पोखरा । कपाल वा दारी काट्ने सैलुन भनेपछि हामी सजिलै अनुमान गर्छौं भारती नागरिक या मधेशी समुदायका व्यक्तिले चलाएको होला भनेर । हुन पनि नेपालका अधिकांश सैलुन भारतीय नागरिक वा मधेसी समुदायका व्यक्ति सञ्चालन गर्दै आएका छन् ।
तर पछिल्लो समय पहाडी समुदायका नेपाली युवा पनि यो पेसमा आकर्षित हुन थालेका छन् । अनि मनग्गे आर्जन गर्न सफल भएका छन् । पछिल्लो समय नेपाली युवाहरुले हेन्डसम पार्लर देखि बार्बर सप खोलेर आफ्नै भूमिमा मनग्य आम्दानी गर्दै आइरहेका छन् । ती युवाहरुमध्ये पर्छन बागलुङका सुशील रानामगर । बाग्लुङ पुरानो गाउँ भई पोखरामै हुर्केका सुशीललाई बार्बर बन्छु भन्ने कहिल्यै पनि सोच थिएन ।
पोखरामा हुर्केर पोखरामानै पढेका सुशील वैदेशिक रोजगारमा पुगेर हन्डर खाएपछि बार्बर बन्ने सोच पलाएको हो । लामो समयदेखि जापानमा रहेका बुवा चन्द्रबहादुर राना, आमा दिलकुमारी रानाका एक्लो छोरो सुशील एसएलसी उतीर्ण हुनासाथ प्लस टु अध्ययन गर्दै गर्दा २०६७ सालतिर जापान पुगे । जापान बसाइ उनको धेरै समय टिकेन । जापानमा पुगेर सुशीलले ९ महिनामात्र जापान बस्ने मौका पाए । जापानको मेहनतले सुशीलले मनग्ये आम्दानी गर्थे तर जापान सरकारको नियमभन्दा बढी समय काम गर्न थालेपछि सुशीललाई त्यहाँको सरकारल नेपाल फिर्ता ग¥यो ।
जापानमा मेहनत गर्न सिकेका सुशीलले हिम्मत हारेनन् । नेपाल आएर जापानमा जस्तो मेहनत गर्ने हो भने नेपालमानै मनग्य आम्दानी त्यो पनि साथीभाइसँगै बसेर कमाइ गर्न सकिन्छ भन्ने उनमा आँट र भरोसा थियो । सीप र मेहनत हुने हो भने नेपालमै बसेर केही गर्न सकिने भन्दै हिड्ने सुशील पोखराको भाटभटेनी सुपरमार्केटको अन्डर ग्राउन्डमा नेपाली युवाहरुले जिएच हेयर सैलुन खोलेको थाहा पाए ।
उनी प्रायजसो ग्राहकको रुपमा नेपाली युवा हिमाल लिम्बुले सञ्चालनमा ल्याएको उक्त सैलुनमा जानेक्रम बढ्न थाल्यो । ग्राहक बनेर पुग्ने सुशील अन्तत उक्त बार्वर सपमा भोलेन्टिएरको रुपमा काम सिक्न थाले । सोही समयमा उनले उत्तम गुरुङलाई समेत भेट्ने मौका जु¥यो । उत्तम पनि उक्त सैलुनमा कपाल काट्ने काम गर्थे । सो सैलुनमा २ वर्ष कपाल काट्ने काम गरेका सुशील र उत्तम मिलेर पोखराको अमरसिंह मिनी मार्केटमा ८ लाखको लगानीमा २ वर्ष अगाडि बार्वर सप सञ्चालनमा ल्याए ।
मिठो बोलीचाली नम्र व्यवहार भएका सुशील र उत्तमको बार्बर सपको ग्राहक पनि भाटभटेनीमै आउनेहरु हुन थाले । पसल सञ्चालनका लागि आफ्नै साथी पालिखेचोकका विनायक पालिखे र सुशीलका काका सिंगापुरमा रहेका गणेश राना मगरले बार्बरमा प्रयोग हुने औजारहरु समेत सहयोग गरेको सुशील सम्झन्छन् ।
सुरुमा पसल सञ्चालन गर्दा कोही पनि ग्राहक नहुने हो कि, लगानी डुब्ने पो हो कि भन्ने चिन्ता पनि थियो । तर भाटभटेनीकै आफ्नो पुरानो ग्राहकबाटै आफूहरु आजसम्मको यात्रामा आइपुगेको सुशील बताउँछन् । बार्बर सप सञ्चालनको सुरुको दिनमा दैनिक १५ देखि २० जना ग्राहक आउने गरेको र हाल दैनिक ५० जना ग्राहकहरु आउने र मासिक २ लाख कमाइ हुने गरेको छ ।
बार्बरबाटै कमाएको केही पैसा सामाजिक काममा समेत उनीहरुले खर्चिदै आइरहेका छन् । उनीहरुले बर्सेनि थोरै भए पनि रकम छुट्याएर वृद्धाश्रमहरुमा समेत सहयोग गर्दै आएका छन् ।
राना र गुरुङले बार्बरमा कपाल काट्ने मात्र हैन सिकाउँदै पनि आएका छन् । हाल ४ जनाले बार्बर सिकिरहेको उनीहरुले बताए । उनीहरुकै उत्पादक सुदिप गुरुङ कान्छा अहिले बार्बरमा पोख्त भइसकेका छन् ।
सुशील भन्छन्, ‘नेपालमै केही गर्छु भन्ने जोश जाँगर झनै पलाएको छ तर पनि नेपाली युवाहरु विदेशिने फेसन नै बनेको छ नेपाली युवाहरु विदेश जानु नराम्रो होइन, गए पनि सीप सिकेर जानु राम्रो हो र वैदेशिक रोजगारमा सिकेको सीपलाई नेपालमानै प्रयोग गर्न सके झनै राम्रो ।’
Related News
सम्बन्धित समाचार
रेडक्रस कास्कीलाई लुम्बिनी विकासको सहयोग
यस्तो छ लगानी सम्मेलनको कार्यतालिका
राष्ट्रपतिद्वारा लगानी सहजीकरणसम्बन्धी अध्यादेश जारी
नेपालमा लगानीकर्ताका लागि उपयुक्त वातावरण र सहि अवसर छ : महासंघ अध्यक्ष ढकाल
गण्डकी मेडिकल कलेजमा वित्तीय साक्षरता
hero news full width
मुख्य समाचार
लाटोकोसेरो संरक्षक राजु आचार्यलाई बेलायतमा अवार्ड
पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१