पोखरा, २१ फागुन ।पोखरा लेखनाथ महानगरपालिका २६ बिजयपुरमा सवारी दुर्घटना परी दुर्इ जना प्रहरीको जवानको मृत्यु भएको छ ।
आइतबार राति १०:०५ बजे बागलुङ-काठमाडौं चल्ने संयुक्त यातायातको बा ४ ख ५७५८ नम्बरको रात्री बसले ग ११ प ३६४५ नम्बरको पल्सर मोटरसाइकललाई ठक्कर दिदाँ वडा प्रहरी कार्यालय बैदाममा कार्यरत दुर्इ प्रहरी जवानको मृत्यु भएको हो।
जिल्ला ट्राफिक कार्यालय, कास्कीले दिएको जानकारी अनुसार मृत्यु हुनेमा रुपन्देही छिपागढ घर भएका ३० वर्षीय प्रदिपकुमार यादव र स्याङ्जा फेदीखोला २ गाउँपालिकाका २७ वर्षकै सुशील बानियाँको ज्यान गएको हो। यादव २०७३ जेठ २८ देखि वडा प्रहरी कार्यालय बैदाममा कार्यरत रहेको र बानियाँ २०७३ मंसिर ५ गते वैदाममा आएको कार्यालय प्रमुख डीएसपी नविन कार्कीले जानकारी दिए।
पोखरा लेखनाथको डाँडाकोनाक एरियामा चोरी केसमा एक पक्राउ परेकाले अरु पनि मुछेपछि कार्यालयबाट यादव र बस्नेत सादा पोशाकमा ड्युटीमा खटिएका थिए। डाँडाकोनाक क्षेत्र सर्च गरेर र्फकदै गर्दा विजयपुरमा त्यस्तो घटना भयो,’ डीएसपी कार्कीले भने।
दुर्घटनापछि पश्चिमाञ्चल क्षेत्रीय अस्पताल पोखरामा पुर्याइएको घाइते प्रहरी जवानहरुलाई अस्पतालले पुग्ने बित्तिकै मृत घोषणा गरेको थियो। प्रत्यक्षदर्शीका अनुसार एकजनाको घटनास्थलमै ज्यान गईसकेको थियो भने अर्का एक जना पनि अस्पताल पुग्नेबित्तिकै मृत्यु भएको हो। ड्युटीकै क्रममा पोखरा आइरहेका जवानलाई काठमाडौंतर्फ जादैं गरेको ओभर स्पिडमा रहेको बसले विपरित दिशामा गएर मोटरसाइकललाई ठक्कर दिएको देखिएको प्रहरीले जनाएको छ।
बस र बसचालक पर्वतका डासु गिरीलाई डाँडाकोनाक प्रहरीले तुरुन्त नियन्त्रणमा लिएको कार्यालय प्रमुख डीएसपी गोविन्द पुरीले जानकारी दिए।
Related News
सम्बन्धित समाचार
स्वास्थ्य संस्थाहरूमा किशोरकिशोरीमैत्री सेवा र पहुँच आवश्यक छ : प्रमुख आचार्य
पाेखरामा कालो धुँवा फाल्ने गाडीका चालक कारवाहीमा
श्रमको सम्मान नगर्नेहरू असभ्य: मुख्यमन्त्री
मेजर वीरसिंहको १२२ औं जन्मजयन्ती
पोखराको अमरसिंहको बिजुली पसलमा आगलागी, १ करोडको क्षति
hero news full width
मुख्य समाचार
राप्रपाले साथ नदिने भएपछि अधिकारी सरकार संकटमा, अब के होला ?
लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१नारायणगढ–बुटवल सडक ३३ किमी कालोपत्रे
वैशाख १९, २०८१