दमौली, १३ माघ । तनहुँको देवघाट गाउँपालिका–१ स्थित कोटामा मुख्यमन्त्री वातावरणमैत्री नमूना कृषि गाउँ स्थापना गरिएको छ ।
प्रत्येक निर्वाचन क्षेत्रमा नमूना कृषि गाउँ स्थापना गर्ने सरकारको लक्ष्यबमोजिम कोटामा नमूना कृषि गाउँ स्थापना गरिएको हो । देवघाट गाउँपालिकालाई प्राङ्गारिक कृषिउपज गाउँपालिका घोषणाको लागि सबै पहल भइरहेको अवस्थामा मुख्यमन्त्री वातावरणमैत्री नमूना कृषि गाउँ स्थापनाले यसलाई सहयोग पु¥याएको गाउँपालिकाका अध्यक्ष दुर्गबहादुर थापाले जानकारी दिए ।
चौतारी कृषि सहकारी संस्थामार्फत सञ्चालन गरिने उक्त कार्यक्रममा कोटाका ६५ घरधुरी कृषक आबद्ध छन् । प्राङ्गारिक ताजा तरकारी उत्पादन गर्ने मुख्य लक्ष्य रहेको कार्यक्रमका लागि गण्डकी प्रदेश सरकारको भूमि व्यवस्था कृषि तथा सहकारी मन्त्रालयले रु २५ लाख अनुदान उपलब्ध गराएको छ । यसैगरी रु पाँच लाख समुदायको सहभागिता रहेको देवघाट गाउँपालिका–१ का वडाध्यक्ष भीमबहादुर गुरुङले जानकारी दिए ।
प्रदेश सरकारले गत आर्थिक वर्षमा जिल्लाका चार गाउँलाई मुख्यमन्त्री वातावरणमैत्री नमूना गाउँ घोषणा गरेको थियो । तनहुँको भानु नगरपालिका–११ को बाँसखर्क, भीमाद नगरपालिका–९ को पाथर्दी, शुक्लागण्डकी नगरपालिका–९ र १२ को भाटडाँडा र लिलाचोक र आँबुखैरेनी गाउँपालिका–४ को भाँगेमा मुख्यमन्त्री नमूना कृषि गाउँका कार्यक्रम सञ्चालन गरिएको छ ।
नमूना गाउँको रुपमा छनोट भएका गाउँका ५० घरधुरीबाट एक÷एक जना सदस्य रहने गरी कृषि सहकारी वा समूहमार्फत त्यहाँको मौसम तथा हावापानी सुहाउने गरी पशुपालन, तरकारी खेती, कुखुरा, माछा तथा अन्य खाद्य तथा नगदेबाली उत्पादन गरिएको छ । छनोट भएका प्रत्येक गाउँलाई पहिलो वर्ष रु ३० लाखका दरले अनुदान उपलब्ध गराउने र चौथो वर्षसम्म प्रत्येक वर्ष रु ५० प्रतिशत रकम घटाउँदै लगेर त्यसपछि स्थानीय तहलाई हस्तान्तरण गरिने कार्यक्रम रहेको छ ।
भीमाद नगरपालिका–९ स्थित मुख्यमन्त्री वातावरणमैत्री नमूना गाउँका अध्यक्ष डोलराज गुरुङले कार्यक्रममार्फत घाँसको बिरुवा वितरण, बाख्रा वितरण, खोर सुधारलगायतका काम गरिएको जानकारी दिए । साथै कृषिजन्य सामग्री सुन्तला, तरकारी, अदुवालगायत सुरक्षितरुपमा राख्नका लागि दश टन क्षमताको चिस्यान केन्द्र पनि निर्माण गरिएको छ ।
Related News
सम्बन्धित समाचार
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
मुख्यमन्त्री अधिकारीले २३ गते विश्वासको मत लिने, राप्रपा विपक्षमै
राप्रपाले साथ नदिने भएपछि अधिकारी सरकार संकटमा, अब के होला ?
लाटोकोसेरो संरक्षक राजु आचार्यलाई बेलायतमा अवार्ड
पाेखरामा कालो धुँवा फाल्ने गाडीका चालक कारवाहीमा
hero news full width
मुख्य समाचार
मजदुरलाई छैन मजदुर दिवस रौनक
गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१नारायणगढ–बुटवल सडक ३३ किमी कालोपत्रे
वैशाख १९, २०८१सहकारी ठगीमा राप्रपाका सांसदसहित १४ जना विरुद्ध पक्राउ पूर्जी
वैशाख १८, २०८१