पोखरा, १९ जेठ । पोखरा १६ को घार्मीखोला– जुम्लेटी—ढिकीडाँडाहुँदै तितेपानीसम्मको सडक स्तरोन्नति हुने भएको छ ।
महानगरपालिकाले पहाडी भू–भागलाई केन्द्रसँग जोड्न उक्त सडकलाई कनेक्टिङ सडक योजनामा समावेश गरी स्तरोन्नतिको काम थालेको हो । सडकलाई स्तरोन्नति गर्ने काम अहिले भइरहेको पोखरा– १६ का वडाध्यक्ष जीवन आचार्यले जानकारी दिए । उनका अनुसार नालासहित उक्त सडक सात मिटर फराकिलो हुने छ ।
उक्त सडक खण्डको दुई किमी सडकलाई चौडा पारिने पोखरा महानगरपालिका वडा नम्बर १६ का इन्जिनियर हरिबहादुर बस्नेतले बताए । सडकमा एक किमी नाला निर्माण गरिने र एक सय पाँच मिटर ग्याबियन भरिनेछ । नौ सय मिटर सडकमा ग्राबेल गरिनेछ । उक्त सडक बनाउन महानगरले एक करोड ५० लाखमा बोलपत्र आह्वान गरेकोमा सिटी बिल्डर्सले ९१ लाख ३१ हजारमा काम सक्ने गरी सम्झौता गरेको छ । निर्माण कम्पनीलाई काम सक्नको लागि भदौ ८ गतेसम्म समयसीमा तोकिएको महानगरको सहरी पूर्वाधार महाशाखाका इन्जिनियर राजु रेग्मीले बताए ।
पोखरा १६ कै महेन्द्रगुफादेखि अर्मलाकोटसम्मको सडक पनि स्तरोन्नति हुने भएको छ । कनेक्टिङ सडक अन्तर्गतकै उक्त सडक खण्डको चार किमीलाई फराकिलो पारिने छ । नाला बाहेक ६ मिटर चाक्लो बनाइने सडकमा चार किमी नाला निर्माण गरिने रेग्मीले बताए । सडकमा १४ वटा कल्र्भट, एक सय मिटर रिटेनिङवाल, दुई सय ३२ मिटर ग्याबियन भरिने छ । चार किमी सडकलाई ग्राबेल गरिने वडाध्यक्ष आचार्यले बताए । उक्त काम गर्न महानगरले सात करोड ४८ लाखको बोलपत्र आह्वान गरेकोमा जोशी अमित जेभीले चार करोड ७४ लाखमा काम सक्ने गरी सम्झौता गरेको छ । निर्माण कम्पनीलाई सन २०२० जुलाईसम्म काम सक्ने समय दिइएको छ ।
ग्रामीण भेगलाई केन्द्रसँग जोड्ने गरी कनेक्टिङ सडकको योजनालाई प्राथमिकतामा राखेर काम थालिएको महानगरका प्रमुख मानबहादुर जिसीले बताए । महानगरले कनेक्टिङ सडक निर्माण गर्न २७ वटा योजनालाई बहुवर्षीय योजनामा समावेश गरी काम सुरु गरेको हो । २७ योजना मध्ये २२ योजनाको सम्झौता भइसकेको छ भने पाँच वटा योजनाको पनि सम्झौता प्रक्रिया अगाडि बढेको सहरी पूर्वाधार महाशाखाले बताएको छ ।
Related News
सम्बन्धित समाचार
दुर्घटना न्यूनीकरण गर्न ट्राफिक सप्ताह
नेपालकै ठूलो ‘हटमिक्स प्लान्ट’ बाट कालोपत्रे गरिँदै
कांग्रेस गण्डकीको भवन असोज अगावै सम्पन्न गरिने
प्रदेशमा सञ्चालित आयोजनाहरुको प्रगति विवरण २ दिनभित्र पेस गर्न मुख्यमन्त्रीको निर्देशन
दुर्घटना न्यूनीकरण गर्न ट्राफिक सप्ताह
hero news full width
मुख्य समाचार
गण्डकी सरकारविरुद्ध सर्वोच्चमा कांग्रेसले दर्ता गरायो रिट, पेसी पर्सि
सुरु भयो ट्राफिक सप्ताह, मुख्यमन्त्रीले गरे उद्घाटन
वैशाख २५, २०८१गण्डकीका सभामुखको कदमबारे मिश्रित प्रतिक्रिया
वैशाख २५, २०८१मुख्यमन्त्री अधिकारीले रोजे पुरानै मन्त्री
वैशाख २५, २०८१ट्राफिक सप्ताहको ब्यानरमा प्रदेशका मन्त्रीको शपथ !
वैशाख २४, २०८१फडिन्द्रले इन्कार गर्दा माओवादीले दिन सकेन मन्त्री
वैशाख २४, २०८१