म्याग्दी । बेनी मंगलघाटस्थित उज्यालो वैकल्पिक विद्यालयबाट यस वर्षको माध्यमिक शिक्षा परीक्षा (एसइई) मा ९ जना आमाहरु सहभागी हुँदैछन् । विद्यालय संचालक समितिले एसइईमा सहभागी हुने ९ जना आमाहरुलाई परीक्षाको सफलता शुभकामना दिंदै बिदाइ गरेको छ ।
शुक्रबारदेखि सुरु हुने परीक्षामा सो विद्यालयबाट ५० वर्षीया डिलकुमारी पुर्जा, ३७ वर्षीया इन्द्रामती फगामी, ३५ वर्षीया संगीता छिनाल, ५७ वर्षीया राधादेवी पुन, ५४ वर्षीया तुलकमारी मल्ल केसी, ३९ वर्षीया धनकुमारी विक, ४० वर्षीया रामदेवी पुन, ४९ वर्षीया विष्णुकुमारी गुरुङ र २८ वर्षीया पूजा छन्त्यालले परीक्षा दिन लागेको विद्यालय संचालक समिति अध्यक्ष राजेश शाक्यले बताए ।
निवर्तमान जिल्ला समन्वय समिति म्याग्दी सदस्य समेत रहेकी रामदेवी पुनले सामाजिक र राजनीतिक क्षेत्रमा सक्रिय हुँदै गर्दा शैक्षिक योग्यताको जरुरी छ भनेर परीक्षा दिन थालेको बताइन् । शिक्षा आर्जन गर्न उमेर बाधक नहुने उनको तर्क छ । ‘सानो हुँदा गाउँमा पढ्न पाइएन । घरपरिवारमा वातावरण पनि मिलेन,’ उनले भनिन् ।
उज्यालो वैकल्पिक विद्यालयबाट ९ जना आमाहरुले एसइई दिँदैछन्
बेनी सामुदायिक विद्यालयअन्तर्गत २०७३ सालमा स्थापना भएको उज्यालो वैकल्पिक विद्यालयले सामाजिक विकास कार्यालय रहेको भवनको भुइँतलामा पठनपाठन संचालन गर्दै आएको छ ।
आमाहरुको पढ्ने धोको पूरा गर्न संचालन गरिएको यस विद्यालयलाई प्रदेश सरकार, बेनी नगरपालिकाको अनुदान र स्वदेश तथा विदेशमा रहेका दाताहरुमा प्राप्त चन्दाबाट संचालन गरिएको अध्यक्ष शाक्यले बताए । विद्यालयबाट अघिल्लो वर्ष ७ जना आमाहरुले एसइई पास गरेका थिए । यस विद्यालयमा २० वर्षभन्दा माथिका ३९ जना आमाहरु पढछन् ।
म्याग्दीबाट यस वर्ष कुल २ हजार १ जना परीक्षार्थीले एसइई दिन लागेको शिक्षा विकास तथा समन्वय इकाइ म्याग्दीका प्रमुख दलबहादुर थापाले बताए । तीमध्ये नियमितर्फ १ हजार ९ सय ७, ग्रेड वृद्धितर्फ १७ र प्राविधिक धारतर्फ ७७ जना परीक्षार्थी छन् ।
Related News
सम्बन्धित समाचार
मर्दीखोला प्रतिष्ठानद्वारा शैक्षिक सामग्री र छात्रवृत्ति वितरण
क्यानडा पढ्न जानेलाई दूतावासको सुझाव : विद्यार्थीले सोचेजस्तो छैन, विचार गरेर आउनुस्
स्वास्थ्य संस्थाहरूमा किशोरकिशोरीमैत्री सेवा र पहुँच आवश्यक छ : प्रमुख आचार्य
कक्षा १२ को प्रश्नपत्र आउट गर्ने २ जना पक्राउ
महेन्द्र माविमा रुद्रमधु गोविन्द अक्षयकोष स्थापना
hero news full width
मुख्य समाचार
पाण्डे सरकारले नियम मिचेर बहुवर्षे योजना थपेको मुख्यमन्त्रीको आरोप
भ्रष्टाचार नियन्त्रणमा सार्थक प्रयास भएन : धनराज गुरुङ
वैशाख २१, २०८१गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
वैशाख २१, २०८१मुख्यमन्त्री अधिकारीले २३ गते विश्वासको मत लिने, राप्रपा विपक्षमै
वैशाख २१, २०८१राप्रपाले साथ नदिने भएपछि अधिकारी सरकार संकटमा, अब के होला ?
वैशाख २०, २०८१लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१