लमजुङ, २६ असार । लमजुङमा यातायात मजदुरहरूलाई ट्राफिक नियम सचेतना गराइएको छ । गण्डकी प्रदेश सामाजिक विकास मन्त्रालयले सचेतनामूलक कार्यक्रम गरेको हो ।
कार्यक्रममा हरेक चालकले ट्राफिक नियम पालना गरे सवारी दुर्घटना न्यूनीकरण हुने बारे कार्यक्रममा सहभागीले यातायात मजदुरलाई सचेत गराइएको सामाजिक विकास मन्त्रालयका शाखा अधिकृत तोपलाल भुषालले बताए । उनले यातायात क्षेत्रका मजदुरलाई ट्राफिक नियम र ट्राफिक नियम उल्लंघन गरे हुने कारबाही र दण्ड जरिवानाबारे सचेत गराइएको हो भने । जनचेतना जगाउन कार्यक्रम आयोजना गरेको भुषालले बताए ।
जिल्ला न्यायधिवक्ता एकनारायण लम्सालले ट्राफिक नियम उल्लंघन गरे भोग्नु पर्ने कानूनी सजाय तथा दण्ड जरिवाना आदिकाबारे जानकारी गराएका थिए । उनले कानूनले कसैका लागिपनि क्षम्य हुँदैन थाहा छैन भन्ने, पालना नगर्ने तथा कानूनलाई छल्न प्रयन्त गर्नेलाई कानून बमोजिम नै कारबाही हुने बताए ।
बढ्दो ट्राफिक नियम उल्लंघनलाई मध्यनजर राखेर ट्राफिक प्रहरीको समेत उपस्थितिमा गण्डकी प्रदेश सामाजिक विकास मन्त्रालयले यातायात क्षेत्रका मजदुरलाई सचेतना कार्यक्रम गरेको जानकारी दिइएको थियो । निमित्त प्रमुख जिल्ला अधिकारी अनिल शाहीले यातायात क्षेत्रका मजदुरले मात्रै ट्राफिक नियमको पालना गरिदिएमात्रै यसबाट दुर्घटना न्यूनीकरण हुने र जनधनको क्षति नहुने बताए । सवारी चालकको सानो गल्तिले जीवनमा कहिल्यै विर्सन नसक्ने घटना घट्ने भएकाले सवारी चालक चनाखो हुनुपर्ने बताए ।
जिल्ला ट्राफिक प्रहरी कार्यालयका प्रमुख प्रहरी नायव निरीक्षक छवबहादुर घर्तीले ट्राफिक नियमबारे प्रशिक्षण दिएका थिए । उनले जिल्लामा सवारी चालकले ट्राफिक नियम उल्लंघन गरिरहेको भन्दै आफूले पनि ट्राफिक नियम उल्लंघन नगर्ने र अरूलाई पनि गर्न नदिनेतर्फ यातायात क्षेत्रका मजदुर सचेत र एक हुनुपर्नेमा जोड दिए । उनले भने ‘ट्राफिक नियम पालना गरेर सभ्य चालकको परिचय दिने हुनुपर्छ ।’
पत्रकार महासंघका जिल्ला अध्यक्ष आश गुरुङले सवारी चालक पेशा मर्यादिन पेसा भएको र यसलाई मर्यादिन बनाउन सवारी चालक र सहचालकनै लाग्नुपर्ने बताए । सो कार्यक्रममा प्रहरी नायव उपरीक्षक रवीन्द्रमान गुरुङ, यातायात व्यवसायी संस्था तथा कम्पनीका प्रमुख तथा प्रतिनिधि लगायतको उपस्थिति थियो ।कार्यक्रमको संचालन गर्दै सामाजिक विकास मन्त्रालयका नायव सुब्बा महेन्द्र आचार्यले चालक तथा मजदुरले ट्राफिक नियम जानेको तर पालना नगरेको पाइएकाले यस्ता कार्यक्रमको आवश्यकता बढेको बताए ।
Related News
सम्बन्धित समाचार
कक्षा १२ को प्रश्नपत्र आउट गर्ने २ जना पक्राउ
महेन्द्र माविमा रुद्रमधु गोविन्द अक्षयकोष स्थापना
रत्नशोभा माविका भूपू विद्यार्थीबीच पुनर्मिलन
माछापुच्छ्रे मावि व्यवस्थापनमा बमबहादुर
मनिपालमा अत्याधुनिक एमआरआई मेसिन
hero news full width
मुख्य समाचार
गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
नारायणगढ–बुटवल सडक ३३ किमी कालोपत्रे
वैशाख १९, २०८१सहकारी ठगीमा राप्रपाका सांसदसहित १४ जना विरुद्ध पक्राउ पूर्जी
वैशाख १८, २०८१गण्डकीमा अधिकारी सरकारलाई राप्रपाको साथ
वैशाख १८, २०८१अधिकारी सरकारविरुद्धको रिट खारेज, वैशाख २४ भित्र विश्वासको मत लिनुपर्ने
वैशाख १८, २०८१इलाम २ मा सुवासपुत्र सुहाङ नेम्बाङ विजयी
वैशाख १८, २०८१