नेपाल र चीनको सम्बन्ध सुमधुर छ । समय–समयमा उच्चस्तरीय भेटघाट भइरहेका छन् । चीनका अधिकारीहरु बेला–बेलामा नेपाल आउने गरेका छन् भने अस्ति भर्खरै हाम्रा परराष्ट्रमन्त्री नारायण खड्काले ३ दिने चीन भ्रमण गरेका थिए । ती भ्रमणहरुले निश्चय नै नेपाल–चीनको सम्बन्ध अरु मजबुद बनाएको अनुमान गरिएको छ । यो सम्बन्धलाई सम्बन्धित सबै पक्षले प्रशंसा पनि गर्ने गरेका छन् । तर दुई देशको व्यापार क्षेत्रमा भने आयात–निर्यात व्यापारमा लागेका नेपालीहरुले त्यत्ति सुखद् अनुभूति गर्न पाएका छैनन् । चीनबाट तातोपानी र रसुवागढी नाकाबाट सामान ल्याउनेहरुले विगत ७ वर्षभन्दा पहिलेदेखि त्यत्ति सजिलै र सहज किसिमले मालसामान आयात गर्न सकिरहेका छैनन् । ती नाकाबाट सामान आयात गर्ने साना मझौला व्यापारीहरु पलायन भएका छन् भने ठूला व्यापारीहरुले समुद्री बाटो प्रयोग गरेर सामान आयात गरिरहेका छन् ।
ती व्यापारीका अनुसार २०७२ सालको भूकम्पको बेला पूर्ण रुपले ती नाका बन्द थिए भने ४ वर्षपछि आंशिक रुपले खुलेका थिए । त्यसैबीच कोरोनाका बेला फेरि बन्द गरिए । अहिले नाका खुलेको भनिएको छ तर कहिले खुल्ने र कहिले बन्द गरिने भएकोले व्यापारीहरु धेरै मर्कामा छन् । नेपाली व्यापारीहरुले चीनबाट ल्याएको कन्टेनरहरु सीमा नाका गरे बन्द भएबाट हप्तौसम्म सडकमा पंक्तिबद्ध भएर रहनुपर्ने हुन्छ । त्यसरी लामो समय बाटोमा रोकिनुपर्दा धेरै सामान बिग्रने र बीचैमा फाल्नुपर्ने अवस्था आउँछ । व्यापारीहरुले धेरै नोक्सानी व्यहोर्नु परेको तीतो अनुभव सुनाउने गर्दछन् ।
ती नाकाहरु किन बन्द गरिन्छन् र किन खुल्छन् भन्ने केही जानकारी छैन । त्यसको समय तालिका केही भए त्यसैअनुसार व्यापारीहरुले मालसामान ल्याउन सक्थे । त्यस्तो पनि छैन । केही निश्चितता नै छैन । त्यस्तो किन गरिएको भन्ने जानकारी पनि छैन । व्यापारीहरुले उद्योग वाणिज्य तथा आपूर्ति मन्त्री दिलेन्द्रप्रसाद बडुलाई आफ्नो समस्या सुनाएका छन् । मन्त्री बडुले नाका नियमित खुलाउन हाम्रो परराष्ट्र मन्त्री खड्का चीन जाँदा त्यो समस्या लिखित रुपमा चीन समक्ष राखिएको जानकारी दिएका छन् । परराष्ट्र मन्त्रीको चीन भ्रमण भएको पनि केही हप्ता बितेका छन्, तैपनि स्थितिमा सुधार आएको छैन । अब त नेपालीहरुको ठूलो चाड बडादसैं पनि नजिक आएको छ । दसैंमा धेरै सामान आयात गरेर बिक्री वितरण गर्ने व्यापारीको लक्ष्य हुन्छ । नाका भने सुचारु भएको छैन । त्यो ठूलो समस्या हो । चीनले किन त्यसो गरेको हो भन्ने कारण पनि कहिल्यै बताएको छैन । स्थिति अन्योलपूर्ण छ । त्यस्तो अवस्थामा राख्नु उचित होइन । नाका छिटो सुचारु गर्नुपर्नेमा हामी जोड दिन चाहन्छौं ।
Related News
सम्बन्धित समाचार
आन्दोलनलाई उत्तेजक नबनाऊ
नेपालको बिजुली भारतले किन्ने सम्झौता
अग्रज पत्रकार पोखरेलको निधन
प्रमको सम्बोधनः कामभन्दा आश्वासन धेरै
त्रिविमा राजनीतिक भागबण्डा अन्त्य गर्ने उद्घोष
hero news full width
मुख्य समाचार
काम चलाउ सरकारद्वारा दोस्रो आवधिक योजनाको आधारपत्र परिमार्जन, पाण्डे सरकारले तय गरेको सोच समेत फेरियो
एचआइभी संक्रमणले पढाइबाट वञ्चित
जेठ ५, २०८१उषा र प्रकाश पोखरा साइकल दौड च्याम्पियन
जेठ ५, २०८१पोखरा सिँगार्न दिनहुँ श्रमदानमा खटिन्छन् सीताराम
जेठ ५, २०८१मुग्लिन–पोखरा सडक पूर्वी खण्डको म्याद थपियो
जेठ ४, २०८१फेवाको मापदण्ड घटाउन सर्वोच्चमा रिट
जेठ ४, २०८१