पोखरा । नौलो घुम्ती नेपालको अध्यक्षमा योगराज पौडेल सर्वसम्मत भएका छन् । संस्थाको १९ औं साधारण सभा तथा १० औं अधिवेशनबाट बिहीबार समिति चयन भएको हो । प्रथम उपाध्यक्षमा बद्रिविनोद खनाल, द्वितीय उपाध्यक्षमा सुरेन्द्र थापामगर, महासचिवमा मंगल नेपाली, सचिवमा मीना गुरुङ, कोषाध्यक्षमा महेन्द्रकुमार गुरुङ चयन भए । सदस्यमा समीर गुरुङ, शिवराम भण्डारी, विनु गुरुङ, ढुण्डिराज ज्ञवाली, कमलप्रसाद अर्याल, तुमला श्रेष्ठ सर्वसम्मत चयन भए ।

साधारण सभाको गण्डकी प्रदेश आर्थिक मामिला तथा योजना मन्त्री किरण गुरुङले उद्घाटन गरेका थिए । उनले संस्था जुन उद्देश्य लिएर स्थापना भएको हो त्यसैलाई निरन्तरता दिन आग्रह गरे । उनले प्रदेश सरकार नौलो घुम्ती नेपालसंग सहकार्य गर्न तयार रहेको बताए ।
निवर्तमान अध्यक्ष अधिवक्ता मेहरमान श्रेष्ठको संयोजकत्वमा, सदस्य पूर्व अध्यक्षद्वय इन्दिरा बराल र पदमराज पहारीको निर्वाचन समितिले निर्वाचन गरेको थियो ।

संस्थापक अध्यक्ष तथा सल्लाहकार प्रेम बहादुर श्रेष्ठले संस्थाले राम्रो नेतृत्व पाएर नै धेरै सामाजिक काम गर्न सकेको भन्दै स्थापना गर्न सजिलो तर निरन्तरता दक्षता र इमान्दारिताले संस्थाले धेरै प्रगति गरेको बताए ।

कार्यक्रममा गुड नेवर्स इन्टेरनेसनलका कास्की जिल्ला संयोजक टुपेन्द्र खुलालले नौलो घुम्ती नेपालले गरेका परियोजनाहरु एक अर्कासँग परस्पर सम्बन्धित भएकोले काम गर्न सजिलो भएको बताए । उक्त अवसरमा अध्यक्ष खड्गबहादुर रानाभाटले वार्षिक प्रगति प्रतिवेदन, महासचिव वद्रीविनोद खनालले महासचिवको प्रतिवेदन र कोषाध्यक्ष मंगल नेपालीले आर्थिक प्रतिवेदन प्रस्तुत गरेका थिए ।