पोखरा । कोरोना सँधै आफ्नै नियन्त्रणमा रहेको दावी गरिरहने गण्डकी सरकारलाई आइतबारको रिपोर्टले झस्काएको छ । आइतबार एकैदिन ४ सय २४ जनामा कोरोना संक्रमण पुष्टी भएको हो । क्षेत्रीय क्षयरोग केन्द्र, पश्चिमाञ्चल क्षेत्रीय अस्पताल र लाइफकेयर एण्ड डाईग्नोस्टिक प्रालिमा गरिएको परीक्षणमा प्रदेशमा हालसम्मकै सबैभन्दा उच्च संक्रमित फेला परेका हुन् । १ हजार २ सय ३० परीक्षण गरिएकोमा प्रदेशको राजधानी पोखरामा सबैभन्दा धेरै २ सय ८३ संक्रमित थपिए भने तनहुँमा ४१, नवलपुरमा ३१, लमजुङमा १८, गोरखामा १३ जना संक्रमित थप भएका छन् । यस्तै, पर्वतमा ११, स्याङजामा १०, बागलुङमा ९ र म्याग्दीमा ७ जनामा कोरोना संक्रमण पुष्टी भएको हो । हालसम्म ३ सय भन्दा कम संख्यामै सीमित संक्रमित एकैपटक सवा ४ सय पुगेको हो ।
आइतबार प्रदेशमा २ जनाको मृत्यु भएको छ । कास्की अन्नपूर्ण गाउँपालिका ३ का ४७ वर्षीय पुरुष र पोखरा १७ का ६० वर्षीय पुरुषको कोरोनाका कारण मृत्यु भएको पश्चिमाञ्चल क्षेत्रीय अस्पतालले जनाएको छ । अन्नपूर्णका पुरुष कोरोना संक्रमण पुष्टी भएपछि कार्तिक ४ गते अस्पतालको सघन उपचार कक्षमा उपचाररत थिए । निमोनियाका समेत विरामी उनको आइतबार दिउँसो निधन भएको अस्पतालले विज्ञप्ती निकाल्दै जानकारी गराएको हो । यस्तै, पोखरा १७ का पुरुष कार्तिक ११ गते अस्पताल भर्ना भएका थिए । उनलाई मधुमेहको समस्या रहेको अस्पतालका निर्देशक डा. अर्जुन आचार्यले जानकारी दिए ।
योसँगै गण्डकी प्रदेशमा ७ हजार ७ सय ४० संक्रमित पुगेका छन् भने ८० जनाको मृत्यु भएको छ । हालसम्म ४ हजार ३ सय ३५ जना निको भएर घर फर्किएका छन् । संक्रमितको संख्याका आधारमा १ प्रतिशत भन्दा बढी मृत्युदर छ । तिमध्ये पनि अधिकांश ५० बर्षभन्दा कम उमेरका छन् । संक्रमित समेत ८० प्रतिशतभन्दा बढी ५० बर्षभन्दा कम उमेरका छन् । ३ हजार ३ सय २५ जना सक्रिय संक्रमित उपचारमै छन् ।
कास्कीमा अहिले पनि १ हजार ८ सय ५१ संक्रमित आइसोलेसनमा छन् । ७ सय ७२ जना निको भएका छन् । दोश्रो धेरै संक्रमित रहेका नवलपुरमा ५ सय ७५ उपचाररत छन् भने १ हजार १ सय २ जना निको भएका छन् । प्रदेशभर सबैभन्दा धेरै कास्कीमा मृत्यु भएको छ । २९ जनाले कोभिडकै कारण ज्यान गुमाएका छन् । नवलपुरमा १७, तनहुँमा ११, गोरखामा ८, स्याङजामा ६ र बागलुङमा ५ जनाको मृत्यु भैसकेको छ ।
पोखरामा कोरोना नियन्त्रण बाहिर पुगिसकेको मेयर मानबहादुर जिसीले बताए । ‘अब हाम्रो नियन्त्रणमा छैन । तरपनि अन्तिम अवस्थासम्म प्रयास गरिरहनुपर्छ,’ उनले भने, ‘पश्चिमाञ्चल अस्पताल र संक्रामक रोग अस्पतालमा अक्सिजन लाइन जोड्न थालेका छौं । अन्तिमसम्म भिड्ने हो ।’ उनका अनुसार दुवै अस्पतालमा ५/५ लाख अक्सिजन लाइन जोड्न र थप ९ लाख प्राविधिक कर्मचारीको ब्यवस्थापन गर्न महानगरले रकम निकासा दिएको छ । अहिले पोखरामा मात्रै ७ सय भन्दा बढी संक्रमित होम आइसोलेसनमा छन् । ‘कुन संक्रमितको अवस्था के छ हामीलाई थाहा छैन । नेगेटिभ रिपोर्ट आएर घर गएकाहरुलाई दोहो¥याएर स्वास्थ्य अवस्था बुझ्न सकिएको छैन,’ मेयर जिसीले भने, ‘सल्लाह गरेर निषेधाज्ञा गर्नुपर्ने हुन सक्छ ।’ उनले अवस्था हेरी १५ दिनसम्म निषेधाज्ञा गर्नुपर्ने अवस्था आउन सक्ने बताए । पोखराको २, १३ र २७ नम्बर वडाको काम अहिले बन्द छ । महानगरको सेवा समेत १५ दिन बन्द भएर विहिबारदेखि सुरु भएको थियो ।
पश्चिमाञ्चल क्षेत्रीय अस्पतालका निर्देशक डा. अर्जुन आचार्यले संक्रमितको संख्या बढ्दै गएकोले थप ४० बेड विस्तार गर्न लागेको बताए । ‘प्रदेशलाई धेरै पटक भन्यौं । मानेन । नागरिकलाई उपचार नगराउने कुरा त भएन,’ उनले भने, ‘प्रतिष्ठानले नै ४० बेड कोभिडको लागि छुट्याएर पूर्वाधार जोड्न लागेको छ ।’ उनले पनि सरकारले भनेझैं कोरोना नियन्त्रणमा नरहेको बताए । ‘संख्याको बृद्धीदर हेर्दा कहालीलाग्दो छ,’ उनी भन्छन्, ‘अब फरक रणनीति अपनाउनुपर्छ ।’ प्रदेशमा हाल विभिन्न अस्पतालमा १ सय ८६ वटा आइसीयू र ५४ वटा भेन्टिलेटर रहेको स्वास्थ्य निर्देशनालयको दावी छ । तिमध्ये ६४ वटा आइसीयू र ८ वटा भेन्टिलेटरमा विरामी छन् । अरु खाली रहेको स्वास्थ्य निर्देशक डा. विनोदविन्दु शर्माले बताए ।
Related News
सम्बन्धित समाचार
त्रासैत्रासमा तंग्रिदै कागबेनी
मनिपालमा अत्याधुनिक एमआरआई मेसिन
१३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
कतारी अमिर स्वेदश फिर्ता : पोखरा–कतार उडान माग
कास्कीमा एसइई उत्तरपुस्तिका परीक्षण रोकियो
hero news full width
मुख्य समाचार
गण्डकीमा डायलाइसिसका लागि अब पालो कुर्न नपर्ने
स्वदेश फर्किए कतारी अमिर
वैशाख १२, २०८१कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
वैशाख १२, २०८१रोजगार खोज्दै मेलामा
वैशाख १२, २०८१कतारी अमिरलाई ‘रुद्रकली’ र ‘खगेन्द्रप्रसाद’ !
वैशाख ११, २०८१फेवातालमा दुर्घटनामा परेका ५ जनाको उद्धार
वैशाख ११, २०८१