पोखरा । पोखरा १५ फलेपाटनस्थित सिद्ध माविका विद्यार्थीलाई स्पोर्ट्स ड्रेस वितरण गरिएको छ । विद्यालयका कक्षा १ देखि ५ सम्मका करिब १ सय ५० जना छात्रछात्राहरूलाई पोखरा कम्युनिटी सपोर्ट सेन्टर र सेन्ट मेरिज हाई स्कुलको सहयोगमा स्पोर्ट्स ड्रेस वितरण गरिएको हो । उनीहरुलाई कम्युनिटी सपोर्ट सेन्टरले १ सय थान र सेन्ट मेरिज हाई स्कुलले ५० थान ड्रेस सहयोग गरेका हुन् ।
कार्यक्रममा पोखरा १५ का वडाध्यक्ष तोरणबहादुर बानियाँले विपन्न वर्गका नानिबाबुहरुलाई स्पोर्ट्स ड्रेस सौजन्य गरेकोमा सहयोगी संस्थाप्रति आभार व्यक्त गरे । उनले पूर्वाधारको विकासले मात्र मानवीय विकास नहुने भन्दै अबको विकास स्वास्थ्य, शिक्षा, खेलकुद, कृषि, युवा स्वरोजगार र महिला उद्यमशीलतालाई सँगसँगै लगेमात्र मानवीय विकास हुने बताए ।
विद्यालय प्रअ गुरुदत्त कोइरालाले अधिकांश सामुदायिक विद्यालयमा अध्ययन गर्न आउने विद्यार्थी कमजोर आर्थिक पृष्ठभूमिबाट आउने हुँदा अहिलेको युगमा समयसापेक्ष सिकाइ र अतिरिक्त क्रियाकलापका लागि निजी विद्यालय सरहको सिकाइ प्रदान गर्न सहयोगी संस्थाहरूसँग हातेमालो गर्दै आएको बताए ।
पोखरा कम्युनिटी सेन्टरकी को–अर्डिनेटर निर्मला मालीले विगतका दिनहरूमा पनि विद्यालयसँग समन्वय गर्दै आएकोमा यसपालि पनि सहयोग गर्न पाउँदा खुसी लागेको बताइन् । कम्युनिटी सेन्टरले विशेष गरेर समुदायमा रहेका कमजोर आर्थिक अवस्था भएका बालबालिकालाई प्राथमिकतामा राखेर ट्युसन, खेलकुद, लाइब्रेरीमार्फत सहयोग गर्दै आएको उनको भनाइ छ । कार्यक्रम विद्यालय व्यवस्थापन समिति अध्यक्ष गणेशबहादुर आलेको अध्यक्षतामा भएको हो ।
Related News
सम्बन्धित समाचार
कक्षा १२ को प्रश्नपत्र आउट गर्ने २ जना पक्राउ
महेन्द्र माविमा रुद्रमधु गोविन्द अक्षयकोष स्थापना
रत्नशोभा माविका भूपू विद्यार्थीबीच पुनर्मिलन
माछापुच्छ्रे मावि व्यवस्थापनमा बमबहादुर
मनिपालमा अत्याधुनिक एमआरआई मेसिन
hero news full width
मुख्य समाचार
गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
नारायणगढ–बुटवल सडक ३३ किमी कालोपत्रे
वैशाख १९, २०८१सहकारी ठगीमा राप्रपाका सांसदसहित १४ जना विरुद्ध पक्राउ पूर्जी
वैशाख १८, २०८१गण्डकीमा अधिकारी सरकारलाई राप्रपाको साथ
वैशाख १८, २०८१अधिकारी सरकारविरुद्धको रिट खारेज, वैशाख २४ भित्र विश्वासको मत लिनुपर्ने
वैशाख १८, २०८१इलाम २ मा सुवासपुत्र सुहाङ नेम्बाङ विजयी
वैशाख १८, २०८१