Worldlink ads

गण्डकी प्रदेशकी सामाजिक विकास मन्त्रीले नै गरिन् लकडाउनको अवेज्ञा

साधन राम्जाली
वैशाख ८, २०७७
myagdi -health program . (3)

म्याग्दी । कोरोना महामारी रोक्न आह्वान गरिएको लकडाउनलाई अवज्ञा गर्दै म्याग्दीमा अभिमुखीकरण कार्यक्रम गरिएको छ । मन्त्री ,सांसद,जनप्रतिनिधि तथा प्रशासन लगायतको उपस्थितिमा देशमा जारी कोरोना भाइरसविरुद्धको लकडाउन तथा एकै ठाउँ २५ भन्दा बढी मानिस बेला हुन नपाइने नियमलाई उल्लंघन गर्दै भीड जम्मा गरेर गण्डकी प्रदेशको सामाजिक विकास मन्त्रालय अन्तर्गतको स्वास्थ्य निर्देशनालयले आइतबार म्याग्दीमा अभिमुखीकरण कार्यक्रम गरेको हो ।

सो कार्यक्रममा गण्डकी प्रदेश सामाजिक विकास मन्त्री नरदेबी पुन ,प्रतिनिधि सभाका सदस्य भुपेन्द्रबहादुर थापा, प्रदेश सभा सदस्य विनोद केसी ,जिल्ला समन्वय समितिका प्रमुख देवेन्द्रबहादुर केसी , पश्चिमाञ्चल क्षेत्रीय स्वास्थ्य निर्देशनालय पोखराका माइक्रोबायोलोजिष्ट धर्मराज भट्ट, बेनी अस्पतालका चिकित्सक र स्वास्थ्यकर्मी, कोभिड–१९ कमाण्ड पोष्ट, जनप्रतिनिधि र सुरक्षा अधिकारीहरु लगायतको उपस्थिति रहेको थियो । सरकारले २५ जनाभन्दाबढी मानिस भेला हुन समेत रोक लगाएको अवस्थामा भीड जम्मा गरेर कार्यक्रम आयोजना गरेको भन्दै सरोकारवालाहरुले विरोध जनाएका छन् । नागरिक समाजका संयोजक सुदर्शनकुमार श्रेष्ठले नीति, नियम पालना गराउने निकायबाटै उल्लंघन हुनु समाजमा सकरात्मक सन्देश नजाने बताए । नेपाल पत्रकार महासंघ म्याग्दीका उपाध्यक्ष ठाकुरप्रसाद आचार्यले २५ जना भन्दा बढी मानिस भेला भएर गरिने कार्यक्रमले लकडाउनको नियम उल्लंघन हुने बताए ।

यता स्वास्थ्य कार्यालय म्याग्दीका प्रमुख एकनारायण लम्सालले लकडाउनको समय भएपनि स्वास्थ्यकर्मीको क्षमता विकास गर्ने उद्देश्यले दुरी कायम गरेर कार्यक्रम संचालन गरिएको प्रतिक्रिया दिए । उनका अनुसार बेनी अस्पतालका चिकित्सक र स्वास्थ्यकर्मीका साथै, कोभिड–१९ कमाण्ड पोष्ट, जनप्रतिनिधि र सुरक्षा अधिकारीहरुलाई कोरोना संक्रमितको पहिचान, उपचार र व्यवस्थापनका साथै सामाग्रीको प्रयोगका बारेमा अभिमुखीकरण गराइएको हो । ‘माननीय मन्त्री, सांसदज्युहरुको उपस्थितिमा म्याग्दी सदरमुकाम बेनी स्थित जिल्ला समन्वय समितिको सभाहलमा विशेष गरी कोरोना भाइरस विरुद्धको लडाइमा खटिएका स्वास्थ्यकर्मीहरुको क्षमता विकास गर्ने उद्देश्यले अभिमुखीकरण कार्यक्रमको आयोजना गरिएको हो,’ प्रमुख लम्सालले भने, ‘ २५ जना भन्दा बढीको भेला भएपनि दुरी कायम गरेर कार्यक्रम संचालन गरिएको गरिएको हो । ’

सरकारले २५ जनाभन्दाबढी मानिस भेला हुन समेत रोक लगाएको छ । पार्टी प्यालेस, मठमन्दिर, गुम्बा, मस्जिद, चर्च जस्ता धार्मिक र सार्वजनिक स्थलहरुमा २५ जना भन्दा बढी मानिसहरु भेला हुन हुन पाउने छैनन् । संक्रमक रोग ऐन, २०२० अनुसार नियम उल्लंघन गरे ६ महिनासम्म कैद हुन सक्छ । ऐनअनुसारको आदेशको अपहेलना गर्ने व्यक्तिलाई एक महिनासम्म कैद र सय रुपैयाँसम्म जरिवाना तथा ऐनअनुसारका अधिकृत व्यक्तिहरूलाई बाधा पुर्‍याउनेलाई ६ महिनासम्म कैद र ६ सयसम्म जरिवाना वा दुवै सजाय हुन सक्ने प्रावधान छ ।

मन्त्री पुनले कोरोना रोकथामको प्रयासलाई प्रभावकारी र सफल बनाउन प्रदेश सरकारले स्रोत, साधन र शक्तिको उच्चतम परिचालन गरेको बताइन् । स्वास्थ्यकर्मीहरु र चिकित्सकहरुलाई उच्च मनोबलका साथ काम गर्न आग्रह गर्दै मन्त्री पुनले उपचार र रोकथामका लागि आवश्यक पर्ने सामग्री, औषधि र उपकरणको अभाव हुन नदिने बताइन् ।

बजारमा पर्याप्त सामान नभएको अवस्थामा विद्यमान खरिद ऐन अनुसार सामाग्री जुटाउन समस्या परेको उनले बताइन् । खरिद प्रक्रियासंगै सामाजिक संघसंस्था र व्यक्तिहरुबाट सहयोग जुटाएर भएपनि व्यवस्थापन गरिएको मन्त्री पुनले जानकारी दिइन् । सामाजिक दुरी कायम गर्नु र बन्दाबन्दीको पालना गर्नुनै कोरोनाबाट बच्ने अचुक औषधि भएको मन्त्री पुनको भनाई थियो । पश्चिमाञ्चल क्षेत्रीय स्वास्थ्य निर्देशनालय पोखराका माइक्रोबायोलोजिष्ट धर्मराज भट्टले अनावश्यक काममा पिपिईको प्रयोग नगर्न आग्रह गरिन् ।

प्रमुख जिल्ला अधिकारी ज्ञाननाथ ढकालले विदेशबाट आएका र शंकास्पद व्यक्तिको द्रूत परीक्षण गर्दा कोरोना संक्रमण नभएको पुष्टि भएको जानकारी गराए । प्रजिअ ढकालले सम्भावित जोखिमलाई आँकलन गरेर जिल्लाभर १७५ शैया क्षमताको क्वारेन्टाइन बनाइएको जानकारी दिए । उनका अनुसार बेनीमा २० शैया क्षमताको आइसोलेशन वार्ड स्थापना गर्न लागिएको छ । यसअघि बेनी अस्पतालमा ६ शैयाको आइसोलेसन स्थापना गरिएको थियो ।

Related News

सम्बन्धित समाचार

    • दुःख र छाप्रामै थलिए राउटे

      रासस असाेज ३, २०७८
      कर्णाली । चिसो भुइँमाथि पातलो खुइलिएको म्याट । बुढ्यौलीले शरीर दिनप्रतिदिन चाउरिँदैछ । शरीर ढाक्ने कपडा छ न पानीबाट ओत…
    • हवाई खेलकुदको चासो : विमानस्थल बनेपछि के हुन्छ ?

      प्रकाश ढकाल असाेज ३, २०७८
      पोखरा । एजेन्सीले एयरलाइन्ससँग टिकट किनेर महँगोमा बिक्री गरिदिंदा पर्यटकलाई टिकट खरिदमा समस्या छ । नेपाल आएपछि पनि उनीहरुले धेरै झन्झट…
    • फुटसल खेलाउँदै पोखरा

      धनबहादुर गुरुङ असाेज ३, २०७८
      पोखरा । अखिल नेपाल फुटबल संघ (एन्फा) आयोजनामा पोखरामा शनिबारदेखि ‘ए’ डिभिजन राष्ट्रिय फुटसल लिग सुरु भएको छ । उद्घाटन…
    • सातौँ संविधान दिवस मनाइँदै

      रासस असाेज ३, २०७८
      काठमाडौं । सातौँ सविधान दिवस स्वदेश र विदेशमा आज विविध कार्यक्रमको आयोजना गरी भव्यरुपमा मनाइँदैछ । संविधान दिवस मूल समारोह…
    • राष्ट्रपतिद्वारा ९०३ जनालाई विभूषण प्रदान

      आदर्श समाज सम्वाददाता असाेज ३, २०७८
      काठमाडाैं । संविधान दिवसका अवसरमा राष्ट्रपति विद्यादेवी भण्डारीले ९०३ जनालाई विभिन्न विभूषण, अलङ्कार र पदक प्रदान गर्नुभएको छ । नेपालको…

    hero news full width

    Jewellery

    sanil ads

    wordlink ads