पोखरा । युवा तथा खेलकुद मन्त्री जगतबहादुर विश्वकर्मा (सुनार) ले मंगलबार सहारा एकेडेमीको अवलोकन गरेका छन् ।
पोखराको सहारा क्लवद्धारा संचालित सहारा एकेडेमीको अवलोकन गर्दै मन्त्री विश्वकर्माले भने, ‘एकेडेमीका लागि वार्षिक रुपमा ५ लाख रुपैयाँ उपलब्ध गराउन रातो कितावमै पार्नेछौं । राज्यले गर्ने काममा निजी क्षेत्रबाट भएकोमा गर्व लागेको छ ।’
सहारा क्लवले स्वदेश तथा विदेशी दाताको सहयोगले फुटवल एकेडेमी सहित वार्षिक रुपमा आहा ! रारा गोल्ड कप गर्दै आएकोमा पोखरेली हुनुको नाताले सवैलाई गर्वानुभूती भएको मन्त्री सुनारले उल्लेख गरे । उनले प्रतिकुलताका बावजुद नेपालको खेलकुदले फड्को मारेको बताए ।
मन्त्री सुनारले अन्तर्राष्ट्रिय प्रतियोगितामा स्वर्ण पदक विजेता खेलाडीलाई बाँचुञ्जेल मासिक ५ हजार र ओलम्पिकमा सहाभागीलाई बाँचुञ्जेल मासिक ४ हजार प्रदान गर्नेगरी सरकारले नीति बनाएको उल्लेख गरे ।
उनले भने, ‘राज्य र समाजले खेल क्षेत्रलाई प्राथमिकतामा राखेर अगाडी बढेको छ । १३ औं दक्षिण एशियाली खेलकुद (साग) का विजेता खेलाडीलाई दिइने पुरस्कार वापतको रकम क्याविनेटले पास गरिसकेको छ । अव खेलेर बाँच्ने आधार राज्यले खडा गरिसकेको छ । अब, कुनै द्विविधा छैन । खेलसँगै शिक्षा पनि आवश्यक छ ।’
सहारा क्लवका अध्यक्ष केशवबहादुर थापा, संस्थापक अध्यक्ष वसन्त थकाली, पूर्व अध्यक्ष विरभद्र आचार्य, विक्रम थकाली, उपाध्यक्ष विश्वराज बरालले एकेडेमीमा मन्त्री सुनारलार्ई स्वागत गरेका थिए ।
सो अवसरमा एकेडेमीमा सहारा युकेका सल्लाहकार महेश गुरुङ, सहरा युकेका महासचिब धनु थकाली, कार्य समिति सदस्य योगेश गुरुङ, सदस्य नरजङ गुरुङ लगायतले मन्त्री विश्वकर्मालाई सहारा युकेको तर्फबाट स्वागत गरे ।
यसैबिच, मन्त्री सुनारले पोखरा रंगशालाको समेत अवलोकन गरेको राष्ट्रिय खेलकुद परिषदका सदस्य राजेशकुमार गुरुङले जानकारी दिएका छन् । नवौं राष्ट्रिय खेलकुदको लागि पोखरा रंगशालमा हुने विभिन्न खेल मैदानको तयारीबारे सदस्य गुरुङले मन्त्री सुनारलाई जानकारी गराएका थिए ।
Related News
सम्बन्धित समाचार
आठौं पोखरा स्पोर्टस् अवार्ड : वर्ष खेलाडी ह्याट्रिक दाउमा अरुणा
राष्ट्रिय माविको हीरक महोत्सवअन्तर्गत छात्र/छात्रा सडक दौड तयारी
दुआथलनमा टमटा र खड्का विजयी
स्पोर्टस् अवार्डलाई टाइगर ग्रुपको साथ
क्रिकेटमा त्रिभुवन र अमरसिंह विजयी
hero news full width
मुख्य समाचार
गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
नारायणगढ–बुटवल सडक ३३ किमी कालोपत्रे
वैशाख १९, २०८१सहकारी ठगीमा राप्रपाका सांसदसहित १४ जना विरुद्ध पक्राउ पूर्जी
वैशाख १८, २०८१गण्डकीमा अधिकारी सरकारलाई राप्रपाको साथ
वैशाख १८, २०८१अधिकारी सरकारविरुद्धको रिट खारेज, वैशाख २४ भित्र विश्वासको मत लिनुपर्ने
वैशाख १८, २०८१इलाम २ मा सुवासपुत्र सुहाङ नेम्बाङ विजयी
वैशाख १८, २०८१