पोखरा, १८ वैशाख । गण्डकी प्रदेशमै पहिलो पटक पोखरामा पीसीआर मेसिन ल्याएको ठिक १ महिना पुगेको छ । हालसम्म ६ सय २७ जनाको मात्र कोरोनाको पीसीआर टेष्ट गरिएको छ भने -यापिड डायनोस्टिक टेस्ट (आरडीटी) गर्नेको संख्या ५ हजार ४ सय १३ पुगेको छ ।
यसबीचमा कोरोना परीक्षण दरको प्रगति कस्तो रह्यो त ? विश्वभर कोरोना भाइरसको संक्रमण फैलिएपछि पोखरामा गत चैत १८ मा भित्राइएको पीसीआर मेसिनबाट टेष्ट सुरु भएको हो । पोखरा–१०, रामघाटस्थित पोखरा स्वास्थ्य विज्ञान प्रतिष्ठान (पश्चिमाञ्चल क्षेत्रीय अस्पताल) मा परीक्षण हुनुअघि यहाँ स्वाब संकलन गरी काठमाडौं पठाउनुपर्ने बाध्यता थियो ।
हेलिकोप्टरमार्फत २ लाख रुपैयाँ बढी भाडा तिरेर मेसिन ल्याउनुअघि प्रदेशका ३२ वटाको नमुना संकलन गरिएकोमा २० जनाको टेष्ट भएको थियो । हाल नयाँ मेसिन र अस्पतालमै रहेको पुरानो मेसिनबाट पीसीआर टेष्ट भइरहेको गण्डकी प्रदेश स्वास्थ्य निर्देशनालयले जनाएको छ ।
नयाँ मेसिनबाट सुरु भएको ५ दिनपछि अर्थात चैत २३ बाट पुरानो मेसिनबाट पनि कोरोना जाँच सुरु भएको गण्डकी प्रदेश स्वास्थ्य निर्देशनालयका स्वास्थ्य शिक्षा निर्देशक नवराज शर्माले जनाए । यता, निर्देशनालयका निर्देशक डा. विनोदविन्दु शर्माले प्रदेश–३ बाहेक अन्य प्रदेश तुलनामा आफूहरु नै कोरोना परीक्षणमा राम्रो गर्दैआएको दाबी गर्दछन् ।
उनले जति हुनुपर्ने थियो, सो परीक्षण भैसकेको र फाट्टफुट्ट संकलित स्वाब तथा आरडीटी हुने बताए । उनले भने, ‘हालसम्मको कन्ट्याक्ट ट्रेसिङको काम सकिएको छ । हामीहरुले अत्यन्तै मिहिन ढंगले काम गर्यौं । गण्डकीमा देखिएका २ जना बिरामी पनि उपचार पनि फर्किसकेका छन् । यो सुखद विषय हो ।’ हुन पनि पोखरामा दुई दिनयताको नमुना संकलनलाई हेर्ने हो भने परीक्षण दर घट्दो छ ।
बुधबारसम्म ६ सय २२ जनाको पीसीआर टेष्टका लागि नमुना संकलन गरिएको थियो । बुधबारमात्रै ४० जना र बिहीबार ५ जनाको मात्र स्वाब संकलन गरिएको छ । यसरी बिहीबारसम्म संकलित नमुना संख्या ६ सय २७ पुगेको हो । हालसम्मको परीक्षणमा २ जना संक्रमित (बागलुङका महिला निको भइ घर फर्केका), ६ सय २० जना नेगेटिभ र बाँकी ५ जनाको परिणाम आउन बाँकी छ ।
उता, आरडीटी टेष्ट पनि घट्दो छ । बुधबारसम्म गण्डकीमा कुल ५ हजार ४ सय ११ जनाको आरडीटी भएको जनाइएको थियो । बुधबार ६८ जनाको भएकोमा र बिहीबार मात्र २ जनाको आरडीटी भयो । अब थप तालिम दिएर जिल्ला–जिल्लामै सेवा दिने गरी केही जनशक्ति पठाउने तयारी स्वास्थ्य निर्देशनालयको छ ।
पोखराको ल्याबमा हाल केन्द्रबाट आएका २ जना सहित १० जना जतिले निरन्तर काम गरिरहेका छन् । नयाँ मेसिनले दैनिक बढीमा १२ वटा नमूनाको रिपोर्ट दिन सक्छ भने पुरानो मेसिन २ सिफ्टसम्म चलाउँदा १ सय ४० वटासम्म रिपोर्ट दिने क्षमता राख्छ । रि–रिजेन्ट प्रयोगसँगै पुरानो मेसिन समेत संचालनमा आउन थालेको हो । सुरुवातमा भने प्रयोगशालाका कर्मचारीले मेसिन अभाव भन्दै गुपचुप बसेका थिए । चैत अन्तिमबाट मात्र गण्डकीमा बागलुङबाट आरडीटी थालिएको हो । हाल गण्डकीमा ११ वटै जिल्लामा आरडीटी किटबाट परीक्षण सुविधा छ । जसमध्ये सबैभन्दा बढी जोखिम भनिएको बागलुङमा १ हजार १ सय २७ जनाको आरडीटी भयो ।
त्यसपछि कास्कीमा १ हजार ८५ जनाको आरडीटी भएको छ । गण्डकीमा चैतयता कुल ४ हजार ५ सय २२ जना मानिस विदेशबाट फर्किएको रेकर्ड छ । उनीहरुमध्ये अधिकांशको आरडीटी भैसकेको स्वास्थ्य निर्देशनालयको दाबी छ । नवलपुर जिल्लामा संकलित स्वाब भने चितवन पठाउने गरिएको छ । त्यहाँबाट साप्ताहिक रुपमा प्रदेश राजधानी पोखरालाई रिपोर्ट दिइने गरेको छ ।
यस्तै, हाल गण्डकीमा क्वारेन्टाइन बस्नेहरु हाल ४ सय ४६ जनामात्र छन् । सबैभन्दा बढी स्याङ्जामा १ सय ८७ जना, लमजुङ १ सय २१ जना, नवलपुर ६६, म्याग्दी २४, पर्वत १ सय २१, मनाङ १२, गोरखा ६, बागलुङ ६, मुस्ताङ २ र तनहुँ १ जना क्वारेन्टाइनमा छन् । कास्कीका क्वारेन्टाइनमा भने मान्छे छैनन् । सबै रित्तिएका छन् ।
Related News
सम्बन्धित समाचार
त्रासैत्रासमा तंग्रिदै कागबेनी
मनिपालमा अत्याधुनिक एमआरआई मेसिन
१३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
कतारी अमिर स्वेदश फिर्ता : पोखरा–कतार उडान माग
कास्कीमा एसइई उत्तरपुस्तिका परीक्षण रोकियो
hero news full width
मुख्य समाचार
गण्डकीमा डायलाइसिसका लागि अब पालो कुर्न नपर्ने
स्वदेश फर्किए कतारी अमिर
वैशाख १२, २०८१कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
वैशाख १२, २०८१रोजगार खोज्दै मेलामा
वैशाख १२, २०८१कतारी अमिरलाई ‘रुद्रकली’ र ‘खगेन्द्रप्रसाद’ !
वैशाख ११, २०८१फेवातालमा दुर्घटनामा परेका ५ जनाको उद्धार
वैशाख ११, २०८१