म्याग्दी ,४ भदौ । म्याग्दी प्रवासी नेपाली संघ (मोना) बेल्जियमले म्याग्दीको परोपकारी संस्था ओमकुमारी शान्ति कोषले स्थापना गर्न लागेको गरिव विपन्न विरामी उपचार अक्षय कोषलाई आर्थिक सहयोग गरेको छ ।
मोना बेल्जियमको नेतृत्वमा संकलित १३ लाख २२ हजार २०९ रुपैयाँ सहयोग मंगलबार सदरमुकाम बेनीमा शान्ति कोषलाई एक कार्यक्रमका बीच हस्तान्तरण गरिएको छ । बेल्जियममा कार्यरत म्याग्दी वासीहरुबाट संकलित सो सहयोग मोना बेल्जियमका महासचिव एवं कोषका संरक्षक प्रदीप थापा (सुमन)ले कोषका अध्यक्ष राजेश शाक्य र सचिव लोकेश पुन मगरलाई हस्तान्तरण गरेका हुन् ।
महासचिव थापाले मंगलबार नै कोषलाई दुई लाख रुपैयाँ सहयोग गरी संरक्षकको सदस्यता लिएको कोषका सचिव लोकेश पुन मगरले जानकारी दिए । महासचिव एवं संरक्षक थापाले आर्थिक अभावकै कारण गरिव तथा विपन्न परिवारका विरामीले अकालमै ज्यान गुमाउन नपरोस र उपचारबाट बञ्चित हुन नपरोस् भनि आर्थिक सहयोग गरिएको बताए ।
आर्थिक सहयोग प्रति धन्यवाद तथा आभार प्रकट गर्दै कोषका अध्यक्ष शाक्यले प्रदेशबाट आफ्नो गास कटाएर जिल्लाका गरिब विपन्न परिवारको स्वास्थ्य उपचारमा ठुलो सहयोग गर्नु उल्लेखनीय मानवीय सेवा भएको बताए । उनले सहयोगीहरुबाट प्राप्त सहयोगलाई सही सदुपयोग गर्ने प्रतिबद्धता व्यक्त गरे ।
यसैगरी सोही कार्यक्रममा दुई मृगौला रोगी बेनी नगरपालिका –५ भीरमुनीका डेकनाथ शर्मा र बेनी नगरपालिका– ५ पुलाचौरकी नीसा सुवेदीको उपचारका लागि कोषले गरिव विपन्न विरामी अक्षयकोषको ब्याजबाट २५ हजारको दरले ५० हजार रुपैयाँ सहयोग गरेको छ । सो सहयोग विरामीका आफन्तलाई हस्तान्तरण गरिएको थियो ।
कोषले हालसम्म विभिन्न किसिमका जटिल रोगका विरामीहरुको उपचारका लागि २ करोड १८ लाख ५९ हजार रुपैयाँ बढी संकलन गरी सहयोग गरेको कोषका कोषाध्यक्ष खमथापा मगरले जानकारी दिए । उनका अनुसार डेढ करोड रुपैयाँको गरिव विपन्न विरामी उपचार अक्षयकोष स्थापनाका लागि अहिले सम्म ८१ लाख रुपैयाँ सहयोग प्राप्त भएको छ ।
Related News
सम्बन्धित समाचार
शिवशक्ति मार्ग टोल विकास संस्थाद्वारा ४४ ज्येष्ठ नागरिकको सम्मान
मुख्यमन्त्री अधिकारीविरुद्धको रिट खारेज
गण्डकी प्रदेश प्रहरी दुर्गा सिंहले सम्हालिन जिम्मेवारी
गण्डकीका ४ सय ६७ स्थानमा डढेलो
बझाङ प्रदेशसभा–१ मा एमालेका भण्डारी विजयी
hero news full width
मुख्य समाचार
गण्डकीमा अधिकारी सरकारलाई राप्रपाको साथ
अधिकारी सरकारविरुद्धको रिट खारेज, वैशाख २४ भित्र विश्वासको मत लिनुपर्ने
वैशाख १८, २०८१इलाम २ मा सुवासपुत्र सुहाङ नेम्बाङ विजयी
वैशाख १८, २०८१कक्षा १२ को प्रश्नपत्र आउट गर्ने २ जना पक्राउ
वैशाख १७, २०८१गण्डकीका मुख्यमन्त्री विरुद्धको मुद्दामा बहस सकियो, आजै फैसला आउने
वैशाख १७, २०८१आठौं पोखरा स्पोर्टस् अवार्ड : वर्ष खेलाडी ह्याट्रिक दाउमा अरुणा
वैशाख १७, २०८१