पोखरा, २१ पुस। सहकारी नाममा घरजग्गा व्यवसायी सुधीर बस्नेतबाट ठगिएका पीडितले छिटोभन्दा छिटो न्याय दिलाउन माग गरेका छन्।
समस्या समाधान गर्न उच्चस्तरीय छानबिन समिति गठन गरे पनि समाधान नभएको भन्दै उनीहरुले सबै रकम फिर्ता पाउने गरी आवश्यक कारबाही अघि बढाउन आग्रह गरे। बस्नेतले निर्माण गर्न लागेको अपार्टमेन्टका फ्ल्याटमा लगानी गर्न बस्नेतले नै सञ्चालन गरेको ओरियण्टल सहकारीमा धेरैले पैसा जम्मा गरेका थिए। अपार्टमेन्टमा ८ हजार सर्वसाधारणको ७ अर्बभन्दा बढी रुपैयाँ फसेको पीडितको दाबी छ। पीडितले उक्त पैसाको सुरक्षा गर्ने दायित्व राज्यको भएको भन्दै स्थानीय तहदेखि प्रदेश र केन्द्र सरकारले पनि चासोका साथ समन्वय गरिदिन आग्रह गरे। स्याङ्जा पोखरा शाखाका पीडित शनिवार पोखरामा भेला भएर समस्या समाधानका लागि दबाब दिएका हुन्।
उनीहरुले समस्या समाधानमा पहल गर्न पीडित समिति पनि गठन गरेका छन्। २०६९ सालमा स्याङ्जा पोखरा शाखाबाट मात्रै ९ सयभन्दा बढीको करिब २२ करोड रुपैयाँ जम्मा भएको थियो। शुक्रबार काठमाडौं समितिका पदाधिकारीसहितको उपस्थितिमा आगामी गतिविधिबारे छलफल भएको छ। छलफलमा काठमाडौं समितिका अध्यक्ष कुन्तीदेवी पोखरेलले बस्नेतको जग्गा र सम्पत्ति लिलाम गर्नुभन्दा निक्षेपकर्ताको संरक्षणमा हाउजिङ पूरा गरेर बेचबिखन गर्नुपर्ने बताइन्।
‘जग्गा लिलामी गर्दा १५ प्रतिशत मात्रै रकम फिर्ता हुन्छ तर हाउजिङ पूरा गर्न पाए ९० प्रतिशतसम्म फिर्ता गर्न सकिन्छ,’ उनले भनिन्, ‘रोकिएको हाउजिङ निक्षेपकर्ताको संरक्षणमा पूरा गर्ने र बेच्ने वातावरण बनाउनुपर्छ।’ उनले सकेसम्म पूरै रकम फिर्ता गर्ने गरि दबाबमूलक कार्यक्रम गरिने बताइन्। कार्यक्रममा प्राध्यापक तथा पीडित समितिको सल्लाहकार आमोदा श्रेष्ठ, पीडित समिति काठमाडौंका रमेश मलिक लगायतले लिलामभन्दा भएको सम्पत्तिको उचित उपयोग गर्ने गरि छलफल अघि बढाउनेमा प्रतिबद्धता जनाए।
समिति कास्कीका संयोजक यामबहादुर रानाभाटको अध्यक्षतामा भएको कार्यक्रमको सञ्चालन पीडित निक्षेपकर्ता इन्द्रबहादुर कार्कीले गरेका थिए।
कार्यक्रममा स्याङ्जा पोखरा शाखाका अधिकांश पीडित भेला भएका थिए।
Related News
सम्बन्धित समाचार
रेडक्रस कास्कीलाई लुम्बिनी विकासको सहयोग
यस्तो छ लगानी सम्मेलनको कार्यतालिका
राष्ट्रपतिद्वारा लगानी सहजीकरणसम्बन्धी अध्यादेश जारी
नेपालमा लगानीकर्ताका लागि उपयुक्त वातावरण र सहि अवसर छ : महासंघ अध्यक्ष ढकाल
गण्डकी मेडिकल कलेजमा वित्तीय साक्षरता
hero news full width
मुख्य समाचार
मुख्यमन्त्री अधिकारीविरुद्धको रिट खारेज
कक्षा १२ को प्रश्नपत्र आउट गर्ने २ जना पक्राउ
वैशाख १७, २०८१गण्डकीका मुख्यमन्त्री विरुद्धको मुद्दामा बहस सकियो, आजै फैसला आउने
वैशाख १७, २०८१आठौं पोखरा स्पोर्टस् अवार्ड : वर्ष खेलाडी ह्याट्रिक दाउमा अरुणा
वैशाख १७, २०८१गण्डकीका ४ सय ६७ स्थानमा डढेलो
वैशाख १७, २०८१बझाङ प्रदेशसभा–१ मा एमालेका भण्डारी विजयी
वैशाख १७, २०८१