पोखरा । २०७२ सालको महाविनासकारी भुकम्पको केन्द्र विन्दु हो, चुंकङडाँडा । गोरखाको धार्चे गाउँपालिका ५ नम्बर वडालाई केन्द्र बनाएर गएको भुकम्पले देशै तहसनहस भयो । भुकम्प पछिको पुनः निर्माण सकिईसकेको छैन ।
भुकम्पको इपिसेण्टर (केन्द्र) मा गाउँपालिकाले पार्क र एडभेन्चर ट्रेल निर्माण गरेको छ । केन्द्रविन्दू आसपासका क्षेत्रलाई समेटेर लाप्राकदेखि गुम्दा हुँदै चुङकङडाँडासम्म इपिसेण्टर एड्भेञ्चर ट्रेल निर्माण गरिएको हो । ६२.२ किलोमिटर लामो ट्रेल पर्यटन विकासका लागि निर्माण गरिएको अध्यक्ष सन्तोष गुरुङले जानकारी दिए । उनका अनुसार चुङकङडाँडामा ‘इपिसेण्टर’ स्तम्भ निर्माण गरिएको छ ।
‘पर्यटनबाटै बाँचेको गाउँ हो । भुकम्पले ध्वंस बनायो,’ उनले भने, ‘अब यसको पुनरुत्थान गर्नुछ । पहिले झैं पर्यटक भित्र्याउनु छ । यसका लागि गाउँपालिकाले संरचना निर्माणको काम धमाधम गरिरहेको छ ।’ १७ लाख टुरिजम बोर्ड र युएनडीपीको १० लाख सहित २७ लाख लागतमा ट्रेल निर्माण गरिएको गुरुङले बताए । ट्रेलको गण्डकी प्रदेशका पर्यटन मन्त्री विकास लम्सालले उद्घाटन गरे ।
स्कुलमा पर्वतारोहण पढाई
गाउँपालिकाले पर्वतारोहण र पर्यटन विषय पढाउन थालेको छ । पर्वतारोहण संघसँगको समन्वयमा ४ नम्बर वडाको लाप्राक स्थित मणिकामदेवी माविमा नयाँ बिषयको पढाई सुरु गरिएको हो । पर्वतारोहण विषय पढाउने प्रदेशमै पहिलो विद्यालय हो । यो बर्ष ११ र १२ कक्षामा पढाई सुरु भएको छ । ‘धार्चेले नौलो अभ्यास गरेको छ । यो नागरिकको दैनिक जनजीविकासँग जोडिने बिषय हो,’ पर्यटनमन्त्री लम्सालले उनले भने, ‘अरु पालिकाले पनि आफ्नो बिशिष्टतालाई हेरेर पाठ्यक्रम तयार गरोस् । त्यहाँ उत्पादन भएका जनशक्ति जागिर खोज्न विदेशिनु नपरोस् ।’
पहिलो बर्ष ४५ जना विद्यार्थीले पर्वतारोहण र पर्यटन बिषय पढ्न थालेका छन् । यसका लागि रक क्लाईम्बिङ, इन्डोर वाल, लगायत पूर्वाधार निर्माण अन्तिम चरणमा पुगेको गाउँपालिका अध्यक्ष सन्तोष गुरुङले जानकारी दिए । ‘यो पढाई निकै महंगो रहेछ । पर्वतारोहण संघले सघाएर नयाँ पढाई गर्न सकेका हौं,’ उनले भने, ‘शिक्षक र अन्य खर्च संघले ब्यहोर्ने भनेको छ । हामीले समन्वय गरेका छौं ।’
गुरुङका अनुसार यही बर्षदेखि गाउँपालिकामा प्याराग्लाईडिङको ब्यवसायिक उडान हुने छ भने स्थानीयलाई पाईलट प्रशिक्षण समेत दिईने छ । धार्चे गोरखाको उत्तरी क्षेत्रमा पर्छ । पर्यटकीय गाउँ लाप्राक यही गाउँपालिकामा छ । २०७२ सालको महा विनासकारी भुकम्प समेत यही गाउँपालिका नजिक गएको हो । त्यसैलाई देखाएर पालिकाले इपिसेण्टर साइकल ट्रेल निर्माण गरेको छ । लाप्राकमा गैर आवासीय नेपाली संघले नमुना बस्ती निर्माणको काम गरिरहेको छ । गाउँलाई पूरै पर्यटकीय बनाउने गरी संरचना निर्माण भैरहेको गाउँपालिकाले जनाएको छ । शिक्षालाई दैनिकीसँग जोड्नका लागि प्राविधिक बिषयको पढाई थालेको उनको भनाई छ ।
Related News
सम्बन्धित समाचार
मजदुरलाई छैन मजदुर दिवस रौनक
नारायणगढ–बुटवल सडक ३३ किमी कालोपत्रे
अकला आयोजना सञ्चालनमा खानेपानी संस्थान नै बाधक !
सडक आश्रित मानवमुक्त जिल्ला कार्यान्वयनका लागि समन्वय बैठक
सांस्कृतिक कार्यक्रम एवं भजन प्रतियोगिताको तयारी पूरा
hero news full width
मुख्य समाचार
धुँवा पुत्याउने गाडी फन्दामा
गण्डकीमा संविधान भर्सेज सर्वोच्च
वैशाख २०, २०८१पोखराको चाउथेमा बिजुली पसलमा आगलागी हुँदा १ करोडको क्षति
वैशाख २०, २०८१गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१सहकारी ठगीमा राप्रपाका सांसदसहित १४ जना विरुद्ध पक्राउ पूर्जी
वैशाख १८, २०८१गण्डकीमा अधिकारी सरकारलाई राप्रपाको साथ
वैशाख १८, २०८१