत अपरिहार्य रहेको बताउँदै यस वर्ष विनियोजित रकम २५ लाखले काम सुरुवात गर्ने बताए ।
संघका अध्यक्ष सञ्जयकान्त सिग्देलको अध्यक्षतामा भएको कार्यक्रममा नेपाल क्रिकेट संघ (क्यान) का केन्द्रीय सदस्य ऋषिराम गौतम, गण्डकी प्रदेश क्रिकेट संघका अध्यक्ष देवेन्द्र प्रजुले बोलेका थिए ।
Related News
सम्बन्धित समाचार
सिद्ध र कालिका क्रिकेटको फाइनलमा
क्रिकेटमा त्रिभुवन र अमरसिंह विजयी
क्रिकेटमा त्रिभुवन र अमरसिंह विजयी
टी–ट्वान्टी छात्रा क्रिकेट प्रतियोगिता शनिबारदेखि
पट्नेरीमा अन्तर्राष्ट्रियस्तरको क्रिकेट रंगशाला बनाउन सिफारिस
hero news full width
मुख्य समाचार
पाण्डे सरकारले नियम मिचेर बहुवर्षे योजना थपेको मुख्यमन्त्रीको आरोप
भ्रष्टाचार नियन्त्रणमा सार्थक प्रयास भएन : धनराज गुरुङ
वैशाख २१, २०८१गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
वैशाख २१, २०८१मुख्यमन्त्री अधिकारीले २३ गते विश्वासको मत लिने, राप्रपा विपक्षमै
वैशाख २१, २०८१राप्रपाले साथ नदिने भएपछि अधिकारी सरकार संकटमा, अब के होला ?
वैशाख २०, २०८१लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१