पोखरा । कोरोना महामारीसँगै थलिएको पर्यटनलाई चलायमान बनाउने उद्देश्यले गाउँ पर्यटन प्रवद्र्धन मञ्च (भिटोफ) गण्डकीले पर्यटन पुनर्उत्थान एवं ग्रामीण पर्यटन प्रवद्र्धनात्मक भ्रमण सुरु गरेको छ । नेपाल पर्यटन बोर्ड पोखराको प्रवद्र्धन र पोखरा पर्यटन परिषद्को सहयोगमा शनिबार सुरु भएको भ्रमण ४ दिन चल्ने छ ।
पर्यटनसम्बद्ध क्षेत्रका पदाधिकारी तथा सञ्चारकर्मी सहितको टोलीले कास्की, पर्वत र बागलुङ गरी ३ जिल्लाका पर्यटकीय गाउँमा सञ्चालित घरवासको प्रवद्र्धनात्मक भ्रमण गर्न लागिएको भिटोफ गण्डकी प्रदेशका अध्यक्ष नवराज अधिकारीले बताए ।
भ्रमणका क्रममा बागलुङको ढोरपाटनमा सञ्चालित घरवाससहित सोही जिल्लाको गलकोटस्थित रिघा सामुदायिक, ताराखोलास्थित शिवधुरी सामुदायिक, भकुण्डेस्थित अतिथि सत्कार सामुदायिक, पर्वतको भुक देउराली सामुदायिक, लब्सिबोट सामुदायिक र कास्कीको हेम्जाकोट सामुदायिक घरवासमा सरोकारवालाबीच छलफल एवं अन्तरक्रिया गरिने छ ।
भ्रमण अघि गण्डकी प्रदेशका उद्योग, पर्यटन, वन तथा वातावरण मन्त्री विकास लम्साल कोरोनाले थलिएको पर्यटनलाई चलायमान बनाउनु अहिलेको आवश्यकता भएको बताए । गण्डकी प्रदेशको समृद्धिमा पर्यटन महत्वपूर्ण माध्यम भएको भन्दै उनले पर्यटनको वातावरण निर्माणका लागि सरकार प्रतिवद्ध भएको बताए ।
पोखरा पर्यटन परिषद्का अध्यक्ष गोपिबहादुुर भट्टराईले पर्यटन क्षेत्रलाई सबैको साथ सहयोगमा पुनर्उत्थान गरिनु अहिलेको आवश्यकता भएको बताए । भिटोफ गण्डकी प्रदेशका उपाध्यक्ष एवं कार्यक्रम संयोजक सूर्यनाथ पहारी र उदय सुवेदीले प्रवद्र्धनात्मक भ्रमणले थलिएको पर्यटनमा ऊर्जा प्रवाह गर्ने विश्वास व्यक्त गरे ।
भिटोफ गण्डकीका अध्यक्ष अधिकारीका अनुसार प्रकृति र संस्कृतिमा सम्पन्न गण्डकी प्रदेशमा ३ सय भन्दा बढी घरवास सञ्चालित छन् । हिमालदेखि तराईसम्म समेटिएको गण्डकी प्रदेशमा नेपालमा नै पहिलोपटक घरवास सञ्चालित सिरुवारी नमुना सामुदायिक होमस्टे सहितका होमस्टेले स्वदेशी तथा विदेशी पर्यटकलाई लोभ्याउने गरेका छन् ।
Related News
सम्बन्धित समाचार
त्रासैत्रासमा तंग्रिदै कागबेनी
मनिपालमा अत्याधुनिक एमआरआई मेसिन
१३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
कतारी अमिर स्वेदश फिर्ता : पोखरा–कतार उडान माग
कास्कीमा एसइई उत्तरपुस्तिका परीक्षण रोकियो
hero news full width
मुख्य समाचार
गण्डकीमा डायलाइसिसका लागि अब पालो कुर्न नपर्ने
स्वदेश फर्किए कतारी अमिर
वैशाख १२, २०८१कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
वैशाख १२, २०८१रोजगार खोज्दै मेलामा
वैशाख १२, २०८१कतारी अमिरलाई ‘रुद्रकली’ र ‘खगेन्द्रप्रसाद’ !
वैशाख ११, २०८१फेवातालमा दुर्घटनामा परेका ५ जनाको उद्धार
वैशाख ११, २०८१