दमौली । एकनासे परम्परागत तथा मगर जीवनशैली झल्काउने आधुनिक घर पनि । घरअघि डंकने नामको डाँडो ‘थम्सअप’ शैलीमा उभिएको छ । डाँडोबाट २ किमी टाढाको विकसित बन्दीपुरबाट रामकोट एक्लिएको थियो । त्यहाँबाट ५ किमी टाढाको भीडभाड डुम्रे बजार र काठमाडौं–पोखरा हुइँकिने गाडीको चमकधमक यो गाउँमा अहिलेसम्म पुगेको छैन ।
गाउँका आधुनिक युवा घुमाउरो बाटो हुँदै मोटरसाइकल भित्राउँछन् । करिब सय घरधुरी मगर मात्रै रहेको अनौठो यो गाउँमा चिल्लो सडक छिर्दा गाउँको अस्तित्व बिग्रने चिन्ताले गाउँपालिकाले बन्दीपुर–रामकोट जोड्न साइकल लेन निर्माण गरेको छ ।
गाउँपालिका अध्यक्ष, वडाका प्रतिनिधि सहित गाउँलेहरु आधुनिक सडक सन्जाल ल्याउने सोचमा थिएनन् । ‘हो अलिकति दुःख कम हुन्छ । तर, थोरै सुखका लागि डाँडोको फेदैफेद सडक ल्याउने कुरामा म चाहीँ विपक्षमा थिएँ,’ बन्दीपुर गाउँपालिका अध्यक्ष पूर्णसिंह थापा भन्छन्, ‘रामकोटमा सजिलो सडक निर्माण भएमा बन्दीपुरबाट पैदल यात्रा गर्दै रामकोट हेर्न आउने पर्यटक अन्तै जान थाल्छन् । त्यसो भयो भने न त यहाँको होमस्टे चल्छ न मगर संस्कृति नै बाँकी रहन्छ ।’
स्थानीयको तहको चुनाव ताका स्थानीयले पनि सडकभन्दा पर्यटक बढ्ने उपायमा बजेट लगाउन माग गरेका थिए । घुमाउँरो भए पनि डुम्रेबाट गाउँसम्म आइपुग्ने कच्ची बाटो जोडिएको छ । डङ्कने डाँडोबाट सडक ल्याउँदा बाटो छोटो हुने र अन्नपानी सस्तो हुने थियो । तर, गाउँलेहरु सडक पक्षमा थिएनन् । त्यसैले त गाउँपालिकाले बन्दीपुर–रामकोट साइकल लेन निर्माण ग¥यो ।
रानीवन जङ्गलमा साइकल लेनको निर्माण गरिएको छ । गाउँपालिकाले ६ लाख र प्रधानमन्त्री रोजगार कार्यक्रममार्फत ३ लाख लागत साझेदारीमा बन्दीपुर रामकोट जोडिने झन्डै ५ किमी साइकल लेन निर्माण गरिएको हो । उक्त लेन बुधबार गाउँपालिका अध्यक्ष थापाले उद्घाटन गरे । उनले भने, ‘अन्ततिर गाउँमा सडक चाहियो भनेर मारामार गर्छन् । हाम्रोमा सडक चाहिएन । बरु त्यो बजेट पर्यटक बढ्ने उपायमा लगाइदेऊ भन्छन् । त्यसैले होमस्टेको प्रवद्र्धन गर्न साइकल लेन निर्माण गरेका हौं ।’
पर्यटकीय बन्दीपुरमा नयाँ–नयाँ पर्यटकीय गन्तव्य पहिचान गर्ने उद्देश्यसहित साइकल लेन निर्माण गरिएको र यसबाट राष्ट्रिय तथा अन्तर्राष्ट्रिय साइकलयात्री भित्राएर पर्यटन प्रवद्र्धन गर्न सकिने गाउँपालिका अध्यक्ष थापाको विश्वास छ । विशेषगरी महिलाबाट यस्तो माग आएपछि गाउँपालिका र पर्यटन बोर्डको सहयोगमा रामकोटका महिलाले होमस्टे तालिम लिने अवसर पाएका थिए ।
केही समय कोरोना करले पर्यटकीय गतिविधि सुस्त भए पनि हाल बिस्तारै चहलपहल हुन थालेको छ । बन्दीपुरबाट पैदल र साइकलमार्फत यात्रा गर्दै रामकोट पुग्ने पर्यटक रामकोटमा बास बस्ने गरी गाउँपालिकाले वातावरण मिलाएको छ । ५ वर्षअघिसम्म रामकोटमा छाडा सुँगुरका कारण रोग र फोहोरको उपद्रो थियो । बाहिरका मानिस गाउँमा एकक्षण पनि उभिन सक्ने अवस्था थिएन । सफा सुग्घर हुनुपर्ने दबाब बढ्यो र हाल रामकोट आकर्षक गाउँमा परिवर्तन भएको छ ।
होमस्टे प्रमुख बीहिसरा मगर भन्छिन्, ‘साइकल लेनले हाम्रो होमस्टेको प्रवद्र्धनमा आशावादी छौं ।’
पर्यटन क्षेत्र चलायमान बनाउन गाउँपालिकाले बन्दीपुरको २० वर्षे गुरुयोजना तयार गरेको छ । काठमाडौँ, पोखरा र सौराहाजस्ता पर्यटकीय केन्द्र बीचमा रहेको बन्दीपुरलाई यिनै केन्द्रहरुको पनि केन्द्रका रूपमा विकास गर्ने गाउँपालिकाको लक्ष्य छ ।
Related News
सम्बन्धित समाचार
त्रासैत्रासमा तंग्रिदै कागबेनी
मनिपालमा अत्याधुनिक एमआरआई मेसिन
१३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
कतारी अमिर स्वेदश फिर्ता : पोखरा–कतार उडान माग
कास्कीमा एसइई उत्तरपुस्तिका परीक्षण रोकियो
hero news full width
मुख्य समाचार
गण्डकीमा डायलाइसिसका लागि अब पालो कुर्न नपर्ने
स्वदेश फर्किए कतारी अमिर
वैशाख १२, २०८१कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
वैशाख १२, २०८१रोजगार खोज्दै मेलामा
वैशाख १२, २०८१कतारी अमिरलाई ‘रुद्रकली’ र ‘खगेन्द्रप्रसाद’ !
वैशाख ११, २०८१फेवातालमा दुर्घटनामा परेका ५ जनाको उद्धार
वैशाख ११, २०८१