पोखरा । घान्द्रुकको खोलो भ्रों बस स्टेसन थोरै पर पुग्दा देखिन्छ, कंक्रिटका ठूलाठूला संरचना । अझ नजिकिएर हेर्दा भेटिन्छन्– ४ आरसिसी भवन । सामीप्यमा छ २ घुमाउने घर । त्यसैको मुनि संग्रहालयजस्तो घर पनि छ । त्यो भवन हलका लागि बनाइएको हो ।
जब, संग्राहलयको रुप दिइएको भवनतिर लागिन्छ, त्यहाँ भेटिन्छन्, ढिकी, जाँतो, डोको, नाम्लो, नाङ्लो । हल छिर्दा लोपोन्मुख पाला, माना, पाथी, लोटा, आम्खोरा, आरी, गाग्री, ताउलो, कसौंडी, तामा र अन्य धातुबाट बनेका सामान, चोंयाबाट बनेका भकारी, डालो, पेरुंगो लगायत । ती सामान हेर्दै पुगिने हलमा पनि संस्कृति जोगाउने सामानै छन् ।
यो दृष्य हो, घान्द्रुकमा निर्माणाधीन घान्द्रुक कल्चर रिसोर्टको । यसको परिकल्पना घान्द्रुककै कुलप्रसाद गुरुङले गरेका हुन् । घान्द्रुकले पुराना संस्कृति बिर्संदै गएकाले नयाँ संरचनामा पुराना सामान जीवन्त राख्न यो परिकल्पना बनाएको गुरुङले बताए । ‘घान्द्रुक पर्यटकीय गाउँरुपमा विकसित हुँदै जाँदा यहाँको संस्कृति नै लोप हुने खतरा बढ्दै गएको छ,’ उनले भने, ‘पाहुनाले धेरै सेवासुविधा खोजिरहँदा आधुनिक सुविधा दिने अनि पुराना संस्कृति पनि देखाउने योजना छ ।’
परम्परागत घट्ट हराउँदै गएकाले रिसोर्टमै घट्ट बनाउने योजना रहेको उनले सुनाए । ‘हामीले जमानामा घट्टबाट पिनेर काम चलाउथ्यौं तर अहिले त्यो देख्न पाइँदैन,’ उनले भने, ‘मैले यहाँ घट्ट बनाएर त्यसैमा पिँधेको पिठो र चामलको परिकार खुवाउने योजना छ ।’ घट्टका लागि पानीको स्रोत पत्ता लागिसकेकाले केही समयमा नै कुलो ल्याउने अनि चलाउने गुरुङले बताए ।
८ रोपनीमा फैलिएको रिसोर्टमा करिब १७ करोड लगानी भइसकेको छ
उनले बनाउँदै गरेको रिसोर्टको करिब ८० प्रतिशत काम पूरा भएको छ । ८ रोपनीमा फैलिएको रिसोर्टमा करिब १७ करोड लगानी भएको उनले जानकारी दिए । ‘कोरोनाको समयदेखि नै बनाउन सुरु गरिएको हो । त्यो समय साह्रै गाह्रो थियो,’ उनले भने, ‘तर पनि हिम्मत नहारी निरन्तर निर्माणमा लागें ।’ सबै काम सकिंदा रिसोर्टको लागत २५ करोड पुग्ने उनको अनुमान छ ।
रिसोर्टमा करिब ३ सय जना अट्ने सभाहल, रेस्टुरेन्ट र ५० कोठा रहेको रिसोर्टका व्यवस्थापक सञ्जय गुरुङलले जानकारी दिए । रिसोर्टमा बस्ने कोठामध्ये २७ वटा तयार भइसके भने २३ वटा निर्माणाधीन छन् । तत्कालका लागि ६० जना पाहुना व्यवस्थापन गर्न सकिने व्यवस्थापक गुरुङले बताए । रिसोर्ट पूर्णरुपमा सञ्चालन भए २ सय जना पाहुना राख्न सकिनेछ । यहाँ २ वटा कल्चर कोठा, ४ वटा अतिविशिष्ट, १५ वटा विशिष्ट र अन्य सामान्य कोठा रहने छन् । रिसोर्टको माथि हेलिप्याड पनि बनाइएको छ । रिसोर्टमा विद्यार्थी, संघसंस्थाका समूह आएमा विशेष छुटमा राख्न सकिने गुरुङले बताए ।
यो रिसोर्टले घान्द्रुकको पर्यटन क्षेत्रमा टेवा पुग्ने घान्द्रुक पर्यटन व्यवस्थापन समिति अध्यक्ष विक्रम गुरुङ बताउँछन् । यस क्षेत्र हुँदै अन्नपूर्ण बेस क्याम्प र घोडेपानी पुग्न सकिने भएकाले खर्च गर्न चाहने पर्यटकका लागि रिसोर्ट सहयोगी हुने उनको भनाइ थियो । घान्द्रुकमा बनेका होटलहरुमा सभाहलको खाँचो परेकाले त्यसको परिपूर्ति रिसोर्टले सहयोग पुग्ने विश्वास छ ।
घान्द्रुकमा पाहुना राख्न हाल ५५ को हाराहारीमा होटल र १८ होमस्टे रहेको घान्द्रुक पर्यटन व्यवस्थापन समितिका अध्यक्ष गुरुङले जानकारी दिए । पाहुना धेरै भए १० घर जतिमा व्यवस्थापन गर्न सकिने उनले बताए । एक दिनमा ७०÷८० होटल तथा होमस्टेमा २ हजारसम्म मात्र पाहुना राख्न सकिन्छ ।
Related News
सम्बन्धित समाचार
मुख्यमन्त्रीले आज विश्वासको मत लिने, मन्त्रालय टुंग्याउन माओवादीको माग
पोखरा देशभरकै प्रदूषित सहर
विश्वासको मतअघि अधिकारी सरकारले वितरण गर्यो ५० लाख आर्थिक सहायता
पाण्डे सरकारले नियम मिचेर बहुवर्षे योजना थपेको मुख्यमन्त्रीको आरोप
भ्रष्टाचार नियन्त्रणमा सार्थक प्रयास भएन : धनराज गुरुङ
hero news full width
मुख्य समाचार
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
मुख्यमन्त्री अधिकारीले २३ गते विश्वासको मत लिने, राप्रपा विपक्षमै
वैशाख २१, २०८१राप्रपाले साथ नदिने भएपछि अधिकारी सरकार संकटमा, अब के होला ?
वैशाख २०, २०८१लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१