१. प्रधानमन्त्री केपी ओली त्रिवि शिक्षण अस्पतालमा आफ्नो मिर्गाैला प्रत्यारोपण गरी शुक्रवार आफ्नो सरकारी निवास बालुवाटार फर्केका छन् । प्रधानमन्त्री ओलीले यस पटक नेपालका डाक्टहरुको विश्वास गरेर नेपालमा नै मिर्गाैला प्रत्यारोपण गराएकामा त्यसको धेरै प्रशंसा भएको छ ।
२. उनको यस पटक दोस्रो पटक मिर्गाैला प्रत्यारोपण गरिएको हो । पहिलो पटक भन्दा दोस्रो पटक मिर्गाैला प्रत्यारोपण गर्नु अरु जटिल र खतरा हुन्छ । त्यस्तो जटिल कार्य सफलता साथ सम्पन्न गरी उनी बालुवाटार फर्केका छन् । कतिपयले उनले युद्ध जितेर आएको पनि भनेका छन् ।
३. वास्तवमा यो एक किसिमको युद्ध जितेको जस्तै हो । यो युद्धमा सबैको शुभकामना उनीमाथि थियो र उनको आत्मबल पनि पूरापूर भएको डाक्टरहरुले बताउने गरेका छन् । उनले आधिकारिक काम शुरु गर्ना साथै अर्काे युद्धको सामना गर्नुपर्ने सम्भावना टड्कारो छ । उनको अर्को युद्ध आफ्नै पार्टीका नेताहरुसँग हुने देखिन्छ ।
४. नेपाल कम्युनिष्ट पार्टीले उनकै अध्यक्षतामा भएको बैठकले पार्टीको उपाध्यक्ष वामदेव गौतमलाई राष्ट्रिय सभामा राष्ट्रपतिबाट मनोनीत गराउनका लागि सिफारिस गर्न सरकारलाई आग्रह गर्ने निर्णय गरेको छ । त्यो निर्णय प्रधानमन्त्री ओलीलाई मन परेको छैन । बालुवाटारबाट निस्केका विभिन्न स्वरहरुले त्यो पुष्टि गरेका छन् ।
५. उनी आफु अस्पताल भर्ना हुनु पूर्व अर्थमन्त्री युवराज खतिवडालाई फेरि अर्थमन्त्री नियुक्तिको शिफारिस गरेका थिए भने गौतमलाई राष्ट्रिय सभामा मनोनीत गर्ने सिफारिसलाई उनले लत्याएर अस्पताल गएका थिए । पार्टीका अधिकांश नेताहरु उनलाई मनोनीतको लागि शिफारिस गर्न दबाव दिने पक्षमा छन् । केही दिन भित्र दबावको आवाज निस्किने देखिन्छ ।
६. फेरि उपाध्यक्ष वामदेव सम्बन्धी यो केशमा अधिकांश नेताहरु एक भएका छन् । राजनीतिक भाषमा भन्ने हो भने ती नेताहरुले प्रधानमन्त्रीलाई घेराबन्दी गरेका छन् , एक्ल््याएका छन् । त्यसरी प्रधानमन्त्री एक्लिएका कारण उनले के कस्ता कदम चाल्लान्, त्यो सबैको जिज्ञासा र चासोको विषय भएको छ ।
७. अर्का अध्यक्ष पुष्पकमल दाहालले त्यसैवेला प्रधानमन्त्रीले २÷४ दिनमा उपाध्यक्ष वामदेव गौतमलाई राष्ट्रिय सभामा पठाउने काम गर्नेछन् भनेर दोहो¥याएका थिए । अब त्यो कुरा के कसरी फेरि प्रकट हुन्छ र कुन शैलीमा आउँछ तथा प्रधानमन्त्री ओलीले त्यसमा के कस्ता प्रतिक्रिया दिन्छन्, त्यो महत्वपूर्ण विषय भएको छ । यो साता त्यो कुरा निस्किने निश्चित प्रायः छ ।
Related News
सम्बन्धित समाचार
आन्दोलनलाई उत्तेजक नबनाऊ
नेपालको बिजुली भारतले किन्ने सम्झौता
अग्रज पत्रकार पोखरेलको निधन
प्रमको सम्बोधनः कामभन्दा आश्वासन धेरै
त्रिविमा राजनीतिक भागबण्डा अन्त्य गर्ने उद्घोष
hero news full width
मुख्य समाचार
अधिकारी सरकारविरुद्धको रिट खारेज, वैशाख २४ भित्र विश्वासको मत लिनुपर्ने
इलाम २ मा सुवासपुत्र सुहाङ नेम्बाङ विजयी
वैशाख १८, २०८१मुख्यमन्त्री अधिकारीविरुद्धको रिट खारेज
वैशाख १७, २०८१कक्षा १२ को प्रश्नपत्र आउट गर्ने २ जना पक्राउ
वैशाख १७, २०८१गण्डकीका मुख्यमन्त्री विरुद्धको मुद्दामा बहस सकियो, आजै फैसला आउने
वैशाख १७, २०८१आठौं पोखरा स्पोर्टस् अवार्ड : वर्ष खेलाडी ह्याट्रिक दाउमा अरुणा
वैशाख १७, २०८१