पोखरा, २ मंसिर। विद्यार्थीमा पढाइका अतिरिक्त उद्घोषण, नृत्य, गायन, प्रहसन, अभिनय लगायत प्रतिभा प्रस्फुटन गर्ने उद्देश्यले मदरल्यान्ड माध्यमिक विद्यालयमा दुर्इ दिवसीय सांस्कृतिक कार्यक्रम तथा मातृभूमि तारा प्रतियोगिता सम्पन्न भएको छ।
कार्यक्रममा विद्यार्थीको मेहनत र अभ्यासमा विभिन्न संस्कार संस्कृति, चालचलन, परम्परा, देशप्रेम जस्ता विषय झल्कने गायन तथा नृत्य प्रस्तुत गरिएको कार्यक्रममा शुक्रबार मातृभूमि ताराका प्रतियोगीका साथ कक्षा नर्सरीदेखि कक्षा ५ र दोस्रो दिन शनिबार कक्षा ६ देखि कक्षा १२ सम्मका विद्यार्थीले प्रस्तुति राखेका थिए।
कार्यक्रममा मातृभूमि तारातर्फ यस वर्षको विजेताको उपाधि कक्षा ७ की सोनु शेर्पाले हात पार्न सफल भएकी छन्। यस्तै, कक्षा ६ की सीसम भण्डारी फष्ट रनरअप र कक्षा ८ की नमूना अधिकारी सेकेण्ड रनरअप र ९ का कुशल पोखरेल थर्ड रनरअप भएको सहकार्यकलाप प्रमुख सुनिल सुवालले जानकारी दिए।कार्यक्रममा करिब १ हजार ५ सय विद्यार्थीले आफ्ना प्रस्तुतिहरू राखेका थिए। सो अवसरमा विद्यालयभित्र तथा बाहिर शैक्षिक तथा सहकार्यकलापअन्तर्गत वर्षभरि विभिन्न विधामा आशातीत नतिजा हासिल गर्न सफल ५० जना विद्यार्थीलाई सम्मान गरिएको थियो।
समापन अवसरमा प्रमुख अतिथि गण्डकी प्रदेशका भौतिक पूर्वाधार विकास मन्त्री रामशरण बस्नेत, पोखरा बृहत् सफाइ अभियानका मुख्य अभियन्ता रामबहादुर पौडेल, विद्यालयका संस्थापक तथा प्राचार्य नारायण बराल, कार्यक्रमका निर्णायक तथा सञ्चारकर्मी सन्तोष बस्याल, सहकार्यकलाप प्रमुख सुनिल सुवाल र विद्यार्थी शशीकला तामाङ लगायत बोलेको विद्यालयका संगीत विभागीय प्रमुख समेत रहेका कार्यक्रम संयोजक केशबहादुर गुरुङले जनाए। विद्यालयका संस्थापक एकेेेडेमिक डीन प्रेमनारायण पोखरेलको अध्यक्षतामा भएको कार्यक्रमको सञ्चालन शिक्षक होमनाथ भट्टराई, अन्तिम गुरुङ र इनिशा दुराले संयुक्त रूपमा गरेका थिए।
Related News
सम्बन्धित समाचार
डा. कालु शर्मा सुवेदीको अनुसन्धानात्मक उपन्यास ‘खोजीमा’
हेमजा साहित्य प्रतिष्ठानमा चूडामणि खनालको स्मरण
अक्षरयात्राको २१० औं शृंखला खास्टेतालमा
छन्द बचाऊँ वाचनकला पुरस्कारबाट त्रिपाठी सम्मानित
सबीको अपरिभाषित आभा लोकार्पित
hero news full width
मुख्य समाचार
गण्डकी प्रदेश सभाको बैठक ३० मिनेटका लागि स्थगित
मुलुकमा राजनीतिक अस्थिरताको जड नै माओवादी : कांग्रेस संसदीय दलका नेता पाण्डे
वैशाख २३, २०८१प्रदेश विघटन हुन जोगाउने जिम्मा सभामुखको हो : माओवादी नेता चुमान
वैशाख २३, २०८१मुख्यमन्त्रीलाई विश्वासको मत दिन सकिन्न ः पञ्चराम गुरुङ
वैशाख २३, २०८१मुख्यमन्त्री अधिकारीले पेस गरे विश्वासका लागि प्रस्ताव, छलफल सुरु
वैशाख २३, २०८१गण्डकी प्रदेश सभाको बैठक सुरु, विश्वासको मतका लागि प्रस्ताव पेस गर्दै मुख्यमन्त्री अधिकारी
वैशाख २३, २०८१