पोखरा । स्टेप बाई स्टेप माध्यामिक विद्यालयले गण्डकी प्रदेशस्तरीय एसइई फुटसल प्रतियोगिता आयोजना गरेको छ ।
शनिबार प्रतियोगिता उद्घाटन गर्दै गण्डकी प्रदेशकी सामाजिक विकास तथा स्वास्थ्य मन्त्री सुशीला सिंखडाले शिक्षासँगै खेलकुदमा युवाहरुको भूमिका महत्वपूर्ण रहने बताइन् । खेलकुदले शारीरिक र मानसिक स्वास्थ्यमा मद्दत पुर्याउने तथा भाइचाराको विकास गर्ने कुरा उनले बताइन् ।
प्रतियोगितामा कास्की, तनहुँ, बागलुङ लगायत जिल्लाका २६ टिमले भाग लिएका छन् । एक महिनासम्म चल्ने प्रतियोगिता प्रत्येक शनिबार हुनेछ ।
विजेताले नगद २० हजार रुपैयाँसँगै ट्रफी, मेडल, प्रमाणपत्र र कक्षा ११ र १२ अध्ययनका लागि पूर्ण छात्रवृत्ति समेत पाउने छन् । उपविजेताले नगद १५ हजार रुपैयाँ, ट्रफी, मेडल, प्रमाणपत्रसँगै कक्षा ११ र १२ मा अध्ययनका लागि ५० प्रतिशत छात्रवृत्ति प्राप्त गर्ने कार्यक्रमका संयोजक तथा विद्यालयका सहप्राचार्य दीपक गिरीले जनाए ।
उत्कृष्ट खेलाडी, सर्वाधिक गोलकर्ता र उत्कृष्ट गोलरक्षकले पनि अध्ययनमा पूर्ण छात्रवृत्ति प्राप्त गर्ने उनले जनाए ।
पहिलो खेलमा स्टेप बाई स्टेप मावि (पिस) ले प्रगति माविलाई १३–० ले जित हासिल गरेको थियो । दोस्रो खेलमा झुम्पाकले एलसी ब्रदरहरुलाई २–१ को पेनाल्टी सुट आउटमा पराजित गर्दा तेस्रो खेलमा घारीपाटन फुटबल क्लबले मदरल्यान्ड (डिमसिटी) माविलाई १०–३ अन्तरले हरायो । अर्को खेलमा ब्रदर युनिटीले बेस्ट एफसी (सैनिक) लाई ६–१ ले पराजित गरेको थियो । बाँकी खेल आगामी शनिबार हुने सूर्यप्रसाद लम्सालले बताए ।
Related News
सम्बन्धित समाचार
पोखरा ७ स्तरीय वृहत दौड प्रतियोगिता
आठौं पोखरा स्पोर्टस् अवार्ड : वर्ष खेलाडी ह्याट्रिक दाउमा अरुणा
राष्ट्रिय माविको हीरक महोत्सवअन्तर्गत छात्र/छात्रा सडक दौड तयारी
दुआथलनमा टमटा र खड्का विजयी
स्पोर्टस् अवार्डलाई टाइगर ग्रुपको साथ
hero news full width
मुख्य समाचार
गण्डकी प्रदेश सभाको बैठक ३० मिनेटका लागि स्थगित
मुलुकमा राजनीतिक अस्थिरताको जड नै माओवादी : कांग्रेस संसदीय दलका नेता पाण्डे
वैशाख २३, २०८१प्रदेश विघटन हुन जोगाउने जिम्मा सभामुखको हो : माओवादी नेता चुमान
वैशाख २३, २०८१मुख्यमन्त्रीलाई विश्वासको मत दिन सकिन्न ः पञ्चराम गुरुङ
वैशाख २३, २०८१मुख्यमन्त्री अधिकारीले पेस गरे विश्वासका लागि प्रस्ताव, छलफल सुरु
वैशाख २३, २०८१गण्डकी प्रदेश सभाको बैठक सुरु, विश्वासको मतका लागि प्रस्ताव पेस गर्दै मुख्यमन्त्री अधिकारी
वैशाख २३, २०८१