चिप्लेढुंगा, २५ चैत। गण्डकी प्रदेशका सामाजिक विकासमन्त्री नरदेवी पुनले नागरिकलाई स्वास्थ्य सेवा प्रदायक अस्पतालले गुणस्तरीय स्वास्थ्य सेवा प्रदान गर्नुपर्ने बताएकी छन्।
तेस्रो स्वास्थ्य बीमा दिवसका अवसरमा स्वास्थ्य बीमा बोर्ड गण्डकी प्रदेश कार्यालय पोखराको आयोजनामा भएको ‘स्वास्थ्य बीमा अन्तक्रिया’ कार्यक्रममा उनले स्वास्थ्य बीमा कार्यक्रमलाई प्रदेश सरकार, स्थानीय तह, नागरिक समाज र जनताका बीचमा सहकार्य गरी प्रभावकारीरूपमा आगाडि बढाउनुपर्नेमा जोड दिइन्। सामाजिक विकास मन्त्रालयका स्वास्थ्य महाशाखा प्रमुख रमेशप्रसाद अधिकारीले स्वास्थ्य बीमालाई सफल कार्यान्वयनको दिशामा आगाडि बढाउनुको विकल्प नभएको बताए।
पोखरा स्वास्थ्य विज्ञान प्रतिष्ठानका निर्देशक डा अर्जुन आचार्यले स्वास्थ्य बीमा कार्यक्रमबाट धेरै नागरिक लाभान्वित भएको र स्वास्थ्य सेवालाई थप प्रभावकारी बनाउन सेवा प्रदायक अस्पतालमा पर्याप्त मात्रामा जनशक्ति, भौतिक पूर्वाधार र औजार उपकरणको व्यवस्था राज्यले गर्नुपर्ने आवश्यकता आँैल्याए। पोखरा महानगरपालिका स्वास्थ्य महाशाखा प्रमुख हेमन्त पौडेलले टोलटोल र वडा तहमा स्वास्थ्य प्रवद्र्धनात्मक कार्यक्रमअन्तर्गत स्वास्थ्य बीमासम्बन्धी प्रचारात्मक कार्यक्रमा जोड दिनुपर्ने बताए।
मातृशिशु मितेरी अस्पतालका मेडिकल सुपरिटेन्डेन्ट डा प्रेमराज पंगेनीले स्वास्थ्य बीमा कार्यक्रमले नागरिक र अस्पताल दुवैले यसलाई अवसरका रूपमा लिनुपर्ने बताए।
पत्रकार महासंघ कास्कीका अध्यक्ष दीपेन्द्र श्रेष्ठ, स्वास्थ्य बीमा बोर्ड गण्डकी प्रदेश संयोजक जीवलाल खरेलले सरकारले सञ्चालन गरेको स्वास्थ्य बीमा सफल बनाउन सबै सरोकारवालाको सहयोग आवश्यक रहेको बताए।
पश्चिमाञ्चल क्षेत्रीय अस्पतालका स्वास्थ्य बीमा स्रोत व्यक्ति भीमप्रसाद पौडेल, मणिपाल शिक्षण अस्पतालका निर्देशक एएल शर्मा र फामेर्सी इञ्चार्ज डा सुदेश ज्ञवाली, गण्डकी मेडिकल कलेजका मेसु टुमाया घले, नागरिक समाज कास्कीका अध्यक्ष विष्णुहरि अधिकारी, स्वास्थ्य बीमा बोर्ड गण्डकी प्रदेश संयोजक जीवलाल खरेल, स्वास्थ्य बीमा कार्यक्रमका दर्ता अधिकारी खेमनारायण चौधरी, स्वास्थ्य बीमा कार्यक्रमका दर्ता सहयोगी लक्ष्मी अधिकारी, इन्दिरा पन्त, कल्पना गौतम, लगायतले संविधान प्रदत्त स्वास्थ्य बीमा कार्यक्रम नागरिकका लागि आवश्यक रहेकामा जोड दिँदै यसलाई सफल बनाउन सबैको सामूहिक प्रयास हुनुपर्ने बताए।
प्रदेशको बागलुङ, कास्की, म्याग्दी, तनहुँ र गोरखामा स्वास्थ्य बीमा लागू भएका छन्। ती जिल्लामा हालसम्म ५४ हजार १ सय १० परिवारका दुई लाख ४४ हजार ५ सय १७ सदस्य स्वास्थ्य बीमामा आबद्ध भएका संयोजक खरेल जानकारी दिए।
Related News
सम्बन्धित समाचार
मुख्यमन्त्रीले आज विश्वासको मत लिने, मन्त्रालय टुंग्याउन माओवादीको माग
विश्वासको मतअघि अधिकारी सरकारले वितरण गर्यो ५० लाख आर्थिक सहायता
पाण्डे सरकारले नियम मिचेर बहुवर्षे योजना थपेको मुख्यमन्त्रीको आरोप
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
मुख्यमन्त्री अधिकारीले २३ गते विश्वासको मत लिने, राप्रपा विपक्षमै
hero news full width
मुख्य समाचार
पोखरा देशभरकै प्रदूषित सहर
भ्रष्टाचार नियन्त्रणमा सार्थक प्रयास भएन : धनराज गुरुङ
वैशाख २१, २०८१राप्रपाले साथ नदिने भएपछि अधिकारी सरकार संकटमा, अब के होला ?
वैशाख २०, २०८१लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१