पोखरा, १६ कात्तिक । आदर्श समाज राष्ट्रिय दैनिक र कास्की आदर्श समाज अन्तर्राष्ट्रिय समन्वय परिषद्, नेपालबीच आपसी सहकार्यका लागि परिषद्ले बुधबार पत्र हस्तान्तरण गरेको छ ।
पोखरा–८ न्यूरोडस्थित पत्रिकाको कार्यालयमा आयोजित कार्यक्रममा परिषद्का प्रवक्ता सन्तोष तिमल्सिनाले पत्रिकाका प्रधानसम्पादक कृष्णप्रसाद बास्तोलालाई सहकार्यका लागि पत्र हस्तान्तरण गरेका थिए । समाजलाई समृद्ध बनाउन परिषद् र पत्रिकाको उद्देश्य समान भएका कारण सहकार्यको तयारी अगाडि बढाइएको प्रधानसम्पादक बास्तोलाले जानकारी दिए ।
उक्त अवसरमा परिषद्का वरिष्ठ उपाध्यक्ष हंसराज ढकाल क्षत्री, सहसंयोजकद्वय विकासराज वराल र प्रकाशलाल श्रेष्ठ, नेपाल च्याप्टरका सचिव हरिबहादुर ढकाल लगायतको उपस्थिति रहेको थियो । परिषद्ले गत आर्थिक वर्षमा स्थानीय निकाय र विद्यालयसँग समन्वय गर्दै कास्कीमा ४८ जनालाई शैक्षिक अक्षयकोषबाट छात्रवृत्ति प्रदान गरेको जनाएको छ ।
विश्वभरिका कस्केली खोजी अभियान, समृद्ध जन्मथलो हाम्रो अभियान भन्ने मूल नाराका साथ सन् २०१७ अक्टोबर ९ मा परिषद्को स्थापना भएको हो । आफ्नो जन्मभूमि, परिवार र शुभचिन्तकहरुलाई छाडी आफ्नो जीवनस्तर उकास्नका खातिर विदेशमा छरिएर रहेका कस्केलीहरुको मिलनविन्दुको रुपमा समेत उक्त संस्था रहेको छ ।
आपसी एकता, सद्भाव र भाइचारा अभिवृद्धि गर्ने र आफूले हासिल गरेका सीपमार्फत् जिल्लाको एकीकृत विकासमा योगदान दिने उद्देश्य पनि संस्थाको रहेको छ । विश्वका विभिन्न मुलुकहरुमा कार्यरत कस्केली समाजलाई केन्द्रित रुपमा जिल्लासँग जोडी कार्य गर्ने अभियानमा पनि संस्था रहेको छ ।
यो संस्था जिल्लाको समग्र विकासमा सहयोग पुर्याउने गैरनाफामूलक, गैरराजनीतिक सामाजिक संस्था हो । जिल्लाका दैवी प्रकोपपीडित र गरिब तथा जेहेनदार विद्यार्थीलाई सहयोग गर्न राहत कोषमार्फत समेत संस्थाले काम गर्दै आएको छ । अहिलेसम्म १४ देशमा १६ संस्था र नेपालसहित २५ देशको आवद्धता परिषद्मा रहेको जनाइएको छ ।
Related News
सम्बन्धित समाचार
विश्वासको मतअघि अधिकारी सरकारले वितरण गर्यो ५० लाख आर्थिक सहायता
‘शान्ति छर्न ब्रह्मकुमारी विश्वविद्यालयको योगदान’
पार्टी अफिस बनाउँदै कांग्रेस गण्डकी प्रदेश समिति, बास्तोला तोकिए संयोजक
क्यानडा पढ्न जानेलाई दूतावासको सुझाव : विद्यार्थीले सोचेजस्तो छैन, विचार गरेर आउनुस्
४ दिनपछि पोखरा अन्तर्राष्ट्रिय विमानस्थलमा नियमित उडान र अवतरण
hero news full width
मुख्य समाचार
पाण्डे सरकारले नियम मिचेर बहुवर्षे योजना थपेको मुख्यमन्त्रीको आरोप
भ्रष्टाचार नियन्त्रणमा सार्थक प्रयास भएन : धनराज गुरुङ
वैशाख २१, २०८१गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
वैशाख २१, २०८१मुख्यमन्त्री अधिकारीले २३ गते विश्वासको मत लिने, राप्रपा विपक्षमै
वैशाख २१, २०८१राप्रपाले साथ नदिने भएपछि अधिकारी सरकार संकटमा, अब के होला ?
वैशाख २०, २०८१लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१