पोखरा, २२ मंसिर। पोखरा १७ पार्दीस्थित फिष्टेल एकेडेमीको रजत जयन्तीको अवसरमा शनिवार रक्तदान कार्यक्रम गरिएको छ। रक्तदानसँगै विद्यालयले रजत जयन्तीका कार्यक्रम शुभारम्भ गरेको छ।
रजत जयन्तीमा आयोजना गरिने अन्य कार्यक्रम क्रमशः तय गरिने विद्यालयले जनाएको छ। विद्यालयका संस्थापक प्राचार्य चिनु रानाभाटले रजत जयन्तीसँगै विद्यालयले आफ्नो भूमिका थप फराकिलो बनाउने उल्लेख गरे।
‘अब विद्यालय परिपक्व बनेको छ,’ प्राचार्य रानाभाटले भने, ‘सबैको सहयोगले आजसम्म विद्यालयको यात्रा सुखद बनेको ठानेको छौं।
विद्यालयको प्राङ्गणमा आयोजित रक्तदानमा ७४ जनाले रक्तदान गरेका थिए। नेपाल रेडक्रस सोसाइटी कास्कीका सभापति डोलराज पाण्डेले पहिलो रक्तदाता विद्यालयका प्राचार्य बुद्विमोहन पौडेललाई ब्लडब्याग हस्तान्तरण गरी कार्यक्रम शुभारम्भ गरेका थिए।
कार्यक्रममा सभापति पाण्डेले निजी विद्यालयमध्ये फिष्टेल अग्रणी शैक्षिक संस्थाका रुपमा स्थापित बनेको उल्लेख गरे। उनले रक्तदानजस्तो पवित्र कार्यबाट रजत जयन्ती शुभारम्भ गरेको भन्दै प्रशंसा गरे। त्यस अवसरमा आदर्श समाज दैनिकका कार्यकारी सम्पादक नवीन सिग्देलले पनि बोलेका थिए।
फिष्टेल एकेडेमी व्यवस्थापन समिति अध्यक्ष अञ्जु रानाभाटको अध्यक्षतामा भएको कार्यक्रम कार्यक्रम संयोजक भरत खड्काले संचालन गरेका थिए।
Related News
सम्बन्धित समाचार
आगोलागी नियन्त्रणसम्बन्धी सचेतना
पोखरा ६ मा साबुन बनाउने तालिम
रोजगारी दिनेभन्दा खोज्ने कम : २ सय ४५ जनाले पाए रोजगारी
गण्डकी बोर्डिङका शिक्षकलाई तालिम
प्यान गण्डकीको प्रथम भेला : वामदेवको अध्यक्षतामा नयाँ कार्यसमिति गठन
hero news full width
मुख्य समाचार
पोखराको मालेपाटनमा डिभाइडरमा ठोक्किएर कार दुर्घटना
बुटवल पावर कम्पनीले ल्यायो विद्युत् महसुल बढाउने प्रस्ताव
वैशाख १६, २०८१क्षत्री समाज नेपालमा पोखराका रिव, महासचिवमा कृष्ण
वैशाख १६, २०८१यस्तो छ लगानी सम्मेलनको कार्यतालिका
वैशाख १६, २०८१नेपालमा लगानीकर्ताका लागि उपयुक्त वातावरण र सहि अवसर छ : महासंघ अध्यक्ष ढकाल
वैशाख १६, २०८१बुढ्यौलीमा भेडीगोठ मोह
वैशाख १६, २०८१