ओमप्रकाश सरको ‘ताङतिङ मेरो गाउँ’

Avatar आदर्श समाज सम्वाददाता
माघ ४, २०७७
Tangting Mero Gaun

पोखरा । कास्कीको पर्यटकीय गाउँ ताङतिङका सामाजिक अभियन्ता ओमप्रकाश गुरुङको संस्मरणात्मक निबन्धहरुको सँगालो ‘ताङतिङ मेरो गाउँ’ पुस्तक सार्वजनिक गरिएको छ ।

गाउँ पर्यटन प्रवद्र्धन मञ्च (भिटोफ) गण्डकीले शनिबार पोखरामा आयोजना गरेको कार्यक्रममा पुस्तक सार्वजनिक गरिएको हो ।

मादी गाउँपालिकाका अध्यक्ष वेदबहादुर गुरुङ, नेपाल पर्यटन बोर्डका निर्देशक मणि लामिछाने, पोखरा पर्यटन परिषदका अध्यक्ष गोपीबहादुर भट्टराई, पत्रकार जमुना वर्षाशर्मा, ताङतिङ दूधपोखरी तमु समाजका अध्यक्ष सुवेदार मेजर हेमप्रसाद गुरुङ, नौजुपैंगी लामा गुरुङ समाज ताङतिङका अध्यक्ष कृष्णमान गुरुङ, पत्रकार माधव पनेरु, भिटोफका अध्यक्ष नवराज अधिकारी र लेखक स्वयंले पुस्तकको घुम्टो उघारेका हुन् ।

ताङतिङको हिमालय मीलन माविका प्रधानाध्यापक गुरुङको पुस्तकमा गाउँको विकासमा गरिएको संघर्ष, लाहुरे संस्कृतिले पारेको प्रभाव, ग्रामीण जीवनशैलीको चित्रण, पर्यटनले जगाएको आशा र शैक्षिक विकासका विषयलाई निजात्मक रुपमा पस्किएको छ । त्यसैले यो पुस्तक ताङतिङ चियाउने आँखीझ्याल बनेको छ ।

गुरुङको पुस्तक ताङतिङ चिनाउन र नयाँ पुस्ताले प्रेरणा लिन कोशेढुङ्गा हुने कार्यक्रमका वक्ताहरुले बताए । आफ्नो ब्लग सेतो सुनाखरीमा बेलाबेलामा लेख्दै आएका गुरुङले लेखन यात्रालाई निरन्तर अघि बढाउने प्रतिबद्धता जनाएका छन् ।

नेत्रकुमारी गुरुङले प्रकाशन गरेको पुस्तकमा ३० वटा छोटा निबन्ध छन् । यसको सम्पादन पत्रकार अमृत भादगाउँलेले गरेका हुन् । पुस्तकको मूल्य ३ सय रुपैयाँ राखिएको छ ।

Related News

सम्बन्धित समाचार

    • नेपालगंजमा पोखरा प्रबद्र्धन अभियान

      Avatar आदर्श समाज सम्वाददाता फागुन २२, २०७७
      नेपालगंज, २२ फागुन । पश्चिमान्चल होटल संघ पोखराको आयोजनामा आन्तरिक पर्यटन पुनःउत्थान तथा पर्यटन प्रवद्र्धन अभियान बाँकेको नेपालगंजबाट सुरु भएको…
    • पर्यटक आगमनमा झिनो सुधार   

      Avatar आदर्श समाज सम्वाददाता फागुन १८, २०७७
      काठमाडौँ । सन् २०२१ को फेब्रुअरीमा विदेशी पर्यटकको आगमनमा झिनो सुधार भएको छ । पछिल्लो पर्यटक आगमन दर हेर्दा कोभिड–१९…
    • पर्यटक डाक्न आतुर छ म्याग्दीकाे मालिका धुरी

      sadhanramjali साधन राम्जाली फागुन १५, २०७७
      बेनी  । म्याग्दीको प्रमुख पर्यटकीय र धार्मिक गन्तव्यस्थलमध्ये एक हो, मालिका धुरी । घनाजंगलबीच पहाडको टुप्पोमा रहेको मालिकाबाट धौलागिरि, नीलगिरि, अन्नपूर्ण,…
    • जनप्रियमा ट्रेकिङ गाइड तालिम

      Avatar आदर्श समाज सम्वाददाता फागुन ११, २०७७
      पोखरा । जनप्रिय बहुमुखी क्याम्पस र नेपाल पर्वतीय प्रशिक्षण प्रतिष्ठानको संयुक्त आयोजना एवं माछापुच्छ्रे मोडेल ट्रेकको व्यवस्थापनमा स्नातकतह पर्वतीय पर्यटन…
    • पर्यटन व्यवसायीको गुनासो सुन्न सरकारलाई आग्रह

      Avatar आदर्श समाज सम्वाददाता फागुन ११, २०७७
      पोखरा । पर्यटन व्यवसायीले साहसिक पदयात्रा पर्यटनको क्षेत्रका समस्यालाई सम्बोधन गरेर निकास दिन सरकार समक्ष आग्रह गरेका छन् । ट्रेकिङ…

    hero news full width

    sanil ads

    wordlink ads