पर्यटक तान्न विश्वकै सबैभन्दा लामो झोलुङ्गेपुल

राजेशचन्द्र राजभण्डारी राजेशचन्द्र राजभण्डारी
असार २०, २०७७
jp

बागलुङ, २० असार । झोलुङ्गे पुलको जिल्ला भनेर परिचित बागलुङ जिल्लामा संसार भरिका पर्यटक तान्न बिश्व कै सबैभन्दा लामो झोलुङ्गे पुल निर्माण गरिएको छ ।

प्रकृतिसंग रमाउन खोज्ने विश्वका पर्यटक आकर्षित गर्ने काम अहिले अन्तिम चरणमा छ । विश्वब्यापी महामारीको रूपमा फैलिएको कोरोना भाइरस कोभिड १९ ले देश बन्दाबन्दी भएपछि थला परेको सर्यटन व्यवसायलाई टेवा दिने गरी आन्तरिक तथा बाह्य पर्यटक तान्नको लागि बागलुङ नगरपालिकाले तयारी गरिरहेको छ ।

बागलुङ नगरपालिका वडा नम्बर १ बाङ्गेचौर देखि पर्वत जिल्लाको कुश्मा नगरपालिका वडा नम्बर १ अदुवावारी जोड्ने ५६७ मिटर लामो बिश्व कै सबैभन्दा लामो झोलुङ्गेपुल निर्माण सकेर हस्तान्त्रणको तयारीमा छ । पुलमा रातिको समयमा वारपार गर्न सहज होस भन्ने उद्देश्यले लाईट जडानको काम भैरहेको छ । सिंगला स्पानमा निर्माण भएको विश्वकै लामो पुललाई थप अर्कषक वनाउन लाईट जडान गर्न लागेको नगरपालिकाले जनाएको छ । बन्दावन्दीको कारण पुलको औपचारीक उद्घाटन गर्न समस्या भएको बागलुङ नगरपालिकाका नगर प्रमुख जनक पौडेलले वताए ।

५६७ मिटर लामो सिंगल स्पान प्रविधिको विश्वकै सबैभन्दा लामो झोलुङ्गेपुल ठेकेदार कम्पनीले सम्झौता मिति भन्दा एक वर्ष अगाडि नै सम्पन्न गरेपनि कोरोना भाइरस कोभिड १९ का कारण देशमा बन्दाबन्दी भएपछि पुल हस्तान्तरण र उद्घाटनको काम भने रोकिएको छ । पुलले बागलुङको पर्यटन प्रर्वद्धनमा महत्वपूर्ण भूमिका खेल्ने होटल व्यवसायी सञ्जयकुमार श्रेष्ठले वताए ।

पुल निर्माणपछि बागलुङ बजारसँग व्यावसायिक सम्बन्ध रहेका कुश्मा नगरपालिका, जलजला गाउँपालिकाका जनताका लागि सहज पहुँच पुग्नेछ । कालिगण्डकी नदीमाथि बनेको उक्त पुल बागलुङ प्रवेशद्वार मालढुङ्गा बजार, मध्यपहाडी लोकमार्ग र कालिगण्डकी करिडोर सडकखण्डको ठिकमाथि रहेकाले पर्यटकीय दृष्टिले महत्वपूर्ण बागलुङ नगरपालिका वडा नम्वर २ का वडा अध्यक्ष जीवन आचार्यले वताए ।

स्विजरल्याण्डमा सिंगल स्पानको ४९७ मिटर लामो झोलुङ्गेपुल बिश्व कै सबैभन्दा लामो मानिन्थ्यो । पुलमा २८ वटा लठ्ठा जडान गरिएको छ भने पुलमा कुल ९४५ स्टिलडेक बिछ्याइएको छ । पुलको प्रति वर्गफिट चार जना अट्न सक्ने क्षमता रहेको र पुल भरिभराउ भएपनि थेग्न सक्ने क्षमताको रहेको निर्माण कम्पनी थानी बीएलटी हिमशिखर कन्स्ट्रक्सनले जनाएको छ । कालिगण्डकी नदीमाथि बनेको १ सय ५२ मिटर अग्लो झोलुङ्गे पुलको लठ्ठा तान्न गाह्रो र चुनौतीपूर्ण भए पनि आधुनिक प्रविधिको सहायताले नमूना परियोजना सम्पन्न भएको निर्माण मम्पनीका प्रतिनिधि नरहरि खड्काले जानकारी दिए ।

कञ्चनपुरको महाकाली नदीमा बनाइएको मल्टिस्पान प्रकृतिको चाँदनी–दोधारा पुल एसियामा लामो मानिने भए पनि बागलुङमा वनेको पुल खुला प्रकृतिको पहिलो हो ।चाँदनी–दोधारा पुलमा १४–१५ वटा टावर राखेर बनाइएको छ भने बागलुङमा बनेको पुल खुला आकाशमा बनेकाले पनि यस प्रकृतिको पुल नेपालकै नभई विश्वकै लामो पुल रहेको बागलुङ नगर पालिकाले जनाएको छ । नगरपालिकाले पुललाई गिनिज वुक अफ वल्ड रेकडमा दर्ता गर्ने प्रक्रिया समेत अगाडि वढाएको छ ।

Related News

सम्बन्धित समाचार

    • धार्मिक पर्यटकीय क्षेत्र छाङ्छाङ्दी

      Avatar आदर्श समाज सम्वाददाता वैशाख ३०, २०७८
      छाङ्छाङ्दी (स्याङजा) । पहाडको बीच भागबाट कडा चट्टानलाई छिचोल्दै पानीको झरना छङ्छङ् झरिरहेको छ । छङ्छङ् आवाज निरन्तर सुनिने सोही झरनाका…
    • मुस्ताङको गुमनाम पुस्तकालय

      prakash dhakal प्रकाश ढकाल वैशाख २६, २०७८
      लोमान्थाङमा अहिले पनि राजसंस्था जीवित छ । औपचारिक घोषणा नभए पनि पूर्व राजकुमारले राजकाजको जिम्मा सम्हाल्दै आएका छन् । विशेषतः…
    • पर्यटन क्षेत्रलाई संकटग्रस्त घोषणा गर्न व्यवसायीको माग   

      Avatar आदर्श समाज सम्वाददाता वैशाख २५, २०७८
      पोखरा । कोभिड–१९ को महामारीले पर्यटन क्षेत्र नराम्ररी प्रभावित भएको जनाउँदै यस क्षेत्रका व्यवसायीले पर्यटन क्षेत्रलाई सङ्कटग्रस्ट क्षेत्र घोषणा गर्न…
    • आँखाले देखेको तिलिचो

      दुर्गाप्रसाद आचार्य दुर्गाप्रसाद आचार्य वैशाख २५, २०७८
      वैशाखको दोस्रो हप्ताको दोस्रै दिन थियो । पोखराको आकाश निकै मैलो थियो र देशैभरि यस्तै । फाट्टफुट्ट परेको पानीले मैलो…
    • लकडाउनले २ सय पर्यटक थुनिए

      prakash dhakal प्रकाश ढकाल वैशाख २५, २०७८
      पोखरा  । दोस्रो लहरको कोरोना त्रासबाट जोगिन सरकारले घोषणा गरेको निषेधाज्ञाका कारण पोखरा र आसपासका पर्यटकीय क्षेत्रमा २ सय हाराहारी…

    hero news full width

    Fishtail

    sanil ads

    wordlink ads

    trending post