लेखनाथ, २९ मंसिर। बेगनासतालमा आयोजित श्रीमद्भागवत् विराट ज्ञानमहायज्ञ १ करोड ५० लाख रुपैयाँ बराबरको दान संकलन गर्दै शनिबार सम्पन्न भएको छ ।
गत मंसिर २२ देखि शुरु महायज्ञमा जग्गा र नगद गरी उक्त रकम संकलन भएको मूल आयोजक समिति कोषाध्यक्ष गंगाराम सुवेदीले जानकारी दिए।
कास्कीका तालमध्ये दोस्रो ठूलो ताल बेगनास र यस आसपासका क्षेत्रमा विकासका पूर्वाधार निर्माण गरी उत्कृष्ट धार्मिक पर्यटकीय गन्तव्य बनाउने उद्देश्यले आर्थिक संकलनार्थ आयोजित महायज्ञमा सोचेअनुरुप रकम संकलन भएको आयोजकले जनाएको छ । महायज्ञमा श्रदालु भक्तजन तथा धर्मनुरागीको साताभरि नै उल्लेखीय सहभागिता रहेको थियो।
महायज्ञमा शनिबार सर्वाधिक पोखरा ३०, शिशुवा निवासी दानवीर दयाराम तिवारी परिवारबाट तीन लाख २५ हजार पाँच सय ५५ दान गरिएको छ ।
त्यस्तैगरी, पोखरा ३१ निवासी विष्णुमाया कडेल, खगराज कंडेल, यमनाथ कंडेल र महादेव कंडेलबाट एक रोपनी जग्गा दान गर्ने प्रतिबद्धता व्यक्त भएको महायज्ञ मूल समारोह समति उपाध्यक्ष ढकनाथ कडेलले जानकारी दिएका छन्।महायज्ञ समापन समारोहमा पूर्व स्वास्थ्य मन्त्री एवम् सांसद खगराज अधिकारीले आफ्नो कर्त्तव्य पूरा गर्नु नै वास्तविक धर्म भएको बताए । उनले असल कामबाट नै धर्म प्राप्त गरिने बताए। शरीर र मनलाई एक ठाउँमा मिलाएर लक्ष्य प्राप्तिको बाटोमा हिंड्नु नै अहिलेको आवश्यकता भएको उनको भनाइ छ ।
अधिकारीले वेगनासताल क्षेत्रको विकासका लागि विस्तृत परियोजना बनाएर सरकारको उपल्लो तहसम्म पुर्याउने प्रतिबद्धता व्यक्त गरे ।गण्डकी प्रदेश सांसद दीपक कोइरालाले महायज्ञको उद्देश्य पूरा गर्न प्रदेश सरकारसँग समन्वय गर्ने प्रतिबद्धता व्यक्त गर्दै यस्ता महायज्ञले धार्मिक पर्यटनको क्षेत्रको विकासमा सहयोग पुग्ने बताए ।
कार्यक्रममा जिल्ला समन्वय समिति उपप्रमुख सावित्री भण्डारी, महानगर समन्वय समिति सदस्य चतुरे विक, नेपाली काँग्रेस कास्की जिल्ला सदस्य राजेन्द्रमणि लामिछाने, महायज्ञ सल्लाहकार संयोजक डा इन्द्रप्रसाद तिवारी लगायतले महायज्ञ संचालन पूर्व जुन लक्ष्य राखिएको थियो त्योभन्दा बढी सफलता हात परेकोमा खुसी ब्यक्त गर्दै अब कार्यान्वयन चरणमा जानु पर्ने सुझाव राखेका थिए।महायज्ञ मूल आयोजक समिति अध्यक्ष डिल्लीरमण तिवारीको अध्यक्षतामा भएको कार्यक्रममा उपाध्यक्ष तीर्थ वरुवालले स्वागत र महासचिव धु्रवनाथ अधिकारीले संचालन गरेका थिए।
Related News
सम्बन्धित समाचार
स्वास्थ्य संस्थाहरूमा किशोरकिशोरीमैत्री सेवा र पहुँच आवश्यक छ : प्रमुख आचार्य
पाेखरामा कालो धुँवा फाल्ने गाडीका चालक कारवाहीमा
श्रमको सम्मान नगर्नेहरू असभ्य: मुख्यमन्त्री
मेजर वीरसिंहको १२२ औं जन्मजयन्ती
पोखराको अमरसिंहको बिजुली पसलमा आगलागी, १ करोडको क्षति
hero news full width
मुख्य समाचार
राप्रपाले साथ नदिने भएपछि अधिकारी सरकार संकटमा, अब के होला ?
लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१नारायणगढ–बुटवल सडक ३३ किमी कालोपत्रे
वैशाख १९, २०८१