पोखरा । पोखरा–१८, सराङकोटका महिला दिदीबहिनीहरुले आफूहरु स्वावलम्बनको मार्गमा अघि बढिरहेको बताएका छन् । वडा कार्यालयको आयोजनामा भएको महिला सशक्तीकरण तथा नेतृत्व विकास तालिमअन्तर्गत मादल बजाउने सिपको पाँचौं दिन शनिबार भएको समापन कार्यक्रमबीच उनीहरूले त्यस्तो बताएका हुन् ।
पोखराको मुख्य सहरलाई डाँडाबाट मादलको ताल सुनाउने सजकता आमा समूहकी सदस्य सरिता भारतीले बताइन् ।
भारती जस्तै उक्त वडाका ३५ आमा समूहका प्रतिनिधिले यतिबेला ५ दिने मादल प्रशिक्षण लिएका छन् । उनीहरूले मादल बजाउने सिपलाई कला, संस्कृति जगेर्ना गर्ने उद्देश्यमा प्रयोग गर्ने पनि सुनाए ।
‘वडाका विभिन्न ठाउँमा घरबास कार्यक्रम सञ्चालन गरिएको छ । संस्कार संस्कृतिको पनि संरक्षण गर्नु नै छ त्यसका लागि मादल बजाउने सिप बहुउपयोगी हुन्छ,’ एकघरे आमा समूहकी कोषाध्यक्ष इन्दिरा पण्डितले बताइन् ।
वडाले ‘लैङिक हिंसा अन्त्यको सुनिश्चितताः महिला र बालबालिकामा लगानीको ऐक्यबद्धता’ नाराका साथ आमा समूहका प्रतिनिधिलाई तालिम लिएको हो । जसको सहजीकरण विशाल गायकले गरे । त्यसका साथै वडाले वडाका प्रत्येक आमा समूहलाई ठूलो आकारका १÷१ वटा मादल पनि हस्तान्तरण गरेको छ ।
तालिमको समापन गर्दै वडाध्यक्ष शिवप्रसाद तिमिल्सिनाले सिप सिकेकोमा मातृशक्तिलाई बधाई दिर्दै सीपको सदुपयोग हुने विश्वास लिए । उनले भने,‘अब हामी छिट्टै अचार बनाउने तालिम पनि सञ्चालन गर्दै छौं, त्यसमा पनि आमा दिदीबहिनीको सक्रिय सहभागिता हुनेछ । जसले उनीहरूलाई उत्पादनसँग जोड्ने छ ।’
वडा सदस्य कल्पना ढकाल क्षत्रीले आमा दिदीबहिनीको समुन्नतिको पक्षमा वडा रहेको सुनाउँदै उत्सुकताका साथ मादल सिप सिकेकोमा सहभागीलाई धन्यवाद दिइन् । उपमेयरसँग महिला दिदीबहिनी कार्यक्रममार्फत् पनि थप महिला सशक्तीकरणका कार्यक्रम सञ्चालन गरिने उनले स्पष्ट पारिन् ।
त्यस अवसरमा वडा सदस्यहरू रमेश थापा, नमराज सुवेदी तथा मीना नेपालीले आगामी वर्ष पनि महिला क्षमता विकासका कार्यक्रमलाई वडाले प्राथमिकता दिने प्रतिबद्धता जनाए । उनीहरुले सिकेको सीपलाई व्यवहारमा उतार्न सुझाव दिँदै वडाले युवा लक्षित कार्यक्रमलाई पनि ध्यान दिने स्पष्ट पारे ।
सहभागीको तर्फबाट पदमकुमारी थापा र विष्णु कार्कीले घरको दुखसुखसँगै महिलाले जीवनबारे धेरै कुरा सिकेको जनाउँदै तालिम प्रभावकारी रहे पनि तालिम अवधि छोटो भएको प्रतिक्रिया दिए ।
वडा सदस्य कल्पना ढकाल क्षेत्रीको अध्यक्षतामा भएको कार्यक्रम वडा सदस्य मीना नेपालीले सञ्चालन गरिन् । वडास्तरीय महिला लक्षित कार्यक्रमअन्तर्गत तालिम गरिएको वडाले जनाएको छ ।
Related News
सम्बन्धित समाचार
पोखराका भवन निर्माणमा नयाँ प्रविधि
लान्द्रुकमा हनी हन्टिङ महोत्सव तयारी
सहारा क्लब पोखरालाई वर्ष उत्कृष्ट क्लबको अवार्ड
पामेका अनधिकृत संरचनामा महानगरको डोजर
पोखरामा धुवाँको कालो मुस्लो फ्याक्ने ११ गाडी नियन्त्रण
hero news full width
मुख्य समाचार
कसको हातमा पर्ला वर्ष खेलाडीको उपाधि ?
गण्डकी प्रज्ञा–प्रतिष्ठानले ७ जना श्रष्टालाई सम्मान गर्दै
वैशाख २६, २०८१मुग्लिन–पोखरा सडक खण्डमा १३ वटा पुल सम्पन्न, ११ निर्माणाधीन
वैशाख २६, २०८१प्रदेशमा सञ्चालित आयोजनाहरुको प्रगति विवरण २ दिनभित्र पेस गर्न मुख्यमन्त्रीको निर्देशन
वैशाख २५, २०८१गण्डकी सरकारविरुद्ध सर्वोच्चमा कांग्रेसले दर्ता गरायो रिट, पेसी पर्सि
वैशाख २५, २०८१सुरु भयो ट्राफिक सप्ताह, मुख्यमन्त्रीले गरे उद्घाटन
वैशाख २५, २०८१