वालिङ, ४ पुस । भूमि व्यवस्था, कृषि तथा सहकारी मन्त्रालय गण्डकी प्रदेशको आयोजना र सुन्तलाबारी सामुदायिक होमस्टेको व्यवस्थापनमा बुधबार सुन्तलाबारीमा अन्तक्रिर्या कार्यक्रम भएको छ।
किसानका समस्याबारे जानकारी लिने, उत्पादन वृद्धि गर्ने, कृषकलाई कृषि पेशामा आत्मनिर्भर बनाउने, कृषकसँगै बसेर आवश्यक नीति निर्माण गरी सहयोग गर्ने मुख्य उद्देश्यले गण्डकी प्रदेशले कृषकसँग कृषिमन्त्री कार्यक्रम सञ्चालन गरेको हो ।
कार्यक्रममा बोल्दै गण्डकी प्रदेशका भूमि व्यवस्था, कृषि तथा सहकारी मन्त्री लेखबहादुर थापाले गण्डकी प्रदेशले प्रत्येक महिना किसानका खेतबारीमा पुगेर उनीहरुलाई व्यवसायप्रति लाग्न थप प्रेरणा प्रदान गर्ने गरी सो अभियान चालिएको बताए।
मन्त्री थापाले गण्डकी प्रदेश अहिले आवश्यक नीति निर्माणको चरणमा रहेको बताउँदै संघीय प्रदेश र स्थानीय तहसँग सहकार्य गर्दै विकास निर्माणमा लाग्ने उल्लेख गरे।
कार्यक्रममा वालिङ नगरपालिकाका नगर प्रमुख दिलीपप्रताप खाँणले कृषकहरुले उत्पादन गरेका वस्तुको बजारीकरणका लागि नगरपालिकाले देशका विभिन्न शहरमा वालिङ प्रोडक्ट मार्ट नामक कम्पनी स्थापना गर्ने तयारीमा रहेको बताए। उनले नगरपालिकाले बीउ पुँजी प्रदान गर्ने, धितो नभएका किसानका लागि बैंकहरुसँग नगरपालिका जमानी बसेर सहुलियत दरमा ऋण उपलब्ध गराउन सहयोग गर्ने बताए।
स्थानीय व्यावसायिक कृषकले उठाएका समस्या समाधानका लागि स्थानीय सरकारले पहल गर्ने नगर प्रमुख खाँणले बताए।
कार्यक्रममा गण्डकी प्रदेश भूमि व्यवस्था, कृषि तथा सहकारी मन्त्रालयका सचिव शरदचन्द्र श्रेष्ठ, वालिङ नगरपालिका ४ का वडाध्यक्ष रनध्वज गुरुङ, सुबेदार खेमराज गुरुङ लगायतले किसानका समस्याकाबारे बोलेका थिए।
सुन्तलाबारी सामुदायिक होमस्टेका अध्यक्ष क्याप्टेन डिलबिक्रम गुरुङको अध्यक्षतामा भएको कार्यक्रमको सञ्चालन माधव लम्सालले गरेका थिए।
Related News
सम्बन्धित समाचार
४ दिनपछि पोखरा अन्तर्राष्ट्रिय विमानस्थलमा नियमित उडान र अवतरण
नेविसंघ केन्द्रीय प्रवक्ताको जिम्मेवारी जुम्लाका सुरज सेजुवाललाई
लाटोकोसेरो संरक्षक राजु आचार्यलाई बेलायतमा अवार्ड
मजदुरलाई छैन मजदुर दिवस रौनक
नारायणगढ–बुटवल सडक ३३ किमी कालोपत्रे
hero news full width
मुख्य समाचार
पाेखरामा कालो धुँवा फाल्ने गाडीका चालक कारवाहीमा
गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१सहकारी ठगीमा राप्रपाका सांसदसहित १४ जना विरुद्ध पक्राउ पूर्जी
वैशाख १८, २०८१गण्डकीमा अधिकारी सरकारलाई राप्रपाको साथ
वैशाख १८, २०८१