पोखरा । सिद्धार्थ बैंक लिमिटेडको गण्डकी प्रदेश कार्यालय तथा पोखरा शाखा भवन उद्घाटन गरिएको छ । बैंकका संचालक समिति अध्यक्ष मनोजकुमार केडियाले नयाँसडकस्थित कार्यालयको सोमबार उद्घाटन गरेका हुन् ।
उनले सिद्धार्थ बैंकले स्थापनाको २ दशक पूरा गरेको स्मरण गराउँदै सहयोग र सद्भावका लागि सबै ग्राहक वर्गमा धन्यवाद प्रकट गरे । उद्योग र अन्य व्यवसाय जस्तै बैंक पनि एउटा व्यवसाय भएको बताउँदै उनले व्यवसायी र बैंक संचालक सहकार्य गरेर अगाडि बढ्नुपर्ने भनाइ राखे । व्यवसायी र बैंकर एकअर्काको पूरक भएको भन्दै उनले विश्व नै आर्थिक रुपमा अफ्ठ्यारो अवस्थाबाट गुज्रँदै गर्दा नेपालमा पनि त्यसको असर देखा परेको बताए ।
नीति, नियम र कानुनका सम्बन्धमा केही परिवर्तन गर्नु परे व्यवसायी र बैंकरसँगै सरकारसँग जान सकिने उल्लेख गर्दै उनले अर्थ मन्त्रालय र नेपाल राष्ट्र बैंकले आफ्नो तरिकाले काम गर्नु अन्यथा नभएको बताए । ‘ब्याजदर लगायतका विषयले व्यवसायी दुखी हुँदा, बैंक संचालक खुसी छैनन्,’ उनले भने । पोखराको संस्कृति संरक्षण, यहाँको शैक्षिक विकास र हिमाल आरोहणसम्बन्धी विद्यालय वा विश्वविद्यालय खोलेर अगाडि बढ्न सकिने प्रशस्त सम्भावना भएको उनले बताए ।
‘उद्योग र अन्य व्यवसाय जस्तै बैंक पनि एउटा व्यवसाय’
बैंकका प्रमुख कार्यकारी अधिकृत सुन्दरप्रसाद कँडेलले बैंकले २ खर्ब १५ अर्ब रुपैयाँ बचत जम्मा गरी २ खर्ब रुपैयाँ कर्जा लगानी गरेको तथ्यांक सुनाए । सिद्धार्थ बैंक नेपालका उत्कृष्ट १० वाणिज्य बैंकभित्र पर्ने बताउँदै उनले देशको उत्पादन, रोजगारी र राजस्वको क्षेत्रमा सो बैंकको योगदान उल्लेख्य रहेको बताए । कोशी अस्पतालमा डायलोसिस मेसिन किन्न ५० लाख रुपैयाँ प्रदान गरी नारायणीमा आइसियुका लागि भवन बनाउन र पोखराको अमरसिंह विद्यालयमा भवन र कम्प्युटरका लागि बैंकले सहयोग गरी सामाजिक उत्तरदायित्वमा समेत आफूलाई सामेल गराएको उनले बताए । प्रविधिको पक्षलाई पनि बैंकले उत्तिकै ख्याल गरी अगाडि बढेको उनले भनाइ छ । युरोप र अमेरिकाका बैंक समेत अहिलेको आर्थिक अवस्थाले दबाबमा रहेको बताउँदै उनले तरलता र ब्यालेन्स अफ पेमेन्ट समस्या नेपालमा विस्तारै सुधार हुँदै गएको उल्लेख गरे ।
बैंकका डेप्युटी कार्यकारी अधिकृत रामेश्वरप्रसाद बस्यालले सन् २००६ बाट बैंकले पोखरामा सेवा आरम्भ गरेको जानकारी दिंदै गण्डकी प्रदेशमा २२ शाखा र देशभर १ सय ९४ शाखमार्फत सेवा प्रवाह भइरहेको जानकारी दिए । गण्डकी प्रदेशमा सिद्धार्थ बैंकको १० अर्ब रुपैयाँ निक्षेप र १५ अर्ब कर्जा लगानी रहेको तथ्यांक पनि उनले सुनाए । बैंकले पोखरामा सामान्य एटिएम मेसिनको सुविधादेखि यस्तैखालको मेसिनमा नगदै जम्मा गर्न सकिने र चेक पनि जम्मा गर्न सकिने खालको सेवा सुरु गरेको पनि उनले अवगत गराए ।
कार्यक्रममा बैंकका संचालक सदस्य दिनेशशंकर पालिखे, व्यवसायी नारायणप्रसाद पौडेल, सन्तोष पोखरेल र विशेश्वर आचार्यले पनि सिद्धार्थ बैंकसँग कारोबार गर्दाको अनुभव सुनाउँदै पोखराको शिक्षा, स्वास्थ्य र पर्यटनमा लगानी बढाउन सो बैंकसँग आग्रह गरे । बैंकको नयाँ भवनमा गण्डकी प्रदेश कार्यालय र पोखरा शाखाको बैंकिङ कारोबार हुनेछ । कार्यक्रम संचालन शोभा केसीले गरेकी थिइन् ।
Related News
सम्बन्धित समाचार
रेडक्रसलाई लुम्बिनी विकासको सहयोग
रेडक्रस कास्कीलाई लुम्बिनी विकासको सहयोग
ग्रिनका अध्यक्ष श्रेष्ठको सपथ
ग्रीन बैंकको वार्षिक साधारणसभा
ग्रिन बैंक र फिस्टेलबीच सम्झौता
hero news full width
मुख्य समाचार
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
वैशाख २१, २०८१मुख्यमन्त्री अधिकारीले २३ गते विश्वासको मत लिने, राप्रपा विपक्षमै
वैशाख २१, २०८१राप्रपाले साथ नदिने भएपछि अधिकारी सरकार संकटमा, अब के होला ?
वैशाख २०, २०८१लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१