पोखरा  । पोखरा–३३ भरतपोखरीबाट ठूलो परिणाममा लागुऔषध गाँजासहित २ जनालाई प्रहरीले पक्राउ गरेको छ ।

जिल्ला प्रहरी कार्यालय कास्कीका प्रवक्ता सुवास हमालका अनुसार जिल्ला र प्रहरी चौकी भरतपोखरीबाट खटिएको टोलीले गएराति चेकजाँचक्रममा ग ९ प ६०२८ नम्बरको मोटरसाइकलमा सवार दुई व्यक्तिले बोकेको झोलाबाट ६ केजी १ सय ग्राम गाँजा, १ थान लागुऔषध तौल गर्ने मेसिन बरामद गरेको हो ।

पक्राउ पर्नेमा तनहुँको शुक्लागण्डकी १२ घर भई हाल पोखरा–१७ बिरौटा बस्दै आएका २३ वर्षीय संजोक विक र २० वर्षीय सिलास बिक रहेका छन् ।

उनीहरुमाथि लागुऔषध नियन्त्रण ऐन,२०३३ विपरीतको कसूरअन्तर्गत थप अनुसन्धान भइरहेको छ ।