पोखरा । नागरिक मूल समारोह समितिले ३०१ औं पृथ्वीजयन्तीका कार्यक्रम सार्वजनिक गरेको छ ।
राष्ट्रिय एकताका प्रतीक राष्ट्रनिर्माता श्री ५ बडा महाराजधिराज पृथ्वीनारायण शाहको जन्मजयन्ती नागरिकस्तरबाट मनाउन लागिएको समितिले सोमबार पत्रकार सम्मेलन गरी जानकारी दिएको छ ।
पृथ्वीनारायण शाहबाट नेपाल एकीकरण भएकै कारण सार्वभौम नेपाली हुन पाइएको र राष्ट्र निर्माताको सम्मान गर्नु सबैको दायित्व हो भन्दै समितिले पुस २७ गते पृथ्वीजयन्ती मनाउने निर्णय गरेको हो ।
उक्त दिन सरकारले सार्वजनिक बिदासमेत दिने घोषणा गरिसकेको छ ।
कार्यक्रमअनुसार बिहान ८ बजे सहिद तथा राष्ट्रिय विभूति पार्क, जामुनबोटमा पृथ्वीनारायणको सालिकमा माल्यार्पण गर्ने र बिहान ११ बजे मानवअधिकार चोक चिप्लेढुंगामा जम्मा भई शोभायात्रामार्फत पृथ्वीचोक पुग्ने कार्यक्रम छ । बिहान ८ बजे गीता मन्दिरमा पृथ्वीनारायण शाहसम्बन्धी कविता वाचन कार्यक्रम पनि राखिएको छ । साढे १२ बजे पृथ्वीचोकमा मूल समारोह आयोजना हुने समितिले जनाएको छ ।
नेपालको झण्डाको साथमा हेलिकोप्टरबाट पोखराको आकासमा पृष्पवृष्टी गरिने
पञ्चेबाजा, भजन चुड्का र सांस्कृतिक कार्यक्रम पनि समेटिएको छ । कार्यक्रममा पृथ्वीनारायणको तस्बिर र नेपालको झण्डाको साथमा हेलिकोप्टरबाट पोखराको आकासमा पृष्पवृष्टीसहित परिक्रमा गरिने छ भने साँझ ५ः३० बजे पृथ्वीचोकमा नै दीप प्रज्वलन गरिने कार्यक्रम संयोजक शंकर खरालले बताए । राष्ट्रिय एकता दिवस मूल समारोह समिति–२०७९ आयोजक र विश्व हिन्दू महासंघ कार्यक्रमको सहआयोजक छ ।
पत्रकार सम्मेलनमा प्राडा दिलबहादुर क्षत्रीले राष्ट्रिय एकता दिवसरुपमा मनाउन लागिएको पृथ्वीजयन्ती कुनै दल र संस्था विशेषभन्दा पनि राष्ट्रको एजेण्डा हुनुपर्ने बताए । राष्ट्र निर्माणमा पृथ्वीनारायण शाहको योगदान अवमूल्यन गर्ने व्यक्ति नेपाली हुन नसक्ने उनको तर्क छ ।
स्वतन्त्र पत्रकार संघ नेपालका संस्थापक अध्यक्ष कृष्णप्रसाद बास्तोलाले नेपालको सांस्कृतिक र भौगोलिक एकीकरणमा पृथ्वीनारायण शाहको भूमिका महत्वपूर्ण रहेको बताउँदै सरकारले बिर्सिए पनि नागरिक समाजले शाहको योगदानलाई नबिर्सने बताए ।
राप्रपा कास्की अध्यक्ष नारायण गुरुङले नेपालीलाई नेपाली भनेर चिनाउन पृथ्वीनारायणको प्रमुख योगदान रहेको बताए । कार्यक्रम संचालन राप्रपा गण्डकी प्रवक्ता समेत रहेकी कार्यक्रमको प्रचार संयोजक पार्वता पौडेलले गरेकी थिइन् ।
Related News
सम्बन्धित समाचार
पोखराका भवन निर्माणमा नयाँ प्रविधि
लान्द्रुकमा हनी हन्टिङ महोत्सव तयारी
सहारा क्लब पोखरालाई वर्ष उत्कृष्ट क्लबको अवार्ड
पामेका अनधिकृत संरचनामा महानगरको डोजर
पोखरामा धुवाँको कालो मुस्लो फ्याक्ने ११ गाडी नियन्त्रण
hero news full width
मुख्य समाचार
कसको हातमा पर्ला वर्ष खेलाडीको उपाधि ?
गण्डकी प्रज्ञा–प्रतिष्ठानले ७ जना श्रष्टालाई सम्मान गर्दै
वैशाख २६, २०८१मुग्लिन–पोखरा सडक खण्डमा १३ वटा पुल सम्पन्न, ११ निर्माणाधीन
वैशाख २६, २०८१प्रदेशमा सञ्चालित आयोजनाहरुको प्रगति विवरण २ दिनभित्र पेस गर्न मुख्यमन्त्रीको निर्देशन
वैशाख २५, २०८१गण्डकी सरकारविरुद्ध सर्वोच्चमा कांग्रेसले दर्ता गरायो रिट, पेसी पर्सि
वैशाख २५, २०८१सुरु भयो ट्राफिक सप्ताह, मुख्यमन्त्रीले गरे उद्घाटन
वैशाख २५, २०८१