पोखरा। चौथो टाइगर कप भलिबल प्रतियोगिता–२०८० मा पुरुषतर्फ लिगको अन्तिम खेल जितेर पनि त्रिभुवन आर्मी क्लब प्रतियोगिताबाट बाहिरिएको छ ।
टाइगर ग्रुप अफ पोखरा नेपाल आयोजनामा सञ्चालित प्रतियोगिताअन्तर्गत बिहीबार आर्मीले गण्डकीलाई ३–२ सेटले पराजित गर्दा पनि घरेलु टिम सेमिफाइनल प्रवेश गरेको छ । पहिलो दिनको अन्तिम खेलमा खराब प्रकाशका कारण आर्मी र गण्डकीबीच खेल २–१ को अवस्थामा स्थगित भएको थियो ।
बिहीबार आर्मीले पहिलो सेट २५–२० आफ्नो पोल्टामा पारेको थियो । गण्डकीले दोस्रो र तेस्रो सेट २०–२५ र १७–२५ ले जित्दै सेमिफाइनलमा स्थान पक्का गरेको थियो । त्यसपछिको सेट भने लगातार आर्मीले जितेको थियो । चौथो र पाँचौ सेट २५–२१ र १५–६ ले खेल जिते पनि आर्मी प्रतियोगिताबाट बाहिरिएको हो ।
समूह ‘ए’ मा रहेको आर्मी र गण्डकी सेमिफाइनल प्रवेशका लागि प्रतिस्पर्धामा थिए । अघिल्लो दिनको खेलको नतिजाअनुसार गण्डकीसँग २ अंक थियो । बुधबारको खेलमा गण्डकीले हेल्प नेपाललाई ३–२ सेटमा हराउँदै दोस्रो स्थानमा थियो । सोही समूहको हेल्प नेपाल भने आर्मीलाई ३–१ पराजित गर्दै ३ अंक जोडेको थियो ।
गण्डकीले आर्मीसँग १ अंक लिएर ३ अंकसहित समूहको दोस्रो स्थानमा रहँदै अघिल्लो चरणमा प्रवेश गरेको हो ।
डिफेन्डिङ च्याम्पियन गण्डकीले सेमिफाइनलमा समूह ‘बी’ को विजेता एपिएफ क्लबसँग शुक्रबार दोस्रो सेमिफाइनल खेल्नेछ । लिगमा हेल्प नेपाल स्पोर्टस् क्लब भने समूह ‘बी’ को उपविजेता श्रीलंका आर्मी टिमसँग भिड्नेछ ।
शुक्रबार नै महिलातर्फ तेस्रो स्थानका लागि त्रिभुवन आर्मी क्लबले अर्को विभागीय टोली नेपाल पुलिसको सामना गर्नेछ ।
यता, महिलातर्फ साविक विजेता एपिएफ क्लब र चन्द्रागिरी न्यू डायमण्डबीच उपाधि भिडन्त पक्का भएको छ । शनिबार फाइनल हुनेछ ।
महिला तथा पुरुषतर्फ उपाधि विजेता टिमले ट्रफी, मेडल तथा प्रमाणपत्रसहित समान ५ लाख ५५ हजार ५ सय ५५ र उपविजेता टिमले समान २ लाख ५५ हजार ५ सय ५५ तथा तेस्रो हुने टिमले १ लाख २५ हजार ५ सय ५५ प्राप्त गर्नेछन् ।
Related News
सम्बन्धित समाचार
धानको लोपोन्मुख प्रजाति संरक्षण गरिँदै
गण्डकीमा थुप्रिए रुग्ण र समस्याग्रस्त योजना
सराङकोटमा सहिद स्मृति भवन निर्माण
पोखराका स्पामा बालिकालाई लगाइन्छ यौनजन्य कार्यमा, ६ जनाको उद्धार
बलात्कार मुद्दामा सन्दीप लामिछानेले पाए सफाइ
hero news full width
मुख्य समाचार
पोखरामा फोहोरबाट रोजगारी सिर्जनाका लागि कोरियाको ९८ लाख अमेरिकी डलर सहयोग
व्यास नगरपालिकामा मेयर चुनावको पुन मतगणना गर्न आदेश
जेठ २, २०८१पोखरामा बुद्ध जयन्तीको सप्ताहव्यापी कार्यक्रम
जेठ २, २०८१जिबी राईको राहदानी रद्द भएन
जेठ १, २०८१पोखराको प्राइम सहकारी पनि समस्याग्रस्त, डेढ अर्ब हिनामिना
जेठ १, २०८१सरकारको आगामी आर्थिक वर्ष २०८०/८१ को नीति तथा कार्यक्रम (पूर्णपाठ)
जेठ १, २०८१