नेपालमा कोरोनाबाट मृत्यु पहिलो घटना, सिन्धुपाल्चोककी २९ वर्षीया महिलाको मृत्यु कोरोनाबाटै

Avatar आदर्श समाज सम्वाददाता
जेठ ३, २०७७

नेपालमा कोरोना भाइरस (कोभिड–१९) बाट एक जनाको मृत्यु भएको छ । नेपालको सन्दर्भमा कोरोनाबाट मृत्यु हुने यो पहिलो घटना हो ।

सिन्धुपाल्चोक बाह्रेबिसेकी २९ वर्षीया महिलाको कोभिड–१९ बाट मृत्यु भएको स्वास्थ्य तथा जनसंख्या मन्त्रालयले शनिबार राति विज्ञप्तिमार्फत पुष्टि गरेको हो ।

ती महिलाको ९ दिनअघि त्रिवि शिक्षण अस्पतालमा नर्मल डेलिभरी भएको थियो । त्यसपछि घर गएकी उनलाई ज्वरो र खोकी लाग्नुका साथै स्वासप्रश्वासमा समस्या आएको थियो । स्थानीय अस्पतालमा उपचार गर्दा पनि नभएपछि बिहीबार धुलिखेल लगिएकोमा उपचारार्थ लगिएकोमा चिकित्सकले मृत्यु भएको घोषणा गरेका थिए ।

कोरोनाको मिल्दोजुल्दो लक्षण देखिएपछि ती महिलाको पीसीआर टेष्ट पोजेटिभ आएकोमा राष्ट्रिय जनस्वास्थ्य प्रयोगशालामा समेत भएको परीक्षणमा रिपोर्ट पोजेटिभ आएको हो ।
स्वास्थ्य मन्त्रालयका अनुसार नेपालमा हालसम्म कोरोनाबाट संक्रमित हुनेको संख्या २ सय ८१ पुगेको छ ।

हाम्रो सुझाव