लमजुङ, २५ असार । गण्डकी प्रदेश सभाका सदस्य मधु अधिकारीले अपाङ्गताको संवेदनशीलतालाई सरलीकरण गरौं भन्ने आग्रह गरेकी छन् ।
राष्ट्रिय अपाङ्ग महासंघ गण्डकी प्रदेश समितिको आयोजना तथा नेत्रहीन संघ लमजुङको समन्वयमा बेसीशहरमा आयोजना गरिएको जनप्रतिनिधि र अगुवाका लागि अभिमुखीकरण कार्यक्रमको उदघाटन गर्दै उनले त्यस्तो बताएकी हुन् ।
उनले भनिन्, ‘यस्ता अभिमुखीकरण धेरै हुने तर उपलब्धी कम हुने स्थितिलाई चिर्न आवश्यक छ ।’ अपाङ्गता संवेदनशील क्षेत्र हो यसलाई सरलीकरण गर्न जरुरी छ हामीको प्रयास त्यसतर्फ उन्मुख हुन र व्यवहारिक रूपमा फलदायी बनाउनु पर्नेमा उनको जोड थियो
राष्ट्रिय अपाङ्ग महासंघका निवर्तमान अध्यक्ष सुदर्शन सुवेदीले अन्यले गरेका ससाना काम पनि हाइलाइट हुने र राज्यले गरेका राम्रा काम पनि गुमनाम हुने गरेको स्थिति तोडिनु पर्ने बताए । नेपालको संविधान विश्वकै उत्कष्ट दश भित्र पर्ने बताउँदै यसले सुनिश्चित गरेका अधिकारलाई अवसरमा बदल्ने तर्फ स्थानीय तहका जनप्रतिनिधिसहित सबैको प्रयास हुनुपर्ने उनले भने ।
बेसीशहर नगरपालिकाका मेयर गुमानसिंह अर्यालले परिचयपत्र दिने नीतिमा परिवर्तन आवश्यक रहेको बताउँदै नीति कमजोर हुँदा कोही पाउनै पर्नेले पनि सुविधा नपाएको र नपाएर पनि हुनेले पाएको आफूले देखेको बताउँदै यो न्योयोचित हो भन्ने लाग्दैन भने ।
मस्र्याङ्दी गाउँपालिकाका अध्यक्ष अर्जुन गुरुङले अपाङ्गताको स्थिति संवेदनशील हो भन्ने गाउँपालिकाले महसुस गरी आगामी आवका लागि १० लाख रुपैयाँ यो क्षेत्रका लागि विनियोजन गरेको बताए । खासगरी आयआर्जनतर्फ के कसरी जोड्न सकिने हो भन्ने चिन्ता छ हामी अपाङ्ग महासंघसँग सहकार्य गर्न तयार छौं उनले भने ।
कार्यक्रममा राष्ट्रिय अपाङ्ग महासंघका केन्द्रीय सदस्य चन्द्रकान्त पौडेलले स्वागत गर्दै कार्यक्रमको उद्देश्यमा प्रकाश पार्नु भएको थियो । उदघाटन र प्रशिक्षण गरी दुई चरणमा सञ्चालन गरिएको अभिमुखीकरण कार्यक्रममा ‘मलाई समावेस गर, मलाई गणना गर’ भन्ने नाराका साथ अयोजना गरिएको हो ।
कार्यक्रममा राष्ट्रिय अपाङ्ग महासंघका निवर्तमान अध्यक्ष सुदर्शन सुवेदीले जनप्रतिनिधिका लागि सेतो कार्ड चुनौति रहेकोले त्यो बनाउँदा विशेष ध्यान दिनु पर्ने बताए । सैद्धान्तिक र व्यवहारिक प्रयोग गरी अपाङ्गता भएका व्यक्तिलाई विकास छुट्टै चाहिएको नभई भइरहेको वा हुने विकासमा उनीहरूको सहभागिता सुनिश्चित हुने वातावरण सिर्जना गर्न नीति, योजना र कार्यक्रम बनाउँदा ध्यान दिनु पर्ने आवश्यकता औंल्याए ।
उक्त अभिमुखीकरण कार्यक्रममा मस्र्याङ्दी गाउँपालिका र दोर्दी गाउँपालिका तथा बेसीशहर नगरपालिकाका २०÷२० जना प्रमुख, उपप्रमुख तथा वडाध्यक्ष र कार्यपालिकाका सदस्यहरूले भाग लिएको अपाङ्ग संरक्षण समाज लमजुङका अध्यक्ष चन्द्रकान्त पौडेलले बताए । नेत्रहीन संघका जिल्ला अध्यक्ष विष्णु पोखरेलको अध्यक्षतामा भएको कार्यक्रमको राष्ट्रिय अपाङ्ग महासंघका गण्डकी प्रदेशका सचिव राजेन्द्र घिमिरेले सञ्चालन गरेका थिए ।
Related News
सम्बन्धित समाचार
गण्डकी प्रदेश सभाको बैठक सुरु, विश्वासको मतका लागि प्रस्ताव पेस गर्दै मुख्यमन्त्री अधिकारी
मुख्यमन्त्रीले आज विश्वासको मत लिने, मन्त्रालय टुंग्याउन माओवादीको माग
पोखरा देशभरकै प्रदूषित सहर
पाण्डे सरकारले नियम मिचेर बहुवर्षे योजना थपेको मुख्यमन्त्रीको आरोप
भ्रष्टाचार नियन्त्रणमा सार्थक प्रयास भएन : धनराज गुरुङ
hero news full width
मुख्य समाचार
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
मुख्यमन्त्री अधिकारीले २३ गते विश्वासको मत लिने, राप्रपा विपक्षमै
वैशाख २१, २०८१राप्रपाले साथ नदिने भएपछि अधिकारी सरकार संकटमा, अब के होला ?
वैशाख २०, २०८१लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१