पोखरा । ग्रिन डेभलपमेन्ट बैंकका नवनियुक्त अध्यक्ष गणेशकुमार श्रेष्ठले सोमबार पद तथा गोपनीयताको सपथ पिलएका छन् ।

उनले नेपाल राष्ट्र बैंक पोखरा शाखाका निर्देशक बिना ढकाल पौडेलसमक्ष पद तथा गोपनीयताको सपथ लिएका हुन् । उनी २७ चैतमा बैंकको दशौं तथा एघारौं संयुक्त साधारण सभाबाट संस्थापक शेयरधनीतर्फबाट अध्यक्षमा निर्विरोध निर्वाचित भएका थिए ।

बैंकलाई अहिलेको अवस्थासम्म पुर्‍याउन नेपाल राष्ट्र बैंकले पुर्‍याएको सहयोगको विशेष स्मरण गर्दै उनले बैंकिङ क्षेत्र थप बिस्तार गर्न भविष्यमा पनि यस किसिमको सहयोग आवश्यक रहने बताए । उनले नेपाली बैंकहरुले बदलिँदो विश्व परिस्थितिअनुसार आफूलाई प्रविधिमैत्री बनाउन आवश्यक हुने बताउँदै आफ्नो कार्यकालमा ग्रीनलाई थप सबल र उत्कृष्ट बनाउन पहल गर्ने प्रतिबद्धतासमेत व्यक्त गरे ।