पोखरा । बर्दिया पोखरा सम्पर्क समाजको पाँचौं साधारणसभा तथा तेस्रो अधिवेशने केशवराज पौडेलको अध्यक्षतामा १५ सदस्यीय कार्यसमिति निर्वाचित गरेको छ ।

समाजको वरिष्ठ उपाध्यक्ष सुरेशराज सुवेदी, उपाध्यक्ष पुष्पा मरासिनी, महासचिव तोया अधिकारी, सचिव पदमप्रसाद ढकाल, कोषाध्यक्ष रामप्रसाद अधिकारी, सहकोषाध्यक्ष विन्दु अधिकारी चयन भए ।

सदस्यमा उषा रिमाल, सीता थारु, दर्पण थारु, रंगीला बास्तोला, ज्योति थारु, सागर पौडेल, कृष्ण देवकोटा र ईश्वरी श्रेष्ठ चुनिए । कार्यकाल २ वर्षको हुनेछ ।

गण्डकी प्रदेशका सामाजिक विकास तथा स्वास्थ्य सचिव विनोदविन्दु शर्माले समाजले बर्दिया र पोखरालाई भावनात्मक रुपमा जोड्न महत्वपूर्ण भूमिका निर्वाह गरिरहेको बताए । आगामी दिनमा नयाँ कार्यसमितिले अझ सशक्त कार्यक्रम कार्यान्वयन गर्दै समाजको भूमिका विस्तार गर्न उनको सुझाव थियो ।

बर्दियामा लामो समय शैक्षिक सेवा प्रदान गरेका अग्निधर सुवेदी, ज्येष्ठ नागरिक गंगाराम पौडेल र समाजका संस्थापक सदस्य शिषिर कँडेललाई सम्मान गरिएको थियो ।

कार्यक्रममा संस्थाका संस्थापक अध्यक्ष दीपक पौडेल, पूर्ण शर्मा, नीलबहादुर अधिकारी, गोविन्द अधिकारी लगायतले बोलेका थिए । सो अवसरमा समाजले प्रकाशन गरेको नयाँ वर्ष २०८०’ को क्यालेन्डर विमोचन गरियो ।