पोखरा । पोखरामा आगामी चैत तेस्रो साता हुने पोखरा इन्डूरो रेस लक्षित गरी पोखरा राइडर्स क्लबले युवालाई प्राविधिक तथा मार्सल तालिम दिएको छ । ३५ पुरुष र १० महिलाले भाग लिएको एकदिने तालिममा नेपाल अटोमोबाइल एसोसिएसन (नासा) नेपालका मार्सल कमिसनका संयोजक आशीष लामिछाने (यदु), वरिष्ठ मार्सल आशीष रौनियार र सेक्रेटरी मार्सल क्षितिज श्रेष्ठले झण्डा, साइन सिग्नल, सेफ्टी गियर ग्याजेट्स, आपत्कालीन रेस्पोन्स, इभेन्ट रिपोर्टिङ र मार्सलको भूमिकाबारे प्रशिक्षण दिएका हुन् । उनीहरुलाई सैद्धान्तिक र प्राविधिक ज्ञान दिइएको आयोजक पोखरा राइडर्स क्लब अध्यक्ष सोनिक क्षत्रीले बताए ।
नासा गण्डकी अध्यक्ष शिव श्रेष्ठको नेतृत्वमा भएको तालिममा उनले गण्डकी प्रदेशमै मार्सल उत्पादन हुँदा खुसी लागेको बताए । होटल सारामा भएको तालिममा कास्की साइकल संघका अध्यक्ष शंकर भण्डारी, पोखरा स्वास्थ्य विज्ञान प्रतिष्ठानका हाई अल्टिच्युट रेस्क्यु विशेषज्ञ डा. सन्तोष बानियाँलगायत उपस्थित थिए ।
नेपालमै पहिलो पल्ट इन्डूरो रेस आगामी चैत २३ र २४ गते पोखराको वाम्दीमा हुँदैछ । रेसका लागि खोला, वनजंगल, बगर समेटिएको करिब ५ किमी ट्रेक तयार पारिएको प्राविधिक समिति संयोजक एवं संस्थाका सल्लाहकार जगत धौलीले बताए । उनले च्याम्पियनका लागि खेलाडीको सुरक्षा, पारदर्शीता र आवश्यक प्राविधिक जनशक्तिका लागि तालिम अत्यन्त फलदायी भएको बताए ।
नेपालमा मोटरसाइक्लिङ रेसको इतिहास लामो छैन । एक दशक अगाडिबाट मात्र नेपालमा संस्थागत रुपमा यो रेसका विधा सुरु भएका हुन् । यस अवधिमा रेसिङका हजारौं राइडर्स उत्पादन भइसकेका छन् । आज नेपाली खेलकुद, नेपाली एडभेचर्स र नेपाली अटोमोबाईलको एउटा मुख्य अंग बन्न पुगेका छन्–रेसिङ, र्याली र टुरिङका इभेन्टहरु ।
पोखरा इन्डूरो रेसमा महिला तथा पुरुष विधामा प्रथम, दोस्रो र तेस्रोलाई क्रमश १ लाख ५० हजार, १ लाख र ५० हजार दिइनेछ ।
Related News
सम्बन्धित समाचार
सहारा एकेडेमीमा टिकर्ट सहयोग
फिस्टेल एसइई कपको औपचारिक उद्घाटन
वाराही माविका खेलाडीलाई क्रिकेट ड्रेस
चौथो संस्करणको अन्नपूर्ण म्याराथन जेठ २१ मा
वडास्तरीय बुद्धिचालमा एकराज प्रथम
hero news full width
मुख्य समाचार
अधिकारी सरकारको वैधानिकताको टुंगो आज
पोखरा विश्वविद्यालय शिक्षण अस्पताल उद्घाटन
जेठ ७, २०८१दमौली आगलागी अपडेट : क्षतिको विवरण संकलन गरिँदै
जेठ ७, २०८१प्रधानमन्त्री प्रचण्डलाई चाैथोपटक विश्वासको मत
जेठ ७, २०८१प्रधानमन्त्री दाहालले आज चाैथोपटक विश्वासको मत लिँदै
जेठ ७, २०८१दमौलीको मुख्यचोकका सटरमा मध्यरातमा आगलागी, ३ घण्टापछि नियन्त्रणमा
जेठ ७, २०८१