वालिङ, ११ बैशाख । वालिङ नगरपालिको वडा नं २ का दलित तथा विपन्न समुदायलाई लक्षित गरी बुधबार बाख्रा वितरण गरिएको छ ।
गरीवसँग विश्वेश्वर कार्यक्रम अन्तर्गत वालिङ २ का तिलडाँडा, छप्राक र धौखोलाका स्थानीयलाई बुधवार ४८ वटा बाख्रा वितरण गरिएको हो ।
दलित तथा विपन्न परिवारलाई बाख्रा वितरण गर्दै वालिङ नगरपालिकाका प्रमुख प्रशासकीय अधिकृत गुरुदत्त सुबेदीले बाख्रा तथा बंगुरपालनलाई निर्वाहमुखीभन्दा पनि ब्यवसायिक तबरले पालन गर्नुपर्नेमा जोड दिए । उनले एकलरुपमा लगानी तथा अन्य समस्याहरु आउन सक्ने भएकाले पनि सामूहिकरुपमा पशुपालन गर्न सके निक्कै फाईदा पुग्ने विचार ब्यक्त गरे ।
“बाख्रा, बंगुरपालन तथा अन्य सीपका लागि ब्यवसायिक अभिबृद्धि तालिम प्रदान गर्नेछौं” प्रमुख प्रशासकीय अधिकृत सुबेदीले भने, “अब तपाईहरु बाख्रा, बंगुरहरु लिने मात्रै नभई सक्षम छौं भन्ने देखाउने गरी कार्य गर्न आग्रह गर्दछु ।”
पशुपालन ब्यवसायलाई अपनत्व महशुस हुने गरी थप ब्यवस्थित तबरबाट अगाडि बढ्न सुझाव दिंदै प्रमुख प्रशासकीय अधिकृत सुबेदीले खोर तथा डाले घाँसको ब्यवस्थापन गर्नतर्फ ध्यान दिन आग्रह गरे । कार्यक्रममा वडा अध्यक्ष पोतप्रसाद लम्सालले गरीबसँग विश्वेश्वर कार्यक्रम अन्तर्गत नै हालसम्म ७८ वटा बाख्रा र ३५ वटा बंगुरका पाठापाठी वितरण गरिएको बताए ।
तिलडाँडा, छप्राक र धौखोलाका २२७ दलित तथा विपन्न समुदायका घरधुरीलाई प्रत्येक घरलाई १÷१ वटाका दरले बाख्रा वा बंगुरका पाठापाठी चालु आर्थिक वर्षभित्रै वितरण गरिने अध्यक्ष लम्सालले बताए ।स्थानीय छप्राक, तिलडाँडा टोल विकास समितिका अध्यक्ष भोजबहादुर सार्कीले गरीबसँग विश्वेश्वर कार्यक्रम यहाँ सञ्चालन गरेर दलित तथा विपन्न वर्गको उत्थानमा सहयोग पुग्ने विश्वास ब्यक्त गरे ।
Related News
सम्बन्धित समाचार
मुख्यमन्त्रीले आज विश्वासको मत लिने, मन्त्रालय टुंग्याउन माओवादीको माग
विश्वासको मतअघि अधिकारी सरकारले वितरण गर्यो ५० लाख आर्थिक सहायता
पाण्डे सरकारले नियम मिचेर बहुवर्षे योजना थपेको मुख्यमन्त्रीको आरोप
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
मुख्यमन्त्री अधिकारीले २३ गते विश्वासको मत लिने, राप्रपा विपक्षमै
hero news full width
मुख्य समाचार
पोखरा देशभरकै प्रदूषित सहर
भ्रष्टाचार नियन्त्रणमा सार्थक प्रयास भएन : धनराज गुरुङ
वैशाख २१, २०८१राप्रपाले साथ नदिने भएपछि अधिकारी सरकार संकटमा, अब के होला ?
वैशाख २०, २०८१लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१