पोखरा । प्रदेश बजार अनुगमन टोलीले आइतबार २० कार्टुन घीउ नष्ट गरेको छ । गाईको घीउ भन्दै भुक्याएर बनस्पति घीउ बिक्री गर्दै आएका कास्कीको अन्नपूर्ण गाउँपालिका घर भई पोखरा–४, गणेशटोल डेरा गरी बस्ने एक युवाले बिक्रीका लागि बजारमा पुर्याएको घीउ नष्ट गरिएको हो ।
‘कुशल’ घीउ नाम दिएर ५ सय ग्रामको ३ सय ८० रुपैयाँ मूल्य राखेर प्लाष्टिक बट्टामा बिक्रीको लागि उनले बजारमा पु¥याएका थिए । बट्टामा ५ सय ग्राम लेखिए पनि तौल भने ३ सय ८५ ग्राममात्र भेटिएको छ ।
ती युवकले घीउजस्तो देखिने कच्चा पदार्थ प्रतिकेजी १ सय ३५ रुपैयाँ खरिद गरी प्रतिकेजी ७ सय ६० रुपैयाँ बिक्री गर्ने गरेको पाइएको छ । उनले उक्त नक्कली घीउ म्याग्दी, लमजुङ, तनहुँ लगायत जिल्लामा लगेर बिक्री गर्ने गरेको जानकारी उद्योग वाणिज्य तथा उपभोक्ता हित संरक्षण निर्देशनालय पोखराका निर्देशक गोकुल शर्माले दिए ।
अनुगमन टोली साउन १६ मा तनहुँको म्याग्देस्थित थर्पुमा अनुगमनक्रममा एक पसलमा उक्त नक्कली घीउ भेटाएपछि नमूना संकलन गरेर ल्याएको थियो ।
उक्त घीउ बिक्री गर्दै आएका अन्नपूर्णका ती युवकलाई खोज्न टोलीलाई २ हप्ता लागेको थियो । ती व्यक्तिले आफ्नो डेरा कोठामा कुनै दर्ता र कम्पनी बिना प्याक गर्ने, लेबल टाँस्ने र बजारमा बिक्री गर्ने गरेको तथ्य खुलेको थियो ।
निर्देशनालयले ती युवाले उत्पादन गर्ने कच्चा पदार्थ र लेवल मेसिन समेत बरामद गरेको छ ।
आइतबार निर्देशनालयको कार्यालयमा घीउ नष्ट गरी ती व्यक्तिलाई अबको दिनमा यस्तो गल्ती नगर्ने भन्दै कागज गरी तारेखमा छाडिएको जानकारी निर्देशक शर्माले दिए । घीउ नष्ट गर्न निर्देशनालयका निर्देशक गोकुल शर्मा, उपभोक्ता मञ्च गण्डकी अध्यक्ष कपिलनाथ कोइराला, खाद्य प्रविधि तथा गुण नियन्त्रण कार्यालय पोखराका डिभिजन प्रमुख प्रशान्त पोखरेल, जिल्ला प्रशासन कार्यालय कास्कीका प्रतिनिधि शिव पौडेल, नापतौल कार्यालय पोखरका प्रतिनिधि तथा संचारकर्मीको रोहवरमा घीउ नष्ट गरिएको हो ।
उपभोक्ता मञ्च गण्डकी अध्यक्ष कोइरालाले चार्डपर्वको मौका छोपी नक्कली घीउ बिक्री गरेर आमनागरिकको स्वास्थ्यमा खेलवाड गर्न नपाइने बताए ।
यस्तै नक्कली घीउ उत्पादक अन्य कोही भएपनि तुरुन्त बन्द गर्न आग्रह गर्दै अबका दिनमा बजार अनुगमन थप प्रभावकारी बनाइने बताए ।
पोखराका डिपाटमेन्टल स्टोरले पनि उद्योग, लेवल, तौलजस्ता कुरा लेखिएका खाद्यपदार्थ खरिद गरेरमात्र बिक्री गर्न निर्देशनालयले निर्देशन दिएको छ । कसैले झुक्याएर नक्कली र अखाद्य पदार्थ बिक्री गरेको पाइए कडा कारबाही गरिने बताइएको छ ।
Related News
सम्बन्धित समाचार
लान्द्रुकमा हनी हन्टिङ महोत्सव तयारी
सहारा क्लब पोखरालाई वर्ष उत्कृष्ट क्लबको अवार्ड
पामेका अनधिकृत संरचनामा महानगरको डोजर
पोखरामा धुवाँको कालो मुस्लो फ्याक्ने ११ गाडी नियन्त्रण
स्वास्थ्य संस्थाहरूमा किशोरकिशोरीमैत्री सेवा र पहुँच आवश्यक छ : प्रमुख आचार्य
hero news full width
मुख्य समाचार
प्रदेशमा सञ्चालित आयोजनाहरुको प्रगति विवरण २ दिनभित्र पेस गर्न मुख्यमन्त्रीको निर्देशन
गण्डकी सरकारविरुद्ध सर्वोच्चमा कांग्रेसले दर्ता गरायो रिट, पेसी पर्सि
वैशाख २५, २०८१सुरु भयो ट्राफिक सप्ताह, मुख्यमन्त्रीले गरे उद्घाटन
वैशाख २५, २०८१गण्डकीका सभामुखको कदमबारे मिश्रित प्रतिक्रिया
वैशाख २५, २०८१मुख्यमन्त्री अधिकारीले रोजे पुरानै मन्त्री
वैशाख २५, २०८१ट्राफिक सप्ताहको ब्यानरमा प्रदेशका मन्त्रीको शपथ !
वैशाख २४, २०८१