पोखरा । पत्रकार केशव पाठकलाई मातृशोक परेको छ । उनकी ममतामयी माता नयनकुमारी पाठकको ८० वर्षको उमेरमा निधन भएको हो । पछिल्लो समय ब्रेन ट्युमरबाट पीडित उनको पोखरा १७ बिरौटास्थित आफ्नै निवासमा बिहीबार दिउँसो निधन भएको हो ।

उनको बिहीबार साँझ पोखरा ९, शान्तिघाटमा अन्त्येष्टि गरिएको छ । पाठकको स्थायी घर पर्वतको फलेबास ११, पाङराङ हो ।

स्व.पाठकका श्रीमान् सोमप्रसाद पाठक, ४ छोरा (केशव, विजय, पुष्प र मनोज) र २ छोरी (लक्ष्मी ढकाल र सरस्वती घिमिरे) छन् ।

नेपाल खेलकुद पत्रकार मञ्च गण्डकीका संस्थापक अध्यक्ष केशव पाठक विभिन्न संघसंस्थामा आबद्ध छन् ।

उनी पोखरा स्पोर्टस् डटकमका सम्पादक हुन् ।

यसैबीच, खेलकुद पत्रकार मञ्च गण्डकीका तर्फबाट महासचिव राजाराम पौडेलले शोकविज्ञप्ति जारी गरी दुख व्यक्त गरेका छन् ।